Паставымэбля, ААТ. Пастаўскі раён
- Подробности
- Створана 25.02.2019 12:23
- Адноўлена 14.03.2019 11:15
| Сучасная назва | ААТ «Паставымэбля» |
| Былая назва | Пастаўскі завод па вытворчасці вучэбнага абсталявання па чарчэнні і маляванні (1980) |
| Тып | адкрытае акцыянернае таварыства |
| Дата заснавання | 1980 |
| Месца знаходжання | Віцебская вобласць, Пастаўскі раён, г. Паставы |
| Галіна | дрэваапрацоўчая прамысловасць |
| Сайт | http://postavymebel.by/ |
Прадпрыемства было заснавана ў 1980 г. як Пастаўскі завод па вытворчасці вучэбнага абсталявання па чарчэнні і маляванні, для забеспячэння навучальных устаноў усяго Савецкага Саюза школьнай мэбляй і абсталяваннем.
У 2001 г. перайменаваны ва ўнітарнае камунальнае вытворчае прадпрыемства «Паставымэбля». З 2005 г. ААТ «Паставымэбля».
Асартымент прадукцыі налічвае больш за 200 вырабаў. Тут выпускаюць мэблю рознага функцыянальнага прызначэння: наборы для спальняў, кухань, пярэдніх пакояў; корпусныя, для кіраўнікоў, офісныя; ложкі, шафы, сталы пісьмовыя, тумбы прыложкавыя, сталы камп'ютарныя, аўдыторныя, лавы вуглавыя, школьную мэблю і інш.
Унікальнасць прадпрыемства заключаецца ў тым, што яно было і ёсць адзіным дзяржаўным прадпрыемствам (доля акцый дзяржавы – 100 %), якое спецыялізуецца на выпуску мэблі для навучальных устаноў, у прыватнасці школьнай мэблі. Дзякуючы таму, што ААТ «Паставымэбля» назапасіла багаты вопыт у вытворчасці школьнай мэблі, а таксама праведзенай маштабнай мадэрнізацыі, прадпрыемства паспяхова рэалізуе сваю прадукцыю (парты, сталы, варштаты і г.д.), удзельнічае ў конкурсных таргах на роўных з прыватнымі прадпрыемствамі і ў стане прапанаваць самыя сучасныя тэхналогіі вытворчасці школьнай мэблі.
Прадукцыя прадпрыемства рэалізоўваецца ўнутры рэспублікі і за яе межамі (Латвія, Казахстан, Расія, Таджыкістан, Германія). Штогод на выставах мэблі заваёўвае дыпломы пераможцаў.
Адрас: Віцебская вобласць, Пастаўскі раён, г. Паставы, вуліца Краснаармейская, 140 а.
 
|
ЛІТАРАТУРА
1. Боровикова, О. Все краски жизни / О. Боровикова // СБ. Беларусь сегодня. – 2017. – 27 июня. – С. 6.
2. Бут, А. Парта особого назначения / А. Бут // Віцебскі рабочы. – 2012. – 10 ліп. – С. 2.
3. Быньков, А. За такими партами сколиоз не страшен! / А. Быньков // Витебские вести. – 2015. – 3 февр. – С. 5.
4. Быньков, А. «Поставымебель»: баланс цены и качества // Народнае слова. – 2010. – 11 сак. – С. 8.
5. Быньков, А. «Поставымебель»: в будущее с оптимизмом! / А. Быньков // Витебские вести. – 2013. – 24 авг. – С. 2.
6. Вучнеўскія парты і шмат чаго яшчэ прапануе ААТ «Паставымэбля» / падрыхт. І. Міндалёва [і інш.] // Звязда. – 2009. – 2 ліп. – С. 6.
7. Дроздова, Н. Одним движением руки скамейка превращается... / Н. Дроздова // Віцьбічы = Витьбичи. – 2016. – 4 авг. – С. V.
8. Земчёнок, С. Р. «Поставымебель» / С. Р. Земчёнок // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 368.
9. Курыловіч, П. Мэта – быць лідарам / П. Курыловіч // Пастаўскі край. – 2016. – 13 студз. – С. 3.
10. Курыловіч, П. Тонка рэагуюць на кан’юнктуру рынку / П. Курыловіч // Пастаўскі край. – 2015. – 26 жн. – С. 4.
11. Наумова, А. Вторая жизнь парты Эрисмана / А. Наумова // Сельская газета. – 2018. – 29 март. – С. 17.
12. Пастаўшчына сучасная // Чароўны край – Пастаўшчына : вучэбны дапаможнік па курсе «Паставызнаўства» / І. М. Пракаповіч. – 2–е выд., дапрац. і дап. – Мінск : Ковчег, 2014. – С. 308–309.
13. Пашкевіч, Т. «Паставымэбля»: з любоўю і клопатам пра спажыўца / Т. Пашкевіч // Витебские вести. – 2017. – 27 июля. – С. 12.
14. Пашкевіч, Т. Трэба верыць у сябе і ў свой калектыў / Т. Пашкевіч // Витебские вести. – 2016. – 6 янв. – С. 11.
15. Пішч, Г. Якасная, недарагая, экалагічна чыстая / Г. Пішч // Пастаўскі край. – 2009. – 15 крас. – С. 3.
СПАСЫЛКІ
