Багушэўскі лясгас, ДЛГУ. Сенненскі раён, г. п. Багушэўск

Подробности

Створана 29.07.2019 12:23

Адноўлена 27.08.2019 13:42

Дзяржаўная лесагаспадарчая ўстанова «Багушэўскі лясгас» створана ў 1940 годзе на тэрыторыі Сенненскага і Аршанскага раёнаў.

У 1976 годзе перайменавана ў доследны лясгас, з 1988 года – лясгас.

З 1996 года – дзяржаўнае лесагаспадарчае прадпрыемства. З 2000 года – сучасная назва.

Мяжуе з Віцебскім і Аршанскім лясгасамі. Адміністрацыйны цэнтр знаходзіцца ў г. п. Багушэўск Сенненскага раёна.

Спецыялізуецца на лесанарыхтоўцы і дрэваапрацоўцы. У структуры прадпрыемства 7 лясніцтваў (Багушэўскае, Сенненскае, Обальскае, Бурбінскае, Какоўчынскае, Ульянавіцкае ў Сенненскім і Сафіеўскае ў Аршанскім раёнах), цэх дрэваапрацоўкі.

У 2009 годзе пабудаваны і ўведзены ў эксплуатацыю цэх для вытворчасці драўняных паліўных гранул. Агульная плошча 72,2 тыс. га, у тым ліку пакрытая лесам 64,7 тыс. га, сярэдні ўзрост насаджэнняў 44 гады.

Прадпрыемства вырабляе леса- і піламатэрыялы хвойных і ліставых парод: піловачнік, балансы; пілапрадукцыя (дошкі абразныя і неабразныя, палетныя); прадукцыя пабочнага лесакарыстання (сок бярозавы, мёд).

Аказвае паслугі па ўзнаўленні і вырошчванні лясоў, лесанарыхтоўцы, ахове лясоў ад пажараў, шкоднікаў, хвароб, пастаўцы лясоў будаўнічых, распілоўцы лесаматэрыялаў.

На тэрыторыі лясгаса знаходзяцца 7 гідралагічных заказнікаў мясцовага значэння: Рудзецкае, Гурынскае, Леванова, Кічынскі, Капланскі Мох, Глыбоцкі Мох, Замашанскі Мох.

Прадпрыемства вырабляе прадукцыю дрэваапрацоўкі з экалагічна чыстай сыравіны. Рэалізуецца як на ўнутраны рынак, так і на экспарт (Латвія, Польшча, Расія, Фінляндыя). За 2018 год зроблена і рэалізавана паліўных гранул 1185 тон, у тым ліку 1156 тон на экспарт; піламатэрыялаў 10650 м3, у тым ліку на экспарт 3515 м3.

На прадпрыемстве працуюць чатыры лесанарыхтоўчыя брыгады. Пабудаваны комплекс «Дом паляўнічага» ў вёсцы Кічына.

У 2015 годзе пабудаваны навес для складзіравання піламатэрыялаў, уведзена ў эксплуатацыю ўласная чыгуначная ветка для пагрузкі лесапрадукцыі ў вагоны, адноўлены аўтатрактарны парк тэхнікі, зроблены рамонт адміністрацыйнага будынка лясгаса.

У ліпені 2015 года на базе ДЛГУ «Багушэўскі лясгас» адбыўся абласны чэмпіянат вальшчыкаў лесу «Лесаруб-2015».

У 2018 годзе пабудаваны адміністрацыйны будынак Ульянавіцкага лясніцтва, мадэрнізаваны адміністрацыйныя будынкі Багушэўскага, Сафіеўскага, Сенненскага лясніцтваў.

У 2019 годзе працягваецца планамерная мадэрнізацыя цэха дрэваапрацоўкі.

Адрас: Віцебская вобласць, Сенненскі раён, г. п. Багушэўск, вуліца Заслонава, д. 66.

ЛІТАРАТУРА

1. Быньков, А. За зайцем и косулей в Кичино / А. Быньков // Витебские вести. – 2015. – 1 авг. – С. 11.

2. Горбачёв, П. В. Богушевский лесхоз / П. В. Горбачёв // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 77.

3. Дедюро, Л. Под сенью изумрудных лап / Л. Дедюро // Віцебскі рабочы. – 2011. – 17 сент. – С. 2.

4. Измайлович, А. Проценты по «зеленому депозиту» / А. Измайлович ; беседовал В. Платун // Директор. – 2016. – № 12. – С. 60–61.

5. Ізмайловіч, А. В. Іх лёс – лес / А. В. Ізмайловіч ; гутарыла В. Бандарэвіч // Голас Сенненшчыны. – 2018. – 11 верас. – С. 3.

6. Ляшук, С. За отдыхом в «Кичино» / С. Ляшук // Витебские вести. – 2016. – 13 дек. – С. 7.

7. Ляшук, С. Темп отгрузки увеличен / С. Ляшук // Витебские вести. – 2016. – 24 дек. – С. 3.

8. Мыслицкая, О. Учат беречь природу / О. Мыслицкая // Голас Сенненшчыны. – 2015. – 20 кастр. – С. 1.

9. Петрова, Е. Финский опыт в богушевских лесах / Е. Петрова // Витебские вести. – 2015. – 31 марта. – С. 4.

10. Цапота, О. И прибыль, и новая техника // О. Цапота // Голас Сенненшчыны. – 2008. – 19 верас. – С. 2.

11. Яўгенаў, А. Павялічыць рэнтабельнасць прадукцыі, паляпшаць умовы працы / А. Яўгенаў // Голас Сенненшчыны. – 2013. – 11 чэрв. – С. 3.