Милконфорест, СТАА. Сенненскі раён, г. п. Багушэўск
- Подробности
- Створана 29.07.2019 12:23
- Адноўлена 01.10.2019 09:01
| Сучасная назва | СТАА «Милконфорест» |
| Тып | сумеснае таварыства з абмежаванай адказнасцю |
| Дата заснавання | 2013 |
| Месца знаходжання | Віцебская вобласць, Сенненскі раён, г. п. Багушэўск |
| Галіна | лясная, дрэваапрацоўчая і цэлюлозна-папяровая прамысловасць |
У 2013 годзе ў г. п. Коханава Талачынскага раёна было створана беларуска-сербскае сумеснае прадпрыемства «Милконфорест», якое займаецца вытворчасцю піламатэрыялаў.
У 2014 годзе Сенненскі райвыканкам прапанаваў дрэваапрацоўшчыкам бязвыплатна пад інвестыцыйны праект два памяшканні былой райсельгасхіміі ў г. п. Багушэўску з умовай стварэння 10 новых працоўных месцаў. Усе неабходныя дакументы былі аформлены ў маі 2014 года, а праз 11 месяцаў СТАА «Милконфорест» выпусціла першую прадукцыю.
Інвестар у кароткія тэрміны ператварыў закінутую тэрыторыю ў сучаснае прадпрыемства.
Працуюць чатыры цэхі, у тым ліку поўнасцю аўтаматызаваная лінія, якая дазваляе без лішніх пагрузачна-разгрузачных работ атрымліваць з бярвёнаў струганыя і няструганыя дошкі, брус патрэбнага памеру з асаблівай дакладнасцю. Ёсць прыватныя склады і тэхніка. У тэставым рэжыме працуюць 3 сушылкі, таму драўніна будзе прадавацца ў сухім выглядзе.
Асноўная парода драўніны, якая апрацоўваецца, – елка, паступае з беларускіх лясгасаў. Пад заказ прадпрыемства займаецца расійскімі кедрам і лістоўніцай, якія дастаўляюцца чыгуначным транспартам з Краснаярскага краю. У год прадпрыемства атрымлівае 120 м3 кругляка.
З адходаў вырабляецца дранка для кацельных жыллёва-камунальнай гаспадаркі.
На прадпрыемстве працуюць у дзве змены 74 чалавекі. Быў выкуплены будынак мясцовага сельгаспрадпрыемства плошчай 260 м2, дзе пасля рамонту знаходзіцца агульнае памяшканне для іншагародніх спецыялістаў.
Прадукцыя пастаўляецца ў Сербію, Германію і Польшчу. Большасць кліентаў – пастаянныя, таму пакет заказаў фарміруецца загадзя.
Прадпрыемства плануе пашырэнне вытворчасці: дадатковыя сушылкі, лініі – зрошчвання і па вытворчасці палет, што дазволіць зрабіць вагонку з абрэзкаў.
СТАА «Милконфорест» аказвае бязвыплатную дапамогу ўстановам культуры і адукацыі Сенненскага раёна.
Адрас: Віцебская вобласць, Сенненскі раён, г. п. Багушэўск, вуліца Луначарскага, д. 31.
ЛІТАРАТУРА
1. Каролевич, Э. Пилят на экспорт / Э. Каролевич // Витебские вести. – 2018. – 27 февр. – С. 3.
2. Ляшук, С. Из Богушевска в Европу / С. Ляшук // Витебские вести. – 2017. – 13 июля. – С. 2.
3. Ляшук, С. Хороший старт «Милконфореста» / С. Ляшук // Витебские вести. – 2015. – 12 сент. – С. 3.
