Фабрыка папяровая «Чырвоная зорка», філіял ААТ «Светлагорскі ЦКК». Чашніцкі раён, г. Чашнікі

Подробности

Створана 29.07.2019 12:23

Адноўлена 26.11.2019 14:17

Чашніцкая папяровая фабрыка была пабудавана ў 1886 годзе ў в. Вішкавічы Вінцэнтам Валадковічам і называлася кардонная фабрыка «Скіна». Падчас Грамадзянскай вайны была спалена і разбурана, а пасля Кастрычніцкай рэвалюцыі 1917 г. нацыяналізавана і перайшла ў распараджэнне дзяржавы.

У 1918 г. фабрыка была амаль поўнасцю спалена нямецкімі акупантамі. Былыя ўладальнікі фабрыкі Валадковічы спрабавалі восенню 1918 г. вывезці абсталяванне ў Польшчу, куды яны пераехалі, і нават здолелі давезці яго да Мінска, але Чырвоная Армія ў гэты час імкліва перайшла ў наступленне і змагла адбіць і вярнуць абсталяванне назад, у Чашнікі.

Дзякуючы намаганням рабочых, ужо ў чэрвені 1921 г. былі адноўлены папераробчыя машыны, майстэрні і была атрымана першая прадукцыя.

У 1923 г. фабрыка «Скіна» атрымала назву «Чырвоная зорка». Да канца гэтага ж года яна была поўнасцю адноўлена і пачала павялічваць вытворчую магутнасць.

Пасля Вялікай Айчыннай вайны фабрыка была поўнасцю знішчана ў другі раз. Аднаўленчыя работы пачаліся адразу пасля вызвалення Беларусі ад нямецка-фашысцкіх захопнікаў летам 1944 г. У верасні 1945 г. была адноўлена першая, у 1948 г. – другая, а ў 1950 – трэцяя папераробчая машына.

З 1959 г. на фабрыцы пачалася мадэрнізацыя і ўкараненне новай тэхнікі. У 60-я гг. былі ўведзены ў эксплуатацыю рулонаўпаковачная машына і цэх шырпатрэбу.

З 1972 года на фабрыцы была ўкаранёна навуковая сістэма кіравання якасцю выпускаемай прадукцыі, уся прадукцыя была атэставана на першую катэгорыю, а двум відам паперы быў прысвоены «Знак якасці».

Пасля развалу Савецкага Саюза і разрыву былых гандлёва-эканамічных сувязей фабрыка апынулася ў цяжкім матэрыяльным становішчы і на працягу некалькіх гадоў знаходзілася ў крызіснай сітуацыі.

У 1993 годзе фабрыка «Чырвоная Зорка» была пераўтворана ў ААТ «Чырвоная Зорка».

Рашэннем Віцебскага аблвыканкама № 423 ад 20.08.1999 года ААТ «Чырвоная Зорка» перайменавана ў адкрытае акцыянернае таварыства «Папяровая фабрыка "Чырвоная Зорка"».

Толькі за апошнія гады, дзякуючы распрацаванай праграме выхаду з крызісу і падтрымцы з боку дзяржавы, фабрыка пачала выбірацца з цяжкага становішча, удалося павялічыць аб'ём вытворчасці ў два разы.

У 2011–2012 гг. на прадпрыемстве былі рэалізаваны інвестыцыйныя праекты па тэхнічным пераўзбраенні, мадэрнізацыі асноўных вытворчых фондаў, павышэнні якасці прадукцыі і эканамічнай эфектыўнасці працы фабрыкі.

Прадукцыя прадпрыемства сёння паспяхова рэалізуецца як у Беларусі, так і ў краінах блізкага і далёкага замежжа – Расіі, Літвы, Германіі.

Адрас: Віцебская вобласць, Чашніцкі раён, г. Чашнікі, вуліца Гагарына, д. 20.

ЛІТАРАТУРА

1. Александрович, Ю. ОАО «Бумажная фабрика «Красная Звязда» – флагман промышленности района / Ю. Александрович // Чырвоны прамень (Чашнiкi). – 2004. – 18 верас. – С. 3.

2. Алексеева, А. «Красная звезда» на пути к успеху / А. Алексеева // Народнае слова. – 2006. – 9 верас. – С. 4.

3. Бумажная фабрика «Красная звезда» // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 1. – С. 111.

4. Быньков, А. «Вторая молодость» бумажной фабрики / А. Быньков // Народнае слова. – 2013. – 28 лют. – С. 2.

5. Ляшук, С. Ориентир – экспорт / С. Ляшук // Витебские вести. – 2017. – 10 марта. – С. 3.

6. Мяченков, А. Г. Бумага со 130-летней историей / А. Г. Мяченков // Чырвоны прамень (Чашнікі). – 2016. – 17 верас. – С. 1, 4.

7. ОАО «Бумажная фабрика "Красная звезда"» // Чашники: 500 лет / отв. за вып. Т. В. Пчелкина. – Витебск : Витебская областная типография, 2004. – С. 21.

8. Пастернак, Т. Новая жизнь старой бумаги / Т. Пастернак // Народнае слова. – 2007. – 22 снеж. – С. 3.

9. Торбина, И. Бумажная фабрика «Красная звезда»: курсом модернизации / И. Торбина // Чырвоны прамень (Чашнікі). – 2014. – 20 верас. – С. 4.

10. Торбина, И. 121-й год замечательных традиций бумагоделов на чашникской земле / И. Торбина // Чырвоны прамень (Чашнiкi). – 2007. – 15 верас. – С. 4–5.

11. Третье рождение «Скины» // Чырвоны прамень (Чашнікі). – 2004. – 10 верас. – С. 6.

12. Тыбаровский, Ю. Судьба фабрики в наших руках / Ю. Тыбарковский // Чырвоны прамень (Чашнікі). – 2001. –15 верас. – С. 2–3.

13. Чуйко, А. Время добрых перемен / А. Чуйко // Народнае слова. – 2006. – 11 ліп. – С. 4.