Віцебскі плодаагароднінны камбінат, ААТ. Віцебскі раён
- Подробности
- Створана 04.07.2017 12:23
- Адноўлена 07.07.2017 10:38
| Сучасная назва | ААТ «Віцебскі плодаагародніны камбінат» |
| Былая назва | РУП «Віцебскі плодаагародніны камбінат» (1993) |
| Тып | адкрытае акцыянернае таварыства |
| Дата заснавання | 1993 |
| Месца знаходжання | Віцебская вобл., Віцебскі р-н, аг. Ноўка |
| Галіна | харчовая прамысловасць |
| Афіцыйны сайт | http://dettka.by/ |
Віцебскі плодаагародніны камбінат створаны на базе «Дырэкцыі будуючыхся арганізацый аграфірмы "Дзвіна"». Уведзен у эксплуатацыю ў 1993 годзе ў в. Ноўка. Мае тры структурныя падраздзяленні: цэх дзіцячага харчавання, цэх кансерваў і паўфабрыкатаў, участак глыбокай замарозкі.
Прадметам дзейнасці камбіната з'яўляецца: вытворчасць пюрэ-паўфабрыкатаў кансерваваных асептычным спосабам, у тым ліку яблычнае, вішнёвае, маркоўнае, гарбузовае, клубнічнае, чарнічнае, журавінавае і інш.; вытворчасць кансерваў агульнага прызначэння, у тым ліку сокі з мякаццю і цукрам пладова-ягадныя, фруктовыя, плодаагароднінныя, агароднінныя; плады і ягады працёртыя з цукрам, павідла, джэмы, соусы і інш. Навінкі дзіцячага харчавання камбіната – кансервы з індычкі, кураня, свініны, ялавічыны, цяляціны, бараніны, а таксама з хека, сёмгі і фарэлі выпускаецца пад гандлёвымі маркамі «Новка» і «ДеТТка».
Пюрэ і кансервы выпрацоўваюцца па прагрэсіўнай тэхналогіі на абсталяванні фірмы «Бертуці», Італія.
Сыравіна закупляецца на экалагічна-чыстых тэрыторыях Беларусі. Вытворчы і тэхналагічны працэс цалкам ажыццяўляецца на камбінаце, што дазваляе значна зэканоміць на выдатках.
З канвеера штодня сыходзіць каля 50–60 тысяч слоічкаў.
  
|
ЛІТАРАТУРА
1. ААТ «Віцебскі плодаагароднінны камбінат» // Віцебскі раён : краязнаўчыя нарысы / І. А. Абрамава [і інш.] ; уклад. М. В. Півавар. – Мінск : Паркус плюс, 2008. – С. 243.
2. Витебский плодоовощной комбинат // Регионы Беларуси : энциклопедия : в 7 т. / редкол.: Т. В. Белова (гл. ред.) [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 231.
3. Владимиров, С. «Новка» завоевывает рынок / С. Владимиров // Советская Белоруссия. – 2010. – 9 июня. – С. 19.
4. Все лучшее – детям / подгот. И. Азевич // Віцьбічы = Витьбичи. – 2013. – 1 авг. – С. 4.
5. Ивашкевич, В. Марка «Детка»: «Карапуз», «Кроха» и другие / В. Ивашкевич // Жыццё Прыдзвіння (Віцебск). – 2013. – 16 лістап. – С. 5.
СПАСЫЛКІ
