Талачынскі кансервавы завод, РУП. Талачынскі раён

Подробности

Створана 18.09.2017 12:23

Адноўлена 05.03.2020 11:44

РУП «Талачынскі кансервавы завод» – адно з найстарэйшых беларускіх прадпрыемстваў, пабудаванае ў 1906 г.

Першапачаткова ў былой вінакурні польскіх паноў Гадзінскіх займаліся вытворчасцю і перапрацоўкай садавінна-ягаднай прадукцыі. У 1925 г. завод пачаў выпуск пладовага віна, якое разлівалася ў бочкі. У гады Вялікай Айчыннай вайны прадпрыемства знаходзілася на акупіраванай нямецка-фашысцкімі захопнікамі тэрыторыі і было часткова разбурана.

У 1946 г. завод пачаў разліў садавінна-ягадных він у бутэлькі. Значна пазней аб'ём вытворчасці прадукцыі скараціўся і завод пачаў выпуск сокаў. Прадпрыемства было перайменавана з вінаробчага ў кансервавае.

З 1994 года завод спыніў выпуск сокаў і выпускае толькі садавінна-ягадныя віны.

У 2002 г. да прадпрыемства далучаны Талачынскі крухмальны завод.

У лютым 2005 г. было далучана яшчэ адно вытворчае падраздзяленне – Гарадоцкі харчовы камбінат, які спецыялізуецца на выпуску кандытарскіх вырабаў, гарчыцы, маянэзу, безалкагольных напояў.

Выпускаемая прадукцыя: віно пладовае, віно вінаграднае, сокі, нектары, крухмал бульбяны, іншая сельскагаспадарчая прадукцыя (рапс, пшаніца, грэчка і інш.), садавінная прадукцыя (яблыкі, грушы), ягадная прадукцыя (агрэст, чырвоная і чорная парэчка, аронія чарнаплодная, буякі садовыя і інш.), сельскагаспадарчая прадукцыя (бульба, пшаніца).

На сённяшні дзень асартыментны пералік алкагольнай прадукцыі складае больш за 60 найменняў. З 2008 г. пачаты выпуск фруктова-ягадных натуральных сталовых він, у 2014 г. распрацавана дадаткова 2 найменні, у 2015 г. яшчэ 2 найменні. Разліў вінаградных він вырабляецца з імпартных вінаматэрыялаў.

Для вытворчасці прадукцыі прадпрыемства выкарыстоўвае толькі натуральнае айчынную сыравіну. Закладка прамыслова-садавіннага саду праведзена на плошчы 527 га, на якой размешчаныя яблыні, грушы, вішня, чорная і чырвоная парэчкі, чарнаплодная рабіна, агрэст, маліна, буякі.

Строгі кантроль за якасцю прадукцыі ажыццяўляе акрэдытаваная лабараторыя.

У 2015 г. прадпрыемства прымала ўдзел у рэспубліканскай выставе – Белагра-2015, алкагольная прадукцыя адзначана двума дыпломамі якасці. На выставе «БелЭкспа» (г. Мінск) прадпрыемства адзначана дыпломам якасці. На Міжнародным конкурсе-дэгустацыі «Віна-2015» (г. Ялта) залатых медалёў удастоены віна фруктова-ягадныя «Вішнеў», «Чырвонапарэчкавае», «Чорнапарэчкавае».

За перыяд з 2000 па 2015 гг. прадпрыемства атрымала 68 медалёў рознай вартасці.

У 2011 г. уведзена ў эксплуатацыю першая чарга бульбасховішча на 12 тыс. тон.

Ствараецца пчолагаспадарка. У цяперашні час налічваецца 120 пчоласем'яў.

У лістападзе 2012 г. уведзены ў эксплуатацыю аб'ект «Рэканструкцыя фруктасховішча на 2,4 тыс. тон з будаўніцтвам лініі сартавання садавіны і навеса захоўвання тары на тэрыторыі вытворчай базы прамысловага саду».

У 2013 г. уведзена ў эксплуатацыю лінія падрыхтоўкі збожжа і насення прадукцыйнасцю 5 тон у гадзіну.

У лютым 2015 г. уведзена другая чарга бульбасховішча на 12 тыс. тон, у якім маецца цэх дапрацоўкі бульбы з лініяй мыйкі, сухой чысткі і фасоўкі.

На айчынным рынку прадпрыемствам рэалізуюцца бульба, садавіна і ягоды ўласнай вытворчасці, садавінна-ягадныя і натуральныя віны, крухмал бульбяны. Больш за 50 % крухмалу экспартуецца ў РФ.

У карыстанні прадпрыемства знаходзіцца 7572 га сельскагаспадарчых угоддзяў, у тым ліку ворыва – 6362,5 га.

Дырэктар – Анюхоўскі Анатоль Васільевіч.

Адрас: Віцебская вобласць, Талачынскі раён, аг. Азярцы, вул. Школьная, 16 а.

ЛІТАРАТУРА

1. Анюховский, А. «Производственные мощности предприятия будем наращивать за счет садоводства» / А. Анюховский; беседовали: О. Ананич, О. Венгеренко // Финансы, учет, аудит. – 2007. – № 1. – С. 9–10.

2. Бірукоў, В. Уражваюць здабыткі, не менш – новыя далягляды / В. Бірукоў // Наша Талачыншчына. – 2007. – 6 чэрв. – С. 1, 4.

3. Бурская, Л. А. І французам спадабалася / Л. А. Бурская // Наша Талачыншчына. – 2006. – 25 лістап. – С. 2.

4. Заградский, В. Толочинское ускорение / В. Заградский // Народная газета. – 2012. – 6 чэрв. – С. 13.

5. Залесская, С. В награду золотые медали / С. Залесская // Белорусская нива. – 2007. – 11 янв. – С. 2.

6. Инновационный подход // Народная газета. – 2012. – 27 лістап. – С. 4, 6.

7. Кавунов, П. Выстоявшая трижды / П. Кавунов // Сельская газета. – 2014. – 14 авг. – С. 14.

8. Лебедева, О. Нашего поля ягода / О. Лебедева // Витебские вести. – 2015. – 17 сент. – С. 3.

9. Лебедева, О. 110 лет: от винокурни до многопрофильного производства / О. Лебедева // Витебские вести. – 2016. – 15 дек. – С. 5.

10. Лебедева, О. Тонны высокого качества / О. Лебедева // Витебские вести. – 2016. – 19 нояб. – С. 8.

11. Ляшук, С. Толочинская марка / С. Ляшук // Витебские вести. – 2017. – 30 сент. – С. 15.

12. Маціеўскі, М. [Талачынскі] кансервавы завод адзначыў векавы юбілей / М. Маціеўскі // Наша Талачыншчына. – 2006. – 11 лістап. – С. 3.

13. Орловский, А. Эликсир жизни / А. Орловский // Наша Талачыншчына. – 2006. – 14 чэрв. – С. 3.

14. Рыжкова, Н. Тандем традиций и инноваций / Н. Рыжкова // Витебские вести. – 2014. – 12 апр. – С. 2.

15. Стариков, В. С прицелом на завтра / В. Стариков // Віцебскі рабочы. – 2006. – 28 студз. – С. 2.

16. Телятко, Е. «Талачынцы... добрых спраў яны зачынцы!» / Е. Телятко // Віцебскі рабочы. – 2007. – 6 лют. – С. 4.

17. Толочинский консервный завод // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 515–516.

18. Шпаковская, Г. Толочинский консервный [завод] расширяет сырьевую базу / Г. Шпаковская // Народнае слова. – 2005. – 15 сак. – C. 4.

19. Эффект интеграции / подгот. В. Чернушенко // Народная газета. – 2013. – 14 лют. – С. 11.

20. «Эффективно развиваясь, мы делаем вклад и в будущее нас самих, и наших детей» / подгот.: П. Кавунов [и др.] // Белорусская нива. – 2012. – 20 июля. – С. 12.

СПАСЫЛКІ

  РУП «Толочинский консервный завод». О предприятии

  РУП «Толочинский консервный завод»