Цэх па вытворчасці сыру, філіял УВП «Глыбоцкі малочнакансервавы камбінат», ААТ. Браслаўскі раён, г. Браслаў

Подробности

Створана 17.05.2017 12:23

Адноўлена 15.01.2019 14:45

Браслаўскі малочны завод быў пабудаваны ў 1987 годзе. Малако, кефір, вяршкі, масла жывёльнае, ёгурты – гэта далёка не поўны пералік прадукцыі, якую выпускала прадпрыемства. У 2003 годзе на прадпрыемстве была запушчана вытворчасць сыроў.

У 2012 годзе будынак завода быў знесены, а затым на яго месцы з нуля паўстала сучасная сыраробная вытворчасць, якая афіцыйна была адкрыта ў канцы 2013 года. Быў пабудаваны новы вытворчы будынак, а таксама з нуля створаны і аснашчаны сучасным абсталяваннем усе спадарожныя ўчасткі: кацельня, кампрэсарныя станцыі, станцыя абезжалезвання і г. д.

Ужо ў 2014 годзе прадукцыя з Браслава, якая выпускалася пад брэндам «Аляксандраўскія сыры», атрымала званне «Лепшыя тавары Рэспублікі Беларусь».

Да мадэрнізацыі ў Браславе выпускалі каля 2 тон сыру за суткі. Але прадукцыя не знаходзіла збыту на замежных рынках.

Сёння на прадпрыемстве за суткі ў сярэднім перапрацоўваецца 140 тон малака. Першапачаткова ўся сыравіна, якая паступае з уласных зон, жорстка сартуецца. Сырапрыгодная ідзе на сыр, несырапрыгодная – пастаўляецца на галаўное прадпрыемства з мэтай яго далейшай глыбокай перапрацоўкі. Усяго ў месяц у Браславе вырабляецца каля 300 тон сыру, 87 % гатовай прадукцыі рэалізуюць у Расію.

Аднак, працуючы на экспарт, не забываюць і пра айчынных спажыўцоў. Браслаўскія сыры можна купіць у большасці магазінаў рэспублікі, пакупнікам прадстаўлены шырокі асартымент прадукцыі.

Адрас: Віцебская вобласць, Браслаўскі раён, г. Браслаў, вуліца Дзяржынскага, д. 73.

ЛІТАРАТУРА

1. Берникович, Д. Нежный аромат браславских сыров / Д. Берникович // Народнае слова. – 2010. – 7 верас. – С. 4.

2. Берникович, Д. Памятный день в истории района / Д. Берникович // Витебские вести. – 2013. – 12 нояб. – С. 1–2.

3. Буланава, В. Купляйце беларускае – не пашкадуеце! / В. Буланава // Браслаўская звязда. – 2017. – 25 кастр. – С. 5.

4. Буланова, В. Браславский сыр в европейской упаковке / В. Буланава // Браслаўская звязда. – 2018. – 25 крас. – С. 4.

5. Буланова, В. Ещё один вкус нашего сыра / В. Буланова // Браслаўская звязда. – 2018. – 14 крас. – С. 1–2.

6. Крученкова, О. Плюс десять тонн сыра / О. Крученкова // Народная газета. – 2013. – 6 жн. – С. 2.

7. Мурашкина, В. «Александровские сыры» из Браслава / В. Мурашкина // Віцьбічы = Витьбичи. – 2013. – 9 нояб. – С. 1–2.

8. Палулех, З. Прадукцыя карыстаецца попытам / З. Палулех // Браслаўская звязда. – 2003. – 15 лістап. – С. 1–2.

9. Пашкевіч, Т. На шляху карэнных перамен / Т. Пашкевіч // Браслаўская звязда. – 17 лістап. – С. 3.

10. Пашкевіч, Т. Пакуль завод жыве, жыве і надзея... / Т. Пашкевіч // Браслаўская звязда. – 2003. – 19 крас. – С. 1–2.

11. Пашкевіч, Т. Хуткіх перамен не чакаецца / Т. Пашкевіч // Браслаўская звязда. – 2002. – 24 крас. – С. 1, 3.

12. Пашкевич, Т. Чтобы успешно конкурировать, надо постоянно развиваться / Т. Пашкевич // Витебские вести. – 2017. – 12 янв. – С. 2.

13. Шпаковская, Г. Легенда о браславском сыре / Г. Шпаковская // Витебские вести. – 2014. – 25 сент. – С. 1–2.