Докшыцкі хлебазавод, філіял ААТ «Віцебскхлебпрам». Докшыцкі раён

Подробности

Створана 29.07.2019 12:23

Адноўлена 29.07.2019 09:23

Адно з найбольш буйных прамысловых прадпрыемстваў у г. Докшыцы філіял адкрытага акцыянернага таварыства «Віцебскхлебпрам» «Докшыцкі хлебазавод» зарэгістравана 21 чэрвеня 2001 года як камерцыйная арганізацыя.

Хлебазавод быў утвораны ў 1974 годзе на базе Докшыцкага хлебакамбіната і на правах вытворчай адзінкі ўвайшоў у ПА «Віцебскхлебпрам». На момант далучэння да ВА «Віцебскхлебпрам» хлебакамбінат выпрацоўваў толькі фармавы хлеб. Хлебакамбінат займаўся вытворчасцю не толькі хлебабулачных вырабаў, але і газаваных напояў, тут варылі цукеркі, салілі грыбы, выраблялі іншую прадукцыю. У 1993 годзе былі пабудаваны новыя кандытарскі і булачны цэхі, а таксама адміністрацыйны будынак.

У 2007 годзе на прадпрыемства прыйшоў газ, і разам з гэтым пачалася рэканструкцыя і тэхнічнае пераўзбраенне. За год да гэтага (у 2006 годзе) была запушчана лінія па вытворчасці тэрмафільных заквасак. У 2008 годзе была набыта новая цестаапрацоўчая лінія фірмы «Усход».

У 2009–2011 гг., дзякуючы павелічэнню заявак на хлеба-булачныя вырабы, было набыта і запушчана ў эксплуатацыю некалькі новых печаў для выпуску розных відаў прадукцыі.

9 студзеня 2014 года рэспубліканскае вытворчае прадпрыемства «Віцебскхлебпрам» пераўтворана ў адкрытае акцыянернае таварыства «Віцебскхлебпрам».

На сённяшні дзень хлебазавод вырабляе хлебабулачныя і кандытарскія вырабы толькі па заяўках, якія дае гандаль. Пастаянна вядзецца абнаўленне асартыменту, так як растуць патрабаванні да якасці вырабаў, змяняюцца спажывецкія перавагі.

Прадпрыемства вырабляе ў шырокім асартыменце хлеб (жытнёва-пшанічны, пшанічны, подавы, фармавы, тоставы, у тым ліку дыетычны і дыябетычны), булачныя вырабы (батоны, халы, булкі, пампушкі, багеты), дробнаштучныя вырабы (у тым ліку з пластовага дражджавога тэсту), хот-догі, лавашы, сухары, прысмакі мучныя, пірожныя, пернікі, бісквіт, кексы і інш. А ў летні перыяд квас «Хлебны».

У мэтах зніжэння затрат на вытворчасць ужо некалькі год прадпрыемства займаецца нарыхтоўкай уласнай сыравіны, з якой вырабляецца джэм. Гэтай начынкі хапае не толькі для ўласных патрэб, ёю забяспечваюцца і іншыя хлебазаводы вобласці.

Новыя віды прадукцыі распрацоўваюць і спецыялісты прадпрыемства. Пры распрацоўцы іх рэцэптуры выкарыстоўваюцца новыя віды сыравіны, напрыклад, раслінная смятанка, якая зніжае каларыйнасць тых жа тартоў і адначасова павялічвае тэрміны іх рэалізацыі. Дазволіла павялічыць якасць выпечкі заварнога хлеба розных сартоў укараненне складанай чатырохстадыйнай тэхналагічнай лініі прыгатавання вадкай закваскі з прымяненнем тэрмафільных бактэрый.

Докшыцкія хлебапёкі з даўніх часоў славіліся сваімі рэцэптамі і майстэрствам, таму хлеб заўсёды атрымліваецца вельмі смачным. У 2005 і 2006 гг. прадпрыемства ўдзельнічала ў конкурсе «Хлебная і кандытарская справа», дзе атрымала бронзавыя медалі за фармавы хлеб.

У прадпрыемства маецца шэраг уласных крам «Хлеб», «Гарачы хлеб» у г. Докшыцы, «Хлебны» ў г. п. Крулеўшчына, выязны гандаль у г. Паставы. З 2009 года завод пастаўляе сваю прадукцыю ў Мінск.

Адрас: Віцебская вобласць, Докшыцкі раён, г. Докшыцы, вуліца Савецкая, 66.

ЛІТАРАТУРА

1. Альшэўская, Т. «Домовенок Кузя» жыве ў Докшыцах / Т. Альшэўская // Родныя вытокі (Докшыцы). – 2017. – 15 крас. – С. 4.

2. Альшэўская, Т. Інжынер хлебапячэння / Т. Альшэўская // Родныя вытокi (Докшыцы). – 2008. – 23 студз. – С. 2.

3. Альшэўская, Т. Хлеб – на абед, торт – на вяселле / Т. Альшэўская // Родныя вытокi (Докшыцы). – 2007. – 15 верас. – С. 5.

4. Берникович, Д. Докшицкий хлеб любят в столице / Д. Берникович // Народнае слова. – 2013. – 21 мая. – С. 4.

5. Воробьева, О. Хлебный город Докшицы / О. Воробьева // Советская Белоруссия. – 2014. – 17 мая. – С. 15.

6. И стол престол, когда хлеб на стол // Народная газета. – 2010. – 8 ліп. – С. 11.

7. Несцяронак, А. Самая цёплая і духмяная прафесія / А. Несцяронак // Родныя вытокі (Докшыцы). – 2017. – 25 студз. – С. 3.

8. Несцяронак, А. У хлебным царстве / А. Несцяронак // Родныя вытокі (Докшыцы). – 2019. – 9 студз. – С. 1, 4.

9. Пастернак, Т. Лаваш пришелся по вкусу / Т. Пастернак // Витебские вести. – 2016. – 26 янв. – С. 3.

10. Пихта, Н. И жар, и холод / Н. Пихта // Віцебскі рабочы. – 2012. – 7 сак. – С. 23

11. Пригожий, М. Докшицкий хлеб: качество – отменное, цена – доступная / М. Пригожий // Вiцебскi рабочы. – 2007. – 6 студз. – С. 2.

12. Саулич, В. «А наш каравай - минчанам!» / В. Саулич // Віцебскі рабочы. – 2009. – 14 февр. – С. 7.

13. Сытник, И. Хлеб, который выпечен с душой / И. Сытник // Вiцебскі рабочы. – 2004. – 3 жн. – С. 3.

14. Хлебапёк – прафесія мужчынская / падрыхт.: А. Несцяронак, Т. Саковіч, Т. Падбярэзкая // Родныя вытокі (Докшыцы). – 2018. – 17 лістап. – С. 4.