Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Шаркаўшчынскі кансервавы завод», філіял ПУП «Полацкая ўніверсальная база. Шаркаўшчынскі раён, г. п. Шаркаўшчына

 

Сучасная назва «Шаркаўшчынскі кансервавы завод», філіял ПУП «Полацкая ўніверсальная база»
Тып камунальнае ўнітарнае вытворчае сельскагаспадарчае прадпрыемства
Дата заснавання 1958
Месца знаходжання  Віцебская вобласць, Шаркаўшчынскі раён, г. п. Шаркаўшчына
Галіна харчовая прамысловасць

 

Шаркаўшчынскі кансервавы завод утвораны ў 1958 годзе. Прадпрыемства размешчана ў г. п. Шаркаўшчына.

Асноўным відам дзейнасці прадпрыемства з'яўлялася сушка цыбулі і іншай агародніны і садавіны. Першапачатковая праектная магутнасць завода – 44 тоны сушанай прадукцыі ў сезон.

Першым дырэктарам завода быў Бондар Канстанцін Юльянавіч.

На 1 студзеня 1959 года асноўныя сродкі прадпрыемства складалі 140379,34 руб.

Завод хутка развіваўся. Ужо ў 1968 годзе на прадпрыемстве выпрацоўвалі, акрамя сушанай бульбы, садавінна-агароднінныя кансервы і садавінна-ягадныя сокі.

У галоўным корпусе завода ўжо знаходзіліся наступныя цэхі: кансервавы і цэх па выпрацоўцы сокаў.

Летам 1969 года на прадпрыемстве прайшоў перыяд першай рэканструкцыі, пасля чаго яго вытворчая магутнасць значна павялічылася.

У 1979 годзе аб'ём рэалізацыі прадукцыі склаў ужо больш за 2 млн. руб., а план рэалізацыі выконваўся на 106 %. У гэты час на заводзе працавала 288 чалавек.

Прадпрыемства паспяхова развівалася, аб'ём вытворчасці быў даведзены да 2,5 млн. руб. Работнікі мелі стабільную і высокую зарплату, сацыяльныя гарантыі.

У 1999 годзе на Шаркаўшчынскім кансервавым заводзе быў пабудаваны цэх для выпуску мясных і мяса-раслінных кансерваў.

Прадпрыемства ажыццяўляла пастаўкі сваёй прадукцыі па ўсёй Беларусі і ў краіны блізкага замежжа – Расію і Латвію.

У 90-я гг. завод перажыў перыяд заняпаду, але, дзякуючы сумесным намаганням райвыканкама і аблспажыўсаюза, ён выстаяў і адаптаваўся да рыначнай абстаноўкі.

У 2002 г. на прадпрыемстве пачаўся новы этап. Была набыта лінія па разліве садавінна-ягадных він у бутэльку ёмістасцю 0,7 л.

Вытворчая структура філіяла на дадзеным этапе ўключае ў сябе вінныя, купажны і кансервавы цэхі, агароднінасушылку, вытворчую лабараторыю, складскія памяшканні.

У цяперашні час прадпрыемства вырабляе наступныя віды прадукцыі: садавінна-агароднінныя, мяса-раслінныя і мясныя кансервы, садавінна-ягаднае віно палепшанай якасці, сокі, кісялі, пюрэ сульфатызаванае, паўфабрыкаты, кандытарскія і хлебабулачныя вырабы.

У 2007 годзе на Шаркаўшчынскім кансервавым заводзе ўкаранёна Міжнародная сістэма якасці НАССР у вінным цэху.

Пры падвядзенні вынікаў работы арганізацый сістэмы спажывецкай кааперацыі Віцебскай вобласці калектыву Шаркаўшчынскага кансервавага завода двойчы было прысвоена 1-е месца з уручэннем Ганаровага дыплома I ступені.

На сучасным этапе на прадпрыемстве працуе 140 чалавек. Кіруе заводам Макаранка Сяргей Мікалаевіч.

Адрас: Віцебская вобласць, Шаркаўшчынскі раён, г. п. Шаркаўшчына, вуліца Савецкая, 41а.

 

ЛІТАРАТУРА

1. Макаренко, С. Н. Шарковщинский консервно-овощесушильный завод / С. Н. Макаренко // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 601.

2. Чарняўская, В. Калектыў ствараюць людзі / В. Чарняўская // Кліч Радзімы (Шаркаўшчына). – 2017. – 11 кастр. – С. 1.

3. «Человек года Шарковщины» // Кліч Радзімы (Шаркаўшчына). – 2019. – 3 крас. – С. 2.