Рудакова, ААТ. Віцебскі раён
- Подробности
- Створана 17.05.2017 12:23
- Адноўлена 07.07.2017 10:41
| Сучасная назва | ААТ «Рудакова» (2004) |
| Былая назва | Саўгас «Рудакова» |
| КУСГП «Рудакова» (2000) | |
| Тып | адкрытае акцыянернае таварыства |
| Дата заснавання | 1959 |
| Месца знаходжання | Віцебская вобл., Віцебскі р-н, аг. Ноўка |
| Галіна | сельская гаспадарка |
| Афіцыйны сайт | http://www.rudakovo.by/index |
ААТ «Рудакова» з'яўляецца ў раёне галоўнай арганізацыяй па вытворчасці асноўных відаў сельскагаспадарчай прадукцыі і адзінай па вытворчасці агародніны закрытага грунту. 3 моманту стварэння спецыялізавалася на малочна-гароднінным напрамку работы. Ураджайнасць у 2015 годзе склала 59,4 ц/га.
Цяплічны камбінат ААТ «Рудакова» з агульнай плошчай 16 га і трыма аўтаномнымі кацельнямі з'яўляецца адным з найбуйнейшых у рэспубліцы. За 2006–2008 г.г. пабудавана 8 га сучасных, высокаэфектыўных, энергазберагальных цяпліц. На цяплічным камбінаце ў цяперашні час вырошчваюцца агуркі, таматы, зялёныя культуры – салата, кроп, пятрушка, базілік.
Акрамя агародніны абароненага грунту, гаспадарка займаецца вытворчасцю малака, кармоў для забеспячэння патрэбнасці жывёлагадоўлі, вырошчваннем агародніны адкрытага грунту і бульбы, вырошчваннем збожжавых культур для забеспячэння патрэбнасці жывёлагадоўлі ў канцэнтраваных кармах, а таксама для рэалізацыі высакаякаснага насення збожжавых культур іншым гаспадаркам.
Асноўнай таварнай прадукцыяй у раслінаводстве лічацца агародніна адкрытага грунту (капуста, морква, буракі) і бульба, якія рэалізуюцца ў асноўным у г. Віцебску для забеспячэння насельніцтва абласнога цэнтра. Для захоўвання прадукцыі была праведзена мадэрнізацыя сховішча агульнай умяшчальнасцю 2 400 тон з устаноўкай высокаэканамічнага халадзільнага абсталявання.
Для павышэння эфектыўнасці раслінаводчай галіны прадпрыемства займаецца вытворчасцю элітнага насення збожжавых культур. Гэта дазваляе зменшыць аб'ём куплі элітнага насення для пасеву збожжавых у сваёй гаспадарцы. Пабудаваны новы комплекс па дапрацоўцы збожжа, які складаецца з дзвюх ліній (зернесушыльных і зернеачышчальных), прадукцыйнасць якога можа складаць да 300 тон высакаякаснага насення ў суткі.
У жывёлагадоўлі ў цяперашні час выкарыстоўваюцца інтэнсіўныя метады вытворчасці. Пагалоўе жывёлы складае 6550 галоў буйной рагатай жывёлы, у тым ліку 1850 кароў. У гаспадарцы засвоены метад вырошчвання маладняку ў індывідуальных хатках. Цяляты вырастаюць ва ўмовах, набліжаных да прыродных, становяцца больш вынослівымі. Ручная праца зведзена да мінімуму, паколькі кармленне жывёл ажыццяўляецца механізавана.
  
|
ЛІТАРАТУРА
1. ААТ «Рудакова» // Віцебскі раён : краязнаўчыя нарысы / І. А. Абрамава [і інш.] ; уклад. М. В. Півавар. – Мінск : Паркус плюс, 2008. – С. 248.
2. Горнова, Т. За полезной пищей – в «Рудаково» / Т. Горнова // Витебские вести. – 2014. – 17 апр. – С. 2.
3. Ляшук, С. С гарантией вкуса через годы / С. Ляшук // Витебские вести. – 2016. – 3 мая. – С. 5.
4. Открытое акционерное общество «Рудаково» : 50 лет. – Мiнcк, 2009. – 8 с.
5. Столяренко, Н. ОАО «Рудаково»: и флагман, и гарант / Н. Столяренко // Жыццё Прыдзвiння (Вiцебск). – 2013. – 27 крас. – С. 4.
6. Фондаренко, Н. Рудаковские кущи / Н. Фондаренко // Витебские вести. – 2015. – 5 сент. – С. 2.
7. Шведов, О. Ставка на удвоение / О. Шведов // Белорусская нива. – 2010. – 10 июня. – С. 11.
СПАСЫЛКІ
ААТ «Рудакова» Віцебскага раёна ўшанавала сваіх лепшых работнікаў
