Дуброўнарайгаз, РВУ. Дубровенскі раён
- Подробности
- Створана 17.05.2017 12:23
- Адноўлена 18.12.2018 09:10
| Сучасная назва | РВУ «Дуброўнарайгаз» |
| Былая назва | Дубровенскі цэх па газіфікацыі (1975) |
| Дубровенскі ўчастак па газіфікацыі (1970) | |
| Тып | раённае вытворчае ўпраўленне |
| Дата заснавання | 1970 |
| Месца знаходжання | Віцебская вобласць, Дубровенскі раён, г. Дуброўна |
| Галіна | паліўна-энергетычная прамысловасць |
На Дубровеншчыне газавікі ўпершыню заявілі пра сябе ў 1965 годзе. Менавіта тады Аршанская кантора па газіфікацыі сельскай мясцовасці пачала праводзіць вялікую працу па мантажы газабалонных установак у горадзе Дуброўна і раёне. А ў 1970 годзе пры Віцебскім трэсце па газіфікацыі быў утвораны Дубровенскі ўчастак. Праз некалькі гадоў участак рэарганізавалі ў цэх, які ўваходзіў у склад упраўлення «Оршаміжрайгаз».
У 1973 годзе ў філіяле РВУ была створана аварыйна-дыспетчарская служба. У 1988 годзе на экалагічна чысты від паліва была пераведзена кацельня льнозавода, затым паступова перамыкаліся ўсе газарэгулятарныя пункты. А першыя прыватныя дамы атрымалі прыродны газ у верасні 1992 года.
З 1998 года цэх перайменаваны ў філіял РВУ «Дуброўнарайгаз». У ліпені–жніўні 1999 года ўведзены ў эксплуатацыю першыя 250 метраў падземнага газаправода з поліэтыленавых труб.
Сёння раённае вытворчае ўпраўленне «Дуброўнарайгаз» забяспечвае безаварыйнае і бесперабойнае забеспячэнне газам ўсіх сваіх спажыўцоў. На Дубровеншчыне эксплуатуецца каля 11460 газавых прыбораў, з якіх каля 10 тысяч – газавыя пліты і 1463 – газавыя катлы і калонкі. Прыродны газ спажываюць 2663 кватэры шматпавярховай забудовы і індывідуальныя дамы. На абслугоўванні РВУ знаходзіцца 7222 газобаллонныя ўстаноўкі.
Адрас: Віцебская вобласць, Дубровенскі раён, г. Дуброўна, вуліца Ландарскага, д. 37.
ЛІТАРАТУРА
1. Дмитрий Лабунов: «Наша цель – благополучие людей!» / подгот. С. Любочка // Віцьбічы = Витьбичи. – 2008. – 29 нояб. – С. 4.
2. Дудараў, Л. Паважаем сваю работу, шануем ветэранаў, любім парадак ва ўсім / Л. Дудараў // Дняпроўская праўда (Дуброўна). – 2003. – 6 верас. – С. 1, 3.
3. Казакевіч, К. Прадукт рэалізацыі – «Блакітнае паліва» / К. Казакевіч // Дняпроўская праўда (Дуброўна). – 2004. – 4 верас. – С. 1, 2.
4. Лабунов, Д. В. Они зажигают голубой огонек в наших домах и квартирах / Д. В. Лабунов ; беседовала М. Козлович // Дняпроўская праўда (Дуброўна). – 2010. – 8 верас. – С. 2.
5. Лабуноў, Д. Калі ў справе зладжанасць – поспех забяспечаны / Д. Лабуноў // Дняпроўская праўда (Дуброўна). – 2009. – 5 верас. – С. 2.
6. Лабуноў, Д. В. Складаемыя поспеху: прафесіяналізм і зладжанасць у рабоце / Д. В. Лабуноў // Дняпроўская праўда (Дуброўна). – 2008. – 6 верас. – С. 1.
