Торфабрыкетны завод Браслаўскі, ААТ. Браслаўскі раён, аг. Ахрэмаўцы

Подробности

Створана 17.05.2017 12:23

Адноўлена 02.09.2020 09:26

Торфапрадпрыемства «Браслаўскае» займае вядучае месца ў тарфяной прамысловасці Віцебшчыны і з'яўляецца адным з лепшых у рэспубліцы.

Яно створана ў 1967 годзе з мэтай задаволіць патрэбы ў паліўных брыкетах. Для іх вырабу браслаўчане здабываюць фрэзерны торф на радовішчы «Бяльмонт».

У 2015 годзе было прынята рашэнне аб рэканструкцыі завода. Увядзенне новых ліній ішло паралельна з эксплуатацыяй старых, што дазволіла калектыву не спыняць вытворчы працэс, выпускаць і прадаваць прадукцыю ў аб'ёмах, якія перавышаюць леташнія.

І вось, нарэшце, у канцы 2018 года, пасля поўнай рэканструкцыі, завод быў урачыста адкрыты. За тры гады ў ходзе рэалізацыі праграмы «Торф» тут праведзена поўная мадэрнізацыя і рэканструкцыя вытворчай зоны. Праектам прадугледжаны сучасныя тэхналагічныя і будаўнічыя рашэнні з максімальным выкарыстаннем айчыннага абсталявання і матэрыялаў.

Рэканструкцыя прадпрыемства дазваляе павялічыць магутнасць прадпрыемства з 30 да 40 тыс. тон брыкетаў у год.

Зараз на прадпрыемстве маюцца: новы будынак брыкетнага цэха з сушыльна-топачным аддзяленнем, падрыхтоўчае аддзяленне з прыладай для адгрузкі торфу іншым арганізацыям, склад гатовай прадукцыі, бункернай сыравіны і інш. Акрамя таго, укаранёна аўтаматызаваная сістэма кантролю за тэхналагічным працэсам. Каб абсталяванне было задзейнічана поўнасцю, плануецца распрацоўка новых радовішчаў торфу.

Торфабрыкеты рэалізуюцца насельніцтву, пастаўляюцца ў бальніцы, школы, дзіцячыя сады, Дамы культуры Браслаўскага, Мёрскага, Шаркаўшчынскага і іншых раёнаў. А таксама ідуць на экспарт у страны бліжняга і далёкага замежжа.

Адрас: Віцебская вобласць, Браслаўскі раён, аг. Ахрэмаўцы.

ЛІТАРАТУРА

1. Азевіч, А. Рабочае месца – бяспечнае месца / А. Азевіч // Браслаўская звязда. – 2009. – 25 лют. – С. 7.

2. Васильева, В. Новый старт в юбилейном году / В. Васильева // Віцьбічы = Витьбичи. – 2018. – 1 нояб. – С. 4.

3. Пашкевич, Т. Без отрыва от производства / Т. Пашкевич // Витебские вести. – 2016. – 17 сент. – С. 5.

4. Пашкевіч, Т. Добрая навіна для «Браслаўскага» / Т. Пашкевіч // Витебские вести. – 2015. – 31 окт. – С. 5.

5. Пашкевіч, Т. Наперадзе выхад на поўную магутнасць / Т. Пашкевіч // Витебские вести. – 2018. – 24 июля. – С. 2.

6. Пашкевіч, Т. Уборачны прыпар / Т. Пашкевіч // Браслаўская звязда. – 2009. – 16 мая. – С. 2.

7. Петушко, Е. Положительные итоги – результат слаженной работы / Е. Петушко // Браслаўская звязда. – 2017. – 13 верас. – С. 3.

8. По брикетику // Белорусская нива. – 2009. – 2 окт. – С. 5.

9. Сытник, И. Трудно, но «Браславское» справляется / И. Сытник // Вiцебскі рабочы. – 2005. – 15 лют. – С. 3.

10. У ліку лепшых // Браслаўская звязда. – 2002. – 31 жн. – С. 1.

11. Шпаковская, Г. Погода в доме Браславчан / Г. Шпаковская // Народнае слова. – 2004. – 1 чэрв. – С. 3.

12. Яцкевич, Т. Вместо торфоразработок – красивые озера / Т. Яцкевич // Белорусская нива. – 2005. – 22 окт. – С. 6.