Канструктарскае бюро «Дысплей», ААТ. г. Віцебск
- Подробности
- Створана 20.12.2023 08:23
- Адноўлена 20.12.2023 09:03
| Сучасная назва | ААТ «Канструктарскае бюро "Дысплей"» |
| Тып | адкрытае акцыянернае таварыства |
| Дата заснавання | 1987 |
| Месца знаходжання | Віцебская вобласць, г. Віцебск |
| Галіна | прыборабудаванне |
| Сайт | https://kbdisplay.by |
ААТ «Канструктарскае бюро "Дысплей"» спецыялізуецца на распрацоўцы і вытворчасці сродкаў адлюстравання і апрацоўкі інфармацыі, прызначаных для жорсткіх умоў эксплуатацыі. Прадпрыемства было створана ў чэрвені 1987 года ў Віцебску як канструктарскае бюро на базе Віцебскага тэлевізійнага завода. У 1996 годзе былі зроблены першыя ўзоры каляровых відэаманітораў на вадкакрысталічных матрыцах. З 2001 года канструктарскае бюро стала рэспубліканскім унітарным прадпрыемствам. У гэты ж год быў зроблены першы доследны ўзор пераноснай электронна-вылічальнай машыны (ЭВМ) РС-38. У 2002 годзе прадпрыемства было ўключана ў склад СЭЗ «Віцебск».
Сёння ААТ «Канструктарскае бюро "Дысплей"» – адно з вядучых прадпрыемстваў ваенна-прамысловага комплексу Рэспублікі Беларусь. Асноўны накірунак дзейнасці – распрацоўка і вытворчасць відэаманітораў міжвідавага прымянення, авіяцыйных дысплеяў, ЭВМ спецыяльнага прызначэння, мікрадысплейных сістэм індыкацыі для жорсткіх умоў эксплуатацыі, баявых модуляў. У асартыменце прадпрыемства больш за 100 найменняў вырабаў з дыяганалямі экрана ад 0,6" да 110". У сваёй дзейнасці бюро арыентавана на сусветны ўзровень развіцця тэхнікі. Інтэлектуальная ўласнасць, створаная ў рамках перспектыўных напрамкаў дзейнасці, абаронена шэрагам патэнтаў, якія дзейнічаюць як на тэрыторыі Рэспублікі Беларусь, так і за яе межамі. Арганізацыя мае шэраг пасведчанняў як беларускіх, так і замежных, на ахову таварных знакаў.
Канструктарскае бюро мае свае вытворчыя пляцоўкі і ўвесь неабходны комплекс вытворчага абсталявання. На прадпрыемстве дзейнічаюць лабараторыя святлотэхнічных вымярэнняў, лабараторыя спецдаследаванняў і правядзення выпрабаванняў на электрамагнітную сумяшчальнасць (ЭМС) і лабараторыя правядзення выпрабаванняў на знешняе ўздзеянне. Наяўнасць спецыялізаваных лабараторый дазваляе бюро праводзіць шырокі спектр даследаванняў. З 2017 года прадпрыемства акрэдытавана і мае статус навуковай арганізацыі.
Прадукцыя ААТ «Канструктарскае бюро "Дысплей"» пастаўляецца больш чым у 200 прадпрыемстваў АПК Расійскай Федэрацыі. Новыя распрацоўкі і дасягненні прадпрыемства дэманструе на буйных міжнародных выставах і канферэнцыях (Маскоўскі авіяцыйна-касмічны салон «МАКС» (г. Жукоўскі), IDEX (г. Абу-Дабі), Міжнародны ваенна-тэхнічны форум «Армія» (г. Кубінка), Міжнародны ваенна-марскі салон «МВМС» (г. Санкт-Пецярбург), ShieldAfrica (г. Абіджан), Defence Security (г. Бангкок), INDO Defence (г. Джакарта), ADEX (г. Баку), MILEX (г. Мінск) і інш.).
Адрас: Віцебская вобласць, горад Віцебск, вуліца П. Броўкі, 13а.
E-mail: Этот адрес электронной почты защищен от спам-ботов. У вас должен быть включен JavaScript для просмотра.
   
|
ЛІТАРАТУРА
1. Антонов, С. Успехи надо отмечать / С. Антонов // Витебские вести. – 2021. – 19 нояб. – С. 3.
2. «Дисплей» // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 363.
3. Дисплей. Защищая будущее: конструкторское бюро / авт. текста Ю. Г. Локтева ; редкол.: А. С. Войтенков и др. ; фото В. В. Рожкова. – Минск : Колорград, 2020. – 228 с.
4. Конструкторское бюро «Дисплей»: 20 лет созидательной работы / сост. В. С. Козлов ; предисл. А. С. Войтенков. – Витебск : Витебская областная типография, 2007. – 76 с. : фот.
5. Ляшук, С. «Дисплей» видит перспективы / С. Ляшук // Витебские вести. – 2023. – 31 марта. – С. 2.
6. Наумова, А. Гордость берет! / А. Наумова // СБ. Беларусь сегодня. – 2023. – 4 марта. – С. 7.
7. Пучкова, Е. Медицинские мониторы создают в Витебске / Е. Пучкова // Віцьбічы = Витьбичи. – 2023. – 1 апр. – С. 5.
СПАСЫЛКІ
