ВІК-здароўе жывёл, ЗВУП. г. Віцебск
- Подробности
- Створана 26.05.2020 12:23
- Адноўлена 20.11.2023 09:13
| Сучасная назва | ЗВУП «ВІК-здароўе жывёл» |
| Тып | замежнае вытворчае ўнітарнае прадпрыемства |
| Дата заснавання | 2000 |
| Месца знаходжання | Віцебская вобласць, г. Віцебск |
| Галіна | хімічная прамысловасць |
| Сайт | https://doctor-vic.com |
Група кампаній ВІК з'яўляецца лідарам на рынку ветэрынарнай фармацэўтыкі ў Расіі і найбуйнейшым вытворцам ветэрынарных прэпаратаў у краінах СНД. Кампанія была заснавана ў 1990 годзе.
У 2000 годзе кампанія «ВІК – здароўе жывёл» увайшла ў свабодную эканамічную зону «Віцебск», дзе пачала будаўніцтва сучаснага фармацэўтычнага завода па вытворчасці ветэрынарных лекавых прэпаратаў. Заснавальнік – ААТ «ВІК – здароўе жывёл» (г. Масква) – першы вытворца ветэрынарных прэпаратаў у СНД і адзіная кампанія з ветэрынарных фармацэўтычных кампаній Расіі і СНД, атэставаная па міжнародным стандарце EU GMP з правам паставак уласнай прадукцыі ў ЕС.
Пад гандлёвай маркай «ВІК – здароўе жывёл» выпускаюцца ветэрынарныя прэпараты, кармавыя дабаўкі, сродкі гігіены і санітарыі, вушныя біркі. Прэпараты вырабляюцца на дзвюх вытворчых пляцоўках ГК ВІК, размешчаных у Віцебску і Белгарадзе. Гэта адзіная расійская ветэрынарная кампанія, якая мае рэгістрацыю прэпаратаў у Еўрапейскім Саюзе (у Галандыі і Латвіі).
ЗВУП «ВІК – здароўе жывёл» у Віцебску вырабляе больш за 300 найменняў прадукцыі, з іх амаль 130 – лекавыя сродкі для ўсіх груп жывёл. Зараз на прадпрыемстве працуе каля 230 чалавек. Каля 95 % прадукцыі ідзе на экспарт у Расію, Кітай, Сінгапур, Тайвань, Казахстан, Узбекістан, Арменію, Азербайджан, Пакістан, Іран і іншыя краіны. Геаграфія рынку збыту ўвесь час пашыраецца.
Адрас: Віцебская вобласць, г. Віцебск, вуліца 1-я Журжаўская, д. 29.
    
|
ЛІТАРАТУРА
1. Антонов, С. Рецепты победителя / С. Антонов // Витебские вести. – 2020. – 6 окт. – С. 2.
2. Бегунова, Е. Свой рецепт успеха / Е. Бегунова // Рэспубліка. – 2022. – 7 мая. – С. 1, 11.
3. Бегунова, Е. Стимулы развития – в действии: в Витебске российское предприятие запускает новые производства / Е. Бегунова // СБ. Беларусь сегодня. – 2022. – 2 апр. – С. 6.
4. Каталог резидентов СЭЗ «Витебск» [Электронный ресурс] / Свободная экономическая зона Витебск. – Режим доступа: http://fez-vitebsk.by/upload/iblock/b23/FEZ%20Residents.pdf. – Дата доступа: 16.05.2023.
5. Любочка, С. Инновации и качество – гарантия успеха / С. Любочка // Віцьбічы = Витьбичи. – 2021. – 14 янв. – С. 4.
6. Любочка, С. Соответствовать реалиям времени / С. Любочка // Віцьбічы = Витьбичи. – 2023. – 23 февр. – С. 4.
СПАСЫЛКІ
Наша марка. Иностранное производственное унитарное предприятие «ВИК – здоровье животных»
