Арэхаўскі льнозавод, ААТ. Аршанскі раён

Подробности

Створана 03.10.2017 12:23

Адноўлена 28.02.2019 08:33

Прадпрыемства заснавана ў 1970 годзе. У 1998 годзе прадпрыемства ператворана ў адкрытае акцыянернае таварыства «Арэхаўскі льнозавод».

ААТ «Арэхаўскі льнозавод» – адно з 18 ільноперапрацоўчых прадпрыемстваў Віцебскай вобласці, з'яўляецца адзіным ільноперапрацоўчым прадпрыемствам у Аршанскім раёне.

Тэрыторыя прадпрыемства з размешчанымі на ёй вытворчымі і складскімі памяшканнямі, кацельняй, воданапорнай станцыяй, гаражамі, рамонтнай майстэрняй, нафтабазай, адміністрацыйным будынкам займае каля 15 гектараў зямельнай плошчы.

Арэхаўскі льнозавод забяспечвае комплексную перапрацоўку сыравіны, мае наступныя цэхі і ўчасткі:

– сыравінны двор з 5-цю жалезабетоннымі і металічнымі навесамі для захоўвання сыравіны агульнай ёмістасцю 10 тыс.тон;

– цэх асноўнай вытворчасці з паточнымі лініямі па выпрацоўцы доўгага трапанага лёну, з найбольш дакладнымі лініямі па выпрацоўцы кароткага валакна, складам гатовай прадукцыі;

– цэх па вытворчасці лёну часанага ў стужцы, ільнянога ачосу;

– дапаможныя цэхі і ўчасткі: кацельня, механічны ўчастак, транспартны ўчастак, вытворчая (тэхналагічная) лабараторыя.

Прадпрыемства ажыццяўляе выпуск прадукцыі тэхнічнага прызначэння. Прадукцыя прадпрыемства мае ўстойлівы попыт у пакупнікоў і рэалізуецца ў межах Рэспублікі Беларусь.

Сыравіннай базай прадпрыемства з'яўляюцца льнасеяльныя гаспадаркі Аршанскага раёна і сам ільнозавод. Прадпрыемства мае структурнае падраздзяленне – комплексны механізаваны атрад па вырошчванню лёну. У пачатку верасня 2014 года зроблены першы пуск высокапрадукцыйнай лініі Depoortere па выпрацоўцы доўгага і кароткага льновалакна. Новыя лініі дазваляюць перапрацоўваць да 12 тыс.тон льнотрасты ў год.

Адрас: Віцебская вобласць, Аршанскі раён, гарадскі пасёлак Арэхаўск, вуліца Пралетарская, 64.
 

ЛІТАРАТУРА

1. Антонов, С. Большие проблемы районного завода / С. Антонов // Витебские вести. – 2013. – 8 окт. – С. 2.

2. Бегунова, Е. Наладка с накладкой / Е. Бегунова // Рэспубліка. – 2014. – 4 верас. – С. 3.

3. Вереск, Е. Первый пошел: на Ореховском льнозаводе под Оршей завершена первая очередь реконструкции / Е. Вереск // Советская Белоруссия. – 2014. – 7 окт. – С. 11.

4. Готовская, Л. Женщина с характером / Л. Готовская // Аршанская газета. – 2009. – 16 чэрв. – С. 1–2.

5. Лебедева, О. Использовать научный подход / О. Лебедева // Витебские вести. – 2015. – 1 авг. – С. 4.

6. Ляшук, С. Сегодня лучше, чем вчера / С. Ляшук // Витебские вести. – 2015. – 5 дек. – С. 3.

7. Слепцов, С. На контроле у инспекции / С. Слепцов // Телеком-экспресс (Орша). – 2008. – 17 июля. – С. 5.

8. Тимашкова, Л. Станет ли Орша столицей льна? / Л. Тимашкова // Белорусская нива. – 2011. – 3 сент. – С. 14.

9. Турок, А. Председатель комитета госконтроля посетил Ореховский льнозавод / А. Турок // Аршанская газета. – 2013. – 5 кастр. – С. 1.