Пастаўскі льнозавод, ААТ. Пастаўскі раён

Подробности

Створана 03.10.2017 12:23

Адноўлена 14.03.2019 11:14

У 1938 г. пры польскай уладзе пачалася закладка для будаўніцтва ткацкай фабрыкі. Падчас вайны немцы завезлі сюды льноапрацоўчую машыну, што і прывяло ў далейшым да прыняцця рашэння аб стварэнні льнозавода.

У 1947 г. завод пачаў сваю працу і заняўся выключна вытворчасцю валакна. Пры перапрацоўцы льнотрасты сабралася вялікая колькасць адходаў – кастрыцы. У 1964 г. на заводзе быў адкрыты цэх кастрыцапліт, які выпускае за год больш за 2000 м³ кастрыцапліт.

У пачатку 90-х гг. пачалося рэзкае памяншэнне пасяўных плошчаў лёну больш чым у 2 разы. Льнозавод адчуваў недахоп нарыхтоўчай сыравіны. У 2000 г. каэфіцыент выкарыстання вытворчых плошчаў склаў усяго 27,5 %. Прыход у 1997 г. на пасаду дырэктара Скурко Пятра Іванавіча адзначыў пачатак паступовага выхаду льнозавода з крызісу. З мэтай недапушчэння зніжэння аб'ёму вытворчасці прадукцыі ў грашовым выразе ў 1998 г. былі адкрыты дадатковыя цэхі: швейны – па вытворчасці спецадзення, цэха па вытворчасці вяроўкі і каболкі. У 2003 г. пачата вытворчасць нятканых матэрыялаў (ваціну) і льнянога масла, у 2009 г. – кастрыцабрыкетаў.

Пасля скарачэння пасяўных плошчаў лёну ў гаспадарках у мэтах забеспячэння завода сыравінай у 2000 г. на базе створаны механізаваны атрад, які вырошчвае лён на арэндаваных землях і аказвае дапамогу льнасеяльным гаспадаркам. За перыяд з 2000 па 2010 гг. плошча лёну, апрацаваная льнозаводам, павялічылася з 140 га да 950 га, што складае больш за 70 % плошчы лёну, апрацаванага ў раёне.

У цяперашні час прадпрыемства вырабляе наступныя віды прадукцыі: валакно льняное доўгае; валакно льняное кароткае; вяроўкі; стужка часаная з кароткага валакна; пакулле льняное; каболка; палатно кудзеляпрашыўное і іглапрашыўное; алей льняны; макуха льняная; швейныя вырабы; кастрыцабрыкеты (брыкеты паліўныя).

Сёння прадпрыемства стабільна развіваецца, укараняе новыя формы работы, праводзіць тэхнічнае пераўзбраенне, пашырае рынкі збыту.

З 1997 года і па цяперашні час дырэктарам з'яўляецца Скурко Пётр Іванавіч.

Адрас: Віцебская вобласць, Пастаўскі раён, г. Паставы, вуліца Завадская-1.

ЛІТАРАТУРА

1. Андреев, А. Надежность в партнерстве дорого ценится / А. Андреев // Народная газета. – 2005. – 14 снеж. – С. 6.

2. Бегунова, Е. Расчеты и просчеты / Е. Бегунова // Рэспубліка. – 2014. – 11 крас. – С. 1, 6.

3. Быньков, А. Качественное волокно гарантируют / А. Быньков // Витебские вести. – 2013. – 5 сент. – С. 4.

4. Бынькоў, А. Будзе валакно са знакам якасці / А. Бынькоў // Народнае слова. – 2013. – 5 лют. – С. 2.

5. Дедюро, Л. Ленок под поставскими росами / Л. Дедюро // Віцебскі рабочы. – 2011. – 17 нояб. – С. 2.

6. Курыловіч, П. Жыве, працуе, развіваецца / П. Курыловіч // Пастаўскі край. – 2007. – 6 лістап. – С. 1–2.

7. ОАО «Поставский льнозавод»: модернизация открывает новые возможности // Народная газета. – 2013. – 10 снеж. – С. 6.

8. Пастернак, Т. «Витебский лён»: по последнему слову техники / Т. Пастернак // Витебские вести. – 2014. – 19 июня. – С. 3.

9. Пашкевіч, Т. Льнозавод рыхтуецца да сяўбы / Т. Пашкевіч // Витебские вести. – 2016. – 25 февр. – С. 3.

10. Пашкевіч, Т. Паўночны шоўк пастаўскай вытворчасці / Т. Пашкевіч // Витебские вести. – 2015. – 15 окт. – С. 3.

11. Пашкевіч, Т. У капкане нестыковак / Т. Пашкевіч // Витебские вести. – 2016. – 15 нояб. – С. 3.

12. Поставский льнозавод // Лён : энциклопедия / сост. Л. В. Ловчая ; под общ. ред. И. А. Голуба. – Минск : БелЭн iмя П. Броўкi, 2009. – С. 115.

13. Сауліч, У. Арыфметыка пастаўскіх ільнаводаў / У. Сауліч // Белорусская нива. – 2013. – 24 мая. – С. 5.

14. Сауліч, У. У Паставах – новы льнозавод / У. Сауліч // Сельская газета. – 2014. – 9 сент. – С. 5

15. Соколовская, И. Хорошие перспективы Поставского льнозавода / И. Соколовская // Витебские вести. – 2014. – 6 марта. – С. 3.

16. Шик, В. Заводское поле / В. Шик // Витебский курьер. – 2003. – 12 сент. – С.4.

СПАСЫЛКІ

1. ОАО «Поставский льнозавод»