Коханаўскі льнозавод, ААТ. Талачынскі раён

Подробности

Створана 18.09.2017 12:23

Адноўлена 14.03.2019 11:20

Будаўніцтва Коханаўскага льнозавода пачалося ў 30–х гг. XX ст. Заснаваны ў 1941 г. У пасляваенны перыяд завод не працаваў, аднак вялося будаўніцтва вытворчых памяшканняў.

У эксплуатацыю Коханаўскі завод уведзены ў сакавіку 1961 г.

У 1998 г. прадпрыемства пераўтворана ў адкрытае акцыянернае таварыства «Коханаўскі льнозавод».

21 снежня 2009 г. адбылася рэарганізацыя ААТ «Коханаўскі льнозавод» шляхам далучэння ААТ «Талачынскі льнозавод».

У сакавіку 2011 г. прадпрыемства адзначыла 50-гадовы юбілей.

У 2010 г. у Талачынскім раёне лён вырошчваўся на плошчы 1600 га, у выніку гэтага было нарыхтавана 4210 тон ільнотрасты, а таксама нарыхтавана 270 тон льнонасення.

На прадпрыемстве створаны механізаваны атрад, асабовым складам якога вырошчваецца і прыбіраецца лён, а таксама аказваюцца транспартныя паслугі іншым арганізацыям.

Прадпрыемства ажыццяўляе выпуск прадукцыі тэхнічнага прызначэння – валакно льняное трапальнае доўгае, прызначанае для наступнай перапрацоўкі і вытворчасці бытавых тканін; валакно льняное кароткае – для выпрацоўкі тканін (тарная, упаковачная, брызент, кручаныя вырабы).

Выпуск прадукцыі вырабляецца ў цэхах механічнай перапрацоўкі льнотрасты (вылучэнне кудзелістай часткі і ачысткі яе ад драўніны і покрыўных тканін). У выніку механічнай апрацоўкі з льняной трасты атрымліваюць доўгае льновалакно, з нізкагатункавай трасты і адходаў трапаны атрымліваюць – кароткае льновалакно. Гатовая прадукцыя (льновалакно) для далейшай перапрацоўкі адпраўляецца на РУВГП «Аршанскі льнокамбінат», а таксама на экспартна-сартавальныя базы для рэалізацыі на экспарт.

Вытворчая магутнасць завода па перапрацоўцы льнотрасты складае 3000 тон льнотрасты ў год.

ААТ «Коханаўскі льнозавод» з’яўляецца адным з 20-ці льнасеяльных і льноперапрацоўчых прадпрыемстваў Віцебскай вобласці.

Дырэктар – Каваленка Фёдар Мікалаевіч.

Адрас:Віцебская вобласць, Талачынскіраён, в. Зялёны бор.

ЛІТАРАТУРА:

1. Алпатаў, Я. Паступова выходзяць з крызісу/ Я. Алпатаў // Наша Талачыншчына. – 2008. – 9 лют. – С. 2.

2. Гедройц, В. Оживить нельзя закрыть / В. Гедройц // Сельская газета. –2018. –20 февр. –С. 7.

3. Кохановский льнозавод // Лён : энциклопедия / сост. Л. В. Ловчая ; под общ. ред. И. А. Голуба. –Минск: БелЭн iмя П. Броўкi, 2009.–С. 65.

4. Кохановский льнозавод// Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 526.

СПАСЫЛКІ:

1. О предприятии [Электронный ресурс] // ОАО «Кохановский льнозавод».– Режим доступа:http://kohanovolen.vitebsk.by/index.html. – Дата доступа: 13.05.2018.

2. ОАО «Кохановский льнозавод»[Электронный ресурс] // ОАО «Кохановский льнозавод».– Режим доступа: http://tolochin.vitebsk-region.gov.by/ru/kokh_lnozavod/. – Дата доступа: 13.05.2018.