Обальскі керамічны завод, ААТ. Шумілінскі раён, г. п. Обаль
- Подробности
- Створана 26.05.2020 12:23
- Адноўлена 02.07.2020 09:11
| Сучасная назва | ААТ «Обальскі керамічны завод» |
| Былая назва | Цагельны завод № 37 (1929) |
| Обальскі цагельны завод (1969) | |
| Обальскі керамічны завод (1980) | |
| КВУП «Обальскі керамічны завод» (2002) | |
| Тып | адкрытае акцыянернае таварыства |
| Дата заснавання | 1929 |
| Месца знаходжання | Віцебская вобласць, Шумілінскі раён, г. п. Обаль |
| Галіна | прамысловасць будаўнічых матэрыялаў |
| Сайт | http://okz.by |
Обальскі керамічны завод – прадпрыемства па вытворчасці будаўнічых матэрыялаў.
Заснаваны ў 1929 годзе ў г. п. Обаль Шумілінскага раёна як цагельны завод № 37.
У гады Вялікай Айчыннай вайны быў разбураны.
У 1947 годзе аднавіў работу, у 1954 годзе пачаў бесперапынную вытворчасць цэглы.
У 1969 годзе перайменаваны ў Обальскі цагельны завод.
У 1974–1977 гг. пабудаваны завод керамічных вырабаў са шлікернай падрыхтоўкай глінянай масы (адзінае ў Беларусі прадпрыемства, якое выкарыстоўвае такую тэхналогію).
У 1980 годзе два заводы аб'ядналіся ў адзін.
З 2002 года – камунальнае вытворчае ўнітарнае прадпрыемства «Обальскі керамічны завод».
У 2006 годзе да прадпрыемства быў далучаны Расонскі керамічны завод (ААТ «Расоны»).
У 2007 годзе на ААТ «Обальскі керамічны завод» укаранена сістэма менеджменту якасці ISO 2001.
У 2008 годзе завод засвоіў выпуск клінкернай цэглы і цэглы павышанай марозаўстойлівасці, якая не мае аналагаў у Рэспубліцы Беларусь і Расійскай Федэрацыі.
У 2010 годзе праведзена рэканструкцыя вытворчых ліній, устаноўлена аўтаматызаванае абсталяванне, якое дазваляе выпускаць будаўнічыя матэрыялы вышэйшай якасці. Мадэрнізацыя завода, якая завяршылася ў 2016 годзе, дазволіла наладзіць выпуск новай прадукцыі, пашырыць яе асартымент.
Завод выпускае цэглу, тратуарную плітку, вырабы мастацкай керамікі. Найбольш запатрабаваная пакупнікамі цэгла керамічная паўнацелая, якая выкарыстоўваецца для кладкі грубак і камінаў, пустацелая абліцовачная прадукцыя і гліняны парашок для кладкі грубак і камінаў. Прадукцыя Обальскага керамічнага завода прадаецца як у Беларусі, так і за яе межамі.
З цэглы Обальскага керамічнага завода пабудаваны храмы Хрыста Спасіцеля і Георгія Перамоганосца на Паклоннай гары ў Маскве, Васкрасенскія вароты Крамля. Цэгла прадпрыемства выкарыстоўвалася пры рэканструкцыі Аўгустоўскага канала, Мірскага замка, будаўніцтве Беларускай АЭС, пры будаўніцтве і рэстаўрацыі многіх знакавых аб'ектаў.
З сакавіка 2017 года прадпрыемства ўваходзіць у склад дзяржаўнага аб'яднання «Віцебскпрам».
У 2017 годзе завершаны інвестыцыйны праект «Арганізацыя вытворчасці керамічнай цэглы пластычнага фармавання на базе цэха № 2 ААТ "Обальскі керамічны завод"».
Прадпрыемства неаднаразова ўдзельнічала ў конкурсе «Лепшыя тавары Рэспублікі Беларусь» у намінацыі «Прадукцыя вытворча-тэхнічнага прызначэння» і станавілася яго лаўрэатам.
Адрас: Віцебская вобласць, Шумілінскі раён, г. п. Обаль, вуліца Леніна, 10.
      
|
ЛІТАРАТУРА
1. Антонов, С. В Оболи обновляют технологию / С. Антонов // Витебские вести. – 2015. – 23 апр. – С. 1, 3.
2. Владимиров, С. Строительный материал на века / С. Владимиров // Советская Белоруссия. – 2013. – 21 дек. – С. 10.
3. Давыдов, А. Вышли на прибыль / А. Давыдов // Витебские вести. – 2020. – 15 февр. – С. 7.
4. Давыдов, А. Легенды обольского шликера / А. Давыдов // Витебские вести. – 2019. – 20 июля. – С. 8.
5. Давыдов, А. Обольскому керамическому заводу – 90! / А. Давыдов // Витебские вести. – 2019. – 15 авг. – С. 23.
6. Ермалаеў, С. Тут пачынаецца цэгла / С. Ермалаеў // Герой працы (Шумiлiна). – 2011. – 15 сак. – С. 4.
7. Ивченко, Л. Обольский кирпич изменит цвет и качество / Л. Ивченко // Витебские вести. – 2016. – 6 февр. – С. 4.
8. Ивченко, Л. Сохранить социальную стабильность / Л. Ивченко // Витебские вести. – 2015. – 17 дек. – С. 1, 3.
9. Ляшук, С. Тепло обольской керамики / С. Ляшук // Витебские вести. – 2015. – 31 марта. – С. 1.
10. Обальскі керамічны завод // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2000. – Т. 11 : Мугір–Паліклініка. – С. 425.
11. Обальскі керамічны завод: дзень сённяшні / падрыхт.: Л. Зайцава, А. Шэдзько // Герой працы (Шумiлiна). – 2019. – 9 жн. – С. 4–5.
12. Обольский керамический завод // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 205.
13. Обольский керамический завод // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2007. – Т. 5 : Минск–Педиатрия. – С. 497.
14. Скоморохов, Н. Освоение производства клинкерного кирпича на Обольском керамическом заводе / Н. Скоморохов // Архитектура и строительство. – 2005. – № 6. – С. 102–104.
15. Черниченко, Н. Моя Оболь – мой завод / Н. Черниченко // Віцьбічы = Витьбичи. – 2019. – 15 авг. – С. 4.
16. Шэдзько, А. Галоўная задача – вярнуць прэстыж завода / А. Шэдзько // Герой працы (Шумiлiна). – 2013. – 15 студз. – С. 2.
17. Шэдзько, А. З обальскай цэглы будуецца Беларуская АЭС / А. Шэдзько // Герой працы (Шумiлiна). – 2018. – 9 кастр. – С. 2.
18. Шэдзько, А. Завод выходзіць на поўную магутнасць / А. Шэдзько // Герой працы (Шумiлiна). – 2016. – 26 жн. – С. 4.
СПАСЫЛКІ
Обольский керамический завод (с описанием)
Обольский керамический завод: исторические факты, описание, отзывы
