Чырвоны Барацьбіт, станказавод, ААТ. Аршанскі раён

Подробности

Створана 17.05.2017 12:23

Адноўлена 06.10.2017 11:43

Аршанскі станкабудаўнічы завод «Чырвоны Барацьбіт» заснаваны ў 1900 годзе ў г. Орша мяшчанамі С. П. Ясінскім і І. Б. Славінскім, як механічныя майстэрні па вырабе сельскагаспадарчага інвентару, катлоў, бочак, па рамонце абсталявання для млыноў, вінакураных заводаў. Вытворчасць майстэрняў досыць хутка развівалася, і ў 1914 годзе яны выраслі ў невялікі завод. У 1919 годзе майстэрні нацыяналізаваны. З 1928 года майстэрні атрымалі назву Чыгуналіцейны механічны завод «Чырвоны Барацьбіт».

У гады індустрыялізацыі ў развіццё завода былі ўкладзеныя вялікія сродкі, і да 1941 года ён вырас у буйное прамысловае прадпрыемства па рамонце і вырабе сельскагаспадарчых машын, вытворчасці запасных частак да іх, станочнага абсталявання і тавараў народнага спажывання.

Падчас Вялікай Айчыннай вайны завод быў спынены, асноўнае абсталяванне вывезена ў Свярдлоўскую вобласць, дзе у самы кароткі тэрмін быў наладжаны выпуск боепрыпасаў для фронту. У 1945 годзе сіламі дэмабілізаваных воінаў Чырвонай Арміі і партызан, жыхароў навакольных вёсак пачалося аднаўленне цалкам разбуранага завода.

У 1959 годзе завод атрымаў новую спецыялізацыю – станкабудаўнічае прадпрыемства па вытворчасці плоскашліфавальных станкоў высокай і асабліва высокай дакладнасці. З гэтага перыяду прадпрыемства і яго прадукцыя атрымалі сусветную вядомасць.

Абсалютная большасць мадэляў шліфавальных станкоў, якія выпускаліся ў 70–80-я гады, былі атэставаны на дзяржаўны знак якасці. У гэтыя гады прадукцыя завода мела шырокую вядомасць на сусветным рынку.

За стварэнне і асваенне комплексна-механізаванай вытворчасці станкоў, высокі ўзровень тэхналогіі вытворчасці групе працаўнікоў завода ў 1971 годзе была прысуджана Дзяржаўная прэмія СССР у галіне тэхнікі.

У 90-я гады, пасля распаду СССР, у сувязі са зніжэннем вытворчасці ў машынабудаванні, разрывам эканамічных сувязяў, значна скараціўся попыт на шліфавальныя станкі. На заводзе атрымалі развіццё новыя напрамкі: выпуск машын лазернай рэзкі, камнеапрацоўчага абсталявання, станкоў для малой механізацыі і інш.

Значная работа ў апошнія гады XX стагоддзя праведзена заводам па павышэнні тэхнічнага ўзроўня, якасці і канкурэнтназдольнасці прадукцыі.

У цяперашні час завод дынамічна развіваецца, асвоена вытворчасць фрэзерных станкоў, крывашыпна-шатунных прэсаў, сродкаў малой механізацыі: вастрыльна-шліфавальных, свідравальна-фрэзерных, настольна-свідравальных, адразных, вастрыльных, шліфавальна-паліравальных станкоў і гнуткавых машын.

Асвоена вытворчасць комплексаў лазернай рэзкі з лічбавым праграмным кіраваннем.

Штогод завод удзельнічае ў выставах ў Расіі, Германіі, Турцыі. Станкі завода экспартуюцца ў больш чым 110 краін свету. У 2005 годзе завод выпусціў статысячны станок, які быў адгружаны ў Камсамольск-на-Амуры.

Прадпрыемства шматразова станавілася лаўрэатам прэміі Урада Рэспублікі Беларусь за дасягненні ў галіне якасці, лаўрэатам прэміі Міністэрства прамысловасці Рэспублікі Беларусь і прэміі Віцебскага аблвыканкама. Не раз завадскія вырабы прызнаваліся лепшымі таварамі краіны і лепшымі таварамі на рынку Расійскай Федэрацыі.

Адрас: Віцебская вобласць, Аршанскі раён, горад Орша, вуліца Энгельса, 29.

ЛІТАРАТУРА

1. Аршанскі станкабудаўнічы завод «Чырвоны барацьбіт» // Энцыклапедыя гісторыі Беларусі : у 6 т. / рэдкал.: М. В. Біч [і інш.] ; мастак Э. Э. Жакевіч. – Мінск : БелЭн, 1993. – Т. 1 : А–Беліца. – С. 195.

2. Волкова, Л. Высокая награда за качество / Л. Волкова // Віцьбічы = Витьбичи. – 2013. – 4 апр. – С. 1.

3. Готовская, Л. В истории завода – наша с тобой биография / Л. Готовская // Аршанская газета. – 2010. – 23 верас. – С. 13–14.

4. Гриневская, Е. Завод... «с интеллектом» / Е. Гриневская // Віцебскі рабочы. – 2010. – 8 апр. – С. 4.

5. И дольше века длится жизнь // Аршанская газета. – 2010. – 23 верас. – С. 3.

6. Кононович, Е. Борцовский характер / Е. Конононович // Народная газета. – 2012. – 21 лют. – С. 5.

7. Лебедева, О. Большие перспективы большого завода / О. Лебедева // Витебские вести. – 2014. – 18 февр. – С. 3.

8. Лебедева, О. В приоритете – новые рынки / О. Лебедева // Витебские вести. – 2017. – 11 февр. – С. 2.

9. Лебедева, О. «Красному борцу» – 115 / О. Лебедева // Витебские вести. – 2015. – 29 сент. – С. 8.

10. Лебедева, О. Первый заказчик – ОАО «КамАЗ» / О. Лебедева // Витебские вести. – 2015. – 13 июня. – С. 1.

11. Людмина, Л. В Волгоград – с новинками / Л. Людмина // Аршанская газета. – 2016. – 26 лістап. – С. 2.

12. Людмина, Л. Наши станкостроители – в Красноярске / Л. Людмина // Аршанская газета. – 2017. – 4 лют. – С. 1.

13. Людмина, Л. Новинки станкостроителей / Л. Людмина // Аршанская газета. – 2009. – 27 жн. – С. 3.

14. Людмина, Л. По передовым технологиям / Л. Людмина // Аршанская газета. – 2009. – 15 студз. – С. 4.

15. Маршалович, Л. Высокий профессионализм – секрет успеха / Л. Маршалович // Аршанская газета. – 2016. – 17 марта. – С. 3.

16. Маршалович, Л. Главный критерий работы / Л. Маршалович // Аршанская газета. – 2010. – 13 сак. – С. 1–2.

17. Маршалович, Л. Завод «Красный борец» в числе победителей / Л. Маршалович // Аршанская газета. – 2007. – 8 снеж. – С. 3.

18. Маршалович, Л. Качественно, надежно, безопасно / Л. Маршалович // Аршанская газета. – 2013. – 5 кастр. – С. 2.

19. Маршалович, Л. К новым рубежам / Л. Маршалович // Аршанская газета. – 2015. – 24 верас. – С. 1, 3.

20. Маршалович, Л. «Красному борцу» – 105 лет / Л. Маршалович // Аршанская газета. – 2005. – 29 снеж. – С. 3.

21. Маршалович, Л. Станки покорившие мир / Л. Маршалович // Аршанская газета. – 2006. – 17 кастр. – С. 2.

22. Масловская, О. За высокие достижения / О. Масловская // Витебские вести. – 2016. – 31 дек. – С. 2.

23. Мурза, С. От мастерских до масштабного предприятия / С. Мурза // Аршанская газета. – 2015. – 24 верас. – С. 4.

24. Сытник, И. Гордость отечественного станкостроения / И. Сытник // Народнае слова. – 2010. – 25 верас. – С. 6.

25. Толочко, А. И станки наши быстры… / А. Толочко // Рэспубліка. – 2011. – 6 снеж. – С. 1.

26. Турок, А. Дорогу осилит идущий... / А. Турок // Аршанская газета. – 2012. – 25 лют. – С. 1–2.

27. Турок, А. Министры посетили «Красный борец» / А. Турок // Аршанская газета. – 2013. – 18 ліп. – С. 1–2.

28. Турок, А. Наивысшая оценка труда / А. Турок // Аршанская газета. – 2017. – 12 студз. – С. 1.

29. Турок, А. Стимул для взятия новых вершин / А. Турок // Віцьбічы = Витьбичи. – 2017. – 21 янв. – С. 7.

30. Усова, М. В лидерах – «Красный борец» / М. Усова // Віцебскі рабочы. – 2011. – 11 янв. – С. 1.

31. Усова, М. Станки ювелирной работы более полувека выпускают мастера оршанского завода «Красный борец» / М. Усова // Віцебскі рабочы. – 2011. – 24 сент. – С. 2.

32. Чеховский, А. С. Оршанский станкостроительный завод «Красный борец» / А. С. Чеховский // Республика Беларусь : энциклопедия : [в 7 т.] / редкол. : Г. П. Пашков [и др.]. – Минск : БелЭн, 2007. – Т. 5 : Минск–Педиатрия. – С. 618.

33. Шкрабо, Е. 115 страниц истории завода «Красный борец» / Е. Шкрабо // Телеком-экспресс (Орша). – 2015. – 24 сент. – С. 2.

34. Шкрабо, Е. Флагман станкостроения / Е. Шкрабо // Вiцебскi рабочы. – 2008. – 18 студз. – С. 6.

35. Шутова, О. Первый в Орше экологический сертификат / О. Шутова // Народнае слова. – 2007. – 16 студз. – С. 2.