Віцебскдрэў, ААТ. г. Віцебск
- Подробности
- Створана 20.11.2023 08:23
- Адноўлена 20.11.2023 13:46
| Сучасная назва | ААТ «Віцебскдрэў» |
| Былая назва | Віцебскі фанеоны завод (1927) |
| Віцебскі домабудаўнічы камбінат (1948) | |
| Віцебскі дрэваапрацоўчы камбінат (1966) | |
| Віцебскае вытворчае аб'яднанне «Віцебскдрэў» (1975) | |
| Тып | адкрытае акцыянернае таварыства |
| Дата заснавання | 1927 |
| Месца знаходжання | Віцебская вобласць, г. Віцебск |
| Галіна | дрэваапрацоўчая прамысловасць |
| Сайт | https://vitebskdrev.com |
ААТ «Віцебскдрэў» – дрэваапрацоўчае прадпрыемства. Створана ў чэрвені 1927 года ў Віцебску як фанерны завод. У 1940-я гады на заводзе выпускалі фанеру, асвойвалі выпуск гатовых дэталяў самалётаў. За гады Вялікай Айчыннай вайны завод быў поўнасцю разбураны. Зімой 1945–1946 гг. былі ўведзены ў эксплуатацыю падсобныя прадпрыемствы, галоўная роля якіх заключалася ў забеспячэнні сталярнымі вырабамі для аднаўлення разбуранага жылля і цэхаў. З 1948 года – домабудаўнічы камбінат, у выніку падзелу якога ў 1966 годзе быў арганізаваны дрэваапрацоўчы камбінат. З 1975 года – прамысловае аб'яднанне з сучаснай назвай. З 1994 года – адкрытае акцыянернае таварыства. У 2018 годзе прадпрыемства стала рэзідэнтам свабоднай эканамічнай зоны «Віцебск».
Зараз ААТ «Віцебскдрэў» – гэта сучаснае дрэваапрацоўчае прадпрыемства, якое актыўна развіваецца і ўваходзіць у склад холдынгу арганізацый дрэваапрацоўчай прамысловасці «BYSPAN». Існуючая на прадпрыемстве безадходная тэхналогія дазваляе здзяйсняць комплексную і глыбокую перапрацоўку драўніны, пачынаючы з нарыхтоўкі лесу і да вырабу гатовай прадукцыі. Размяшчаецца на тэрыторыі больш за 45 га, мае развітую інфраструктуру: пажарная часць, спартыўны зал, медпункт, інтэрнат, магазін, сталовая. На тэрыторыі прадпрыемства знаходзіцца абеліск у памяць пра загінуўшых работнікаў прадпрыемства ў гады Вялікай Айчыннай вайны. Зараз ідзе работа па стварэнні музея прадпрыемства. На ААТ «Віцебскдрэў» працуе звыш 800 чалавек.
На прадпрыемстве функцыянуе ўласная акрэдытаваная лабараторыя. Яе асаблівасць заключаецца ў тым, што яна з'яўляецца адзінай лабараторыяй у Рэспубліцы Беларусь, якая праводзіць выпрабаванні падлогавых ламініраваных панэляў на святлоўстойлівасць. Цэнтральная заводская лабараторыя цесна супрацоўнічае са шматлікімі навуковымі, навучальнымі ўстановамі і арганізацыямі Рэспублікі Беларусь і Расійскай Федэрацыі.
Патэнцыял ААТ «Віцебскдрэў» дазваляе перапрацоўваць да 1000 м3 драўнянай сыравіны ў дзень. Сёння пліты MDF пастаўляюцца ў розныя рэгіёны Беларусі, а таксама ў 34 краіны свету, на буйнейшыя мэблевыя і дзвярныя фабрыкі. Прадукцыя прадпрыемства шырока выкарыстоўваецца ў будаўніцтве, пры аздабленні інтэр'ераў і інш. Гэта адзінае дрэваапрацоўчае прадпрыемства ў Беларусі, якое наладзіла выпуск інавацыйнага прадукту – вільгацеўстойлівай пліты (MDF.Н). У завяршаючай стадыі знаходзіцца распрацоўка інавацыйнай тэхналогіі вырабу вогнеўстойлівых пліт MDF.
Дасягненні ААТ «Віцебскдрэў» у галіне якасці пацвярджаюцца перамогамі ў прэстыжных конкурсах. У 2020 годзе цэнтральная заводская лабараторыя стала пераможцай конкурсу «Кампетэнтнасць-2020» сярод выпрабавальных лабараторый Беларусі. У 2021 годзе прадпрыемства стала лаўрэатам конкурсу «Лепшыя тавары Рэспублікі Беларусь», пераможцам рэспубліканскага конкурсу спажывецкай перавагі «Прадукт года-2021». За поспехі ў выкананні прагнозных паказчыкаў сацыяльна-эканамічнага развіцця, выпуск высокаякаснай канкурэнтнай прадукцыі, павышэнне эфектыўнасці вытворчасці па выніках работы за 2021 год ААТ «Віцебскдрэў» занесена на Дошку Гонару Першамайскага раёна г. Віцебска.
      
|
ЛІТАРАТУРА
1. Антонов, С. «Витебскдрев» – новый резидент СЭЗ [«Витебск»] / С. Антонов // Витебские вести. – 2018. – 6 сент. – С. 3.
2. Будкевич, М. Возродили опаленную землю / М. Будкевич // Віцьбічы = Витьбичи. – 2020. – 25 июля. – С. 10.
3. Дойлин, Ю. Высококлассная деревообработка / Ю. Дойлин // Экономика Беларуси. – 2022. – № 3. – С. 52–55.
4. Каталог резидентов СЭЗ «Витебск» [Электронный ресурс] / Свободная экономическая зона Витебск. – Режим доступа: http://fez-vitebsk.by/upload/iblock/b23/FEZ%20Residents.pdf. – Дата доступа: 14.06.2023.
5. Крупица, Н. Между рабочим и директором здесь нет большой дистанции... / Н. Крупица // Віцьбічы = Витьбичи. – 2022. – 23 июня. – С. ІІ. – (Прил.: «Вечерний Витебск»).
6. Открытое акционерное общество «Витебскдрев»: 80 лет (1927–2007). – [Б. м.] : [Б. и.], 2007. – 15 с.
7. Петрова, Е. Их товары признаны лучшими / Е. Петрова // Витебские вести. – 2022. – 8 февр. – С. 5.
8. Словак, Е. В. Характеристика элементов стратегии маркетинга ОАО «Витебскдрев» / Е. В. Словак // Труды молодых специалистов Полоцкого государственного университета / редкол.: Д. Н. Лазовсккий [и др.]. – Новополоцк, 2010. – Вып. 38 : Экономические науки. Экономика и управление. – С. 120–124.
9. Ставка на новые свойства продукции // Віцьбічы = Витьбичи. – 2022. – 28 июля. – С. 3.
10. Юхновец, А. И. «Витебскдрев» / А. И. Юхновец // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 195.
СПАСЫЛКІ
