Цэнтральная бібліятэка, ДУК. Бешанковіцкі раён, г. п. Бешанковічы

Подробности

Створана 15.11.2018 08:40

Адноўлена 06.04.2020 12:40

Бешанковіцкая цэнтральная раённая бібліятэка заснавана ў верасні 1919 года ў г. п. Бешанковічы ў доме купца Рапапорта. Кніжны фонд бібліятэкі на той момант складаў 2652 экзэмпляраў. У 1975 годзе пры пераходзе да цэнтралізаванай бібліятэчнай сістэмы, у якую ўвайшлі 48 бібліятэк Бешанковіцкага раёна, бібліятэка атрымала статус раённай. З'яўляецца культурным інфармацыйным і метадычным цэнтрам. Накіроўвае і кантралюе дзейнасць 25 сельскіх бібліятэк раёна. Выпісвае штогод звыш 105 перыядычных выданняў, у тым ліку газет – 23, часопісаў – 82. Фонд бібліятэкі на 01.01.2019 года складае 52 896 экзэмпляраў.

Чытачам бібліятэка прадастаўляе прасторны абанемент, чытальную залу на 28 чытацкіх месцаў. Карыстальнікамі бібліятэкі з'яўляюцца 3802 чалавекі, з іх больш за 700 жыхароў аддаленых вёсак Бешанковіцкага раёна, якія абслугоўваюцца бібліёбусам. Распрацавана 17 маршрутаў дастаўкі, на абслугоўванне ўзята 57 населеных пунктаў.

З 2006 года ў бібліятэцы дзейнічае Публічны цэнтр прававой інфармацыі (ПЦПІ). Паслугамі цэнтра карыстаюцца 100 чалавек. У сярэднім у год выдаецца каля 400 дакументаў прававой тэматыкі. Выконваецца звыш 350 даведак. Да паслуг карыстальнікаў ПЦПІ маюцца 2 прававыя базы: «Эталон», «Збор законаў РБ».

Сёння разам з выкананнем традыцыйных функцый бібліятэка ажыццяўляе новыя віды дзейнасці, звязаныя з укараненнем сучасных тэхналогій. У аддзеле абслугоўвання функцыянуе 5 камп'ютараў, 3 прынтары, 2 сканеры, ксеракс, каляровы прынтар, перфабіндар. Абслугоўванне карыстальнікаў вядзецца ў аўтаматызаваным рэжыме.

Пры бібліятэцы працуюць клубы па інтарэсах: клуб аматараў агародніцтва і садоўніцтва «Парастак», краязнаўчы клуб «Прыдзвінне» і прафесійны клуб бібліятэкараў «Сустрэча».

Адрас: Віцебская вобласць, Бешанковіцкі раён, г. п. Бешанковічы, вул. Камуністычная, 12.

ЛІТАРАТУРА

1. Белавус, Н. У кожнага аўтара – свой чытач / Н. Белавус // Народнае слова. – 2012. – 12 студз. – С. 16.

2. Бешанковіцкая цэнтральная раённая бібліятэка // Культура Беларусі : энцыклапедыя : [у 6 т.] / рэдкал. : Т. У. Бялова [і інш.]. – Мінск : БелЭн імя П. Броўкі, 2010. – Т. 1 : А–Б. – С. 673.

3. Бешенковичская центральная районная библиотека // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 61.

4. Гордей, Е. «Росток» уже дает плоды / Е. Гордей // Белорусская нива. – 2008. – 7 июня. – С. 16.

5. Керемша, Е. А книги все-таки нужны! / Е. Керемша // Зара (Бешанковічы). – 2010. – 17 жн. – С. 4.