Цэнтральная раённая бібліятэка, ДУК. Глыбоцкі раён, г. Глыбокае.

Подробности

Створана 07.10.2019 08:40

Адноўлена 06.04.2020 12:36

Глыбоцкая цэнтральная раённая бібліятэка была заснавана ў лістападзе 1945 г. У 1956 г. яна аб'ядналася з гарадской бібліятэкай у раённую.

У канцы 1978 г. была створана Глыбоцкая цэнтралізаваная бібліятэчная сістэма, і раённая бібліятэка набыла сучасны статус.

З 2008 г. займае новы будынак, у якім знаходзіцца і дзіцячая бібліятэка.

Кніжны фонд установы культуры ўтрымлівае больш за 60 тыс. экз. друкаванай і электроннай прадукцыі (электронныя дыскі).

Бібліятэка штогод абслугоўвае каля 5 тыс. чалавек. З 2005 г. пры ёй дзейнічае Публічны цэнтр прававой інфармацыі і падлеткавы клуб «Сучаснік». Штогод праводзіцца Тыдзень прававых ведаў.

Пры ўстанове культуры працуе літаратурна-музычная гасціная «Сустрэчы для душы», у рамках якой арганізуюцца сустрэчы з цікавымі людзьмі – народнымі майстрамі, мясцовымі паэтамі і кампазітарамі, «вечары-партрэты», прэм'еры кніг. Для папулярызацыі беларускіх пісьменнікаў праводзяцца тыдні беларускага рамана, гадзіны паэзіі і гадзіны забытай кнігі, літаратурна-музычныя вечары, відэапрэзентацыі.

Прыярытэтнымі напрамкамі працы бібліятэкі з'яўляюцца краязнаўства, патрыятычнае выхаванне моладзі, а таксама маральна-этычнае, эстэтычнае, экалагічнае выхаванне, фарміраванне здаровага ладу жыцця, прафарыентацыя для школьнікаў горада.

У Глыбоцкай бібліятэцы створаны багаты матэрыял па гісторыі горада і раёна, пра вядомых людзей Глыбоччыны: П. Сухога, Я. Драздовіча, І. Буйніцкага, В. Ластоўскага, Н. Мінскага, Т. Даленга-Мастовіча. Рэалізуюцца праграмы па сямейным выхаванні «Дыялог» (сярод падлеткаў) і «Цяпло сямейнага ачага» (работа з сем'ямі горада і раёна).

Адрас: Віцебская вобласць, Глыбоцкі раён, г. Глыбокае, вуліца Энгельса, д. 41 а.

ЛІТАРАТУРА

1. Бельская, Н. «Гісторыя дрэваў» / Н. Бельская // Веснік Глыбоччыны. – 2018. – 16 мая. – С. 5.

2. Будучы актыўны чытач / падрыхт. А. Жыгуноў // Веснік Глыбоччыны. – 2019. – 9 студз. – С. 1, 4.

3. Глінская, А. Паразважаем пра вечнае / А. Глінская // Веснік Глыбоччыны. – 2017. – 12 крас. – С. 8.

4. Глубокская центральная районная библиотека // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 1. – С. 306.

5. Ізаітка, М. «Роля бібліятэкі ў духоўна-маральным выхаванні асобы» / М. Ізаітка // Веснік Глыбоччыны. – 2017. – 29 сак. – С. 8.

6. Сутула, Г. Літаратурныя знаёмствы / Г. Сутула // Веснік Глыбоччыны. – 2017. – 29 сак. – С. 8.

7. Сутула, Г. «Удзячны будзьце вы зямлі, што ўзгадавала» / Г. Сутула // Веснік Глыбоччыны. – 2018. – 29 снеж. – С. 10.

8. Сутула, Г. Успаміналі Віталя Гарановіча / Г. Сутула // Веснік Глыбоччыны. – 2017. – 29 сак. – С. 8.

9. Сутула, Г. «Чытаючы горад» запрашаў глыбачан / Г. Сутула // Веснік Глыбоччыны. – 2018. – 29 жн. – С. 5.

10. Хайноўская, А. Які сон у «Бібліяноч»? / А. Хайноўская // Веснік Глыбоччыны. – 2018. – 26 верас. – С. 4.