Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Дом рамёстваў, ДУК. Шумілінскі раён, г. п. Шуміліна

 

Сучасная назва Шумілінскі Дом рамёстваў
Тып дзяржаўная ўстанова культуры
Дата заснавання 1993
Месца знаходжання  Віцебская вобласць, Шумілінскі раён, г. п. Шуміліна 

 

Шумілінскі раённы Дом рамёстваў быў адкрыты ў 1993 годзе ў г. п. Шуміліна. Спачатку ён не меў уласнага памяшкання. Размяшчаўся ў будаўнічым вагончыку, дзе было ўсяго два кабінеты: у адным займаліся саломапляценнем і лозапляценнем У. П. Каласкоў і В. Ф. Малашонак, у другім – ткацтвам В. В. Загвоздава. Першым дырэктарам была Ганна Валянцінаўна Аленіч.

З часам Дому рамёстваў было аддадзена падвальнае памяшканне ў прыбудове да Дома Саветаў. Пачаў дзейнічаць гурток па вышыўцы. Былі набыты станкі для ткацкай справы.

Праз нейкі час Дом рамёстваў пераехаў у будынак па вуліцы Валадарскага, а ў 1999 годзе – у двухпавярховы будынак былой канторы прадпрыемства «Дабееўскі мох», дзе і знаходзіцца па сённяшні дзень. Агульная плошча – 143,7 м2. Дырэктарам стала Ірына Леанідаўна Каралёва.

Мае два філіялы – у в. Мішневічы (адкрыты ў 2010 годзе) і ў в. Мікіціха.

Асноўныя напрамкі дзейнасці – адраджэнне і развіццё ўнікальных рэгіянальных традыцый з прыцягненнем шырокага кола насельніцтва, асабліва моладзі.

Пры Доме рамёстваў працуюць 17 аматарскіх аб'яднанняў: узорны лялечны тэатр «Батлейка», народны клуб майстроў мастацкіх рамёстваў «Спадчына», народны клуб аматараў беларускай нацыянальнай кухні «Разынка» і іншыя.

Майстры Дома рамёстваў адраджаюць 14 відаў традыцыйных рамёстваў, сярод якіх: саломапляценне і аплікацыя саломкай, лозапляценне, ганчарства, вышыўка і лапікавая тэхніка, ткацтва, выраб народных строяў, выцінанка, вязанне, традыцыйны роспіс, маляванка, выраб аўтарскіх і тэатральных лялек, дэкаратыўная лепка.

На аснове даследчай дзейнасці майстрамі па вышыўцы зроблена рэканструкцыя касцюмаў Шуміліншчыны: 3 этнаграфічныя (мужчынскі, жаночы, пажылой жанчыны), дзіцячы і 2 жаночыя сцэнічныя; адноўлены касцюм старавераў (мужчынскі і жаночы). Усе строі дапоўнены паясамі, аксэсуарамі і галаўнымі ўборамі.

У 2018 годзе распрацавалі сімвалы сельскіх Саветаў і рэгіянальны касцюм Шумілінскага раёна. У гэтым жа годзе шумілінскія рэгіянальныя касцюмы трапілі на выставку-прэзентацыю Віцебскай вобласці ў культурным комплексе Пасольства Беларусі ў Расіі (Масква).

Майстры і калектывы – удзельнікі і дыпламанты розных мерапрыемстваў: Міжнародны фестываль мастацтваў «Славянскі базар у Віцебску», фестываль народнай музыкі «Звіняць цымбалы і гармонік» (Паставы, 2007–2008), Усебеларускі фестываль народнага мастацтва «Беларусь – мая песня», Рэспубліканскі фестываль «Дзвіна – Двина – Даўгава» (Верхнядзвінск, 2006), конкурс «пятрушачных тэатраў» (Мінск, 2006), абласное свята нацыянальных культур «Нас з'яднала зямля Беларусі», свята працаўнікоў вёскі «Дажынкі» і інш.

За высокія творчыя дасягненні ў галіне культуры і мастацтва Шумілінскі Дом рамёстваў быў прызнаны лепшым у вобласці па выніках работы за 2014 год.

Дырэктар установы – Сяргеева Анжэла Віктараўна.

Адрас: Віцебская вобласць, Шумілінскі раён, г. п. Шуміліна, вуліца 40 год Кастрычніка, 8.

E-mail: Этот адрес электронной почты защищен от спам-ботов. У вас должен быть включен JavaScript для просмотра.

 

 

Будынак Шумілінскага раённага Дома рамёстваў. Фота з сайта http://shumilino.vitebsk-region.gov.byНа здымку злева-направа: (стаяць) Вера Кавалёнак, Яўгенія Шарыпава, Ірына Загвоздава, Анжэла Сяргеева, Наталля Сцержанкова, Марына Дрыбко, Кацярына Барабанава; (сядзяць) Вольга Загвоздава і Таццяна Асадчая. Фота з архіва Дома рамёстваў. Фота з сайта http://www.shumilino.by

ЛІТАРАТУРА

1. Зайцава, Л. Незлічоныя народныя скарбы / Л.Зайцава // Герой працы (Шуміліна). – 2003. – 31 студз. – С. 2, 4.

2. Иванова, Т. Одержимые / Т. Иванова // Вiцебскi рабочы. – 2006. – 2 лістап. – С. 16.

3. Пятрова, А. Адраджэнне забытых рамёстваў / А. Пятрова // Віцьбічы = Витьбичи. – 2019. – 19 янв. – С. 5.

4. Пятрова, А. У гэтым маёнтку жыве Рамяство / А. Пятрова // Герой працы (Шумiлiна). – 2019. – 15 студз. – С. 3.

5. Пятрова, А. Шумілінскія касцюмы пакрасаваліся ў Маскве / А. Пятрова // Герой працы (Шумiлiна). – 2018. – 26 кастр. – С. 3.

6. Стаць акцёрам лялечнага тэатра і навучыцца плесці кошыкі // Герой працы (Шумiлiна). – 2019. – 6 верас. – С. 7.

7. Сяргеева, А. Нам заморскія цуды – не дзіва, мы сваімі прывыклі здзіўляць / А. Сяргеева ; гутарыла Н. Чарнічэнка // Герой працы (Шумiлiна). – 2009. – 16 чэрв. – С. 5.

8. Чарнічэнка, Н. Дом рамёстваў. Тут не сустрэнеш выпадковых людзей / Н. Чарнічэнка // Герой працы (Шумiлiна). – 2015. – 9 кастр. – С. 4.

9. Часовитина, Н. А на 24 нита слабо? / Н. Часовитина // Сельская газета. – 2018. – 28 июня. – С. 11.

10. Шумилинский районный дом ремёсел // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 2. – С. 619.

 

СПАСЫЛКІ

arrow ГУК «Шумилинский районный Дом ремесел». Шумилинский районный исполнительный комитет