Цэнтральная раённая бібліятэка, ДУК. Талачынскі раён, г. Талачын.

Подробности

Створана 06.02.2020 08:40

Адноўлена 06.04.2020 12:35

Бібліятэка была створана ў 1930 годзе Жалязноўскай Марыяй Іванаўнай пры аддзеле народнай асветы. Размяшчалася бібліятэка ў адным невялікім пакоі. Кніжны фонд налічваў 200–300 экзэмпляраў мастацкай літаратуры, падоранай чытачамі. Колькасць чытачоў – 67, кнігавыдача – 700–800 экзэмпляраў у год. Загадвала бібліятэкай Марыя Скрупская.

У 1941 годзе кніжны фонд бібліятэкі быў знішчаны нямецка-фашысцкімі захопнікамі.

У 1941–1946 гг. бібліятэка не працавала.

У 40-я гг. колькасць чытачоў была невялікая – 200–300 чалавек, у пачатку 50-х гадоў – 800 чалавек. Кнігавыдача складала 18000 экзэмпляраў. У названы перыяд часу бібліятэку ўзначальвалі: А. С. Дутчык, З. Я. Цярэня, С. Юхневіч.

У 1952 годзе з фонду абанемента раённай бібліятэкі быў выдзелены кніжны фонд для раённай дзіцячай бібліятэкі і чытальнай залы.

У наступныя гады адбывалася паступовае павелічэнне колькасці экзэмпляраў кніжнага фонду і колькасці чытачоў. Напрыклад, з 9663 экзэмпляраў і 920 чытачоў у 1952 годзе да 23579 экзэмпляраў і 2713 чытачоў у 1960 годзе. Было арганізавана 20 перасоўных бібліятэк на прадпрыемствах і ў аддаленых населеных пунктах раёна.

У маі 1965 года бібліятэцы было прысвоена званне «Бібліятэка выдатнай работы».

У 1966 годзе бібліятэка прыняла ўдзел ва Усесаюзнай выставе дасягненняў народнай гаспадаркі.

У 1967 годзе за актыўны ўдзел ва Усесаюзным аглядзе бібліятэк, прысвечаным 50-годдзю Савецкай улады, за поспехі ў арганізацыі бібліятэчнай справы і прапагандзе кнігі раённая бібліятэка ўзнагароджана дыпломам I ступені.

З 2007 года жыхароў маланаселеных і аддаленых вёсак абслугоўвае бібліёбус.

У 2010 годзе кніжны фонд склаў 35050 экзэмпляраў, колькасць наведвальнікаў – 3550 чалавек.

У 2015 годзе кніжны фонд налічваў каля 30600 экзэмпляраў, колькасць чытачоў – 3500.

У 2018 годзе фонд налічваў 25148 экзэмпляраў, колькасць чытачоў – 3150.

Асноўныя напрамкі дзейнасці: задавальненне інфармацыйных патрэб насельніцтва, далучэнне да культурных традыцый беларускага народа, выхаванне інтарэсу да краязнаўства, прапаганда здаровага ладу жыцця, патрыятычнае, духоўна-маральнае, эстэтычнае выхаванне моладзі.

Пры бібліятэцы дзейнічаюць клуб для жанчын «Тэрыторыя жанчын», Публічны цэнтр прававой інфармацыі.

Адрас: Віцебская вобласць, Талачынскі раён, г. Талачын, вуліца Дзяржынскага, 1.

ЛІТАРАТУРА

1. Королев, М. Она и сегодня нам нужна / М. Королев // Наша Талачыншчына. – 2005. – 14 верас. – С. 3.

2. Свирковская, Т. Н. Толочинская районная библиотека / Т. Н. Свирковская // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 514.

3. Свіркоўская, Т. М. Талачынская цэнтральная раённая бібліятэка / Т. М. Свіркоўская // Культура Беларусі : энцыклапедыя : [у 6 т.] / рэдкал.: У. У. Андрыевіч [і інш.]. – Мінск : БелЭн імя П. Броўкі, 2015. – Т. 6 : М–Я. – С. 396.

4. Середа, Е. Для вас, читатели! / Е. Середа // Наша Талачыншчына. – 2018. – 17 жн. – С. 5.

5. Труханёнок, И. За правовой информацией – в библиотеку / И. Труханёнок // Наша Талачыншчына. – 2013. – 23 лют. – С. 2.