Гародна, возера. Бешанковіцкі раён

Подробности

Створана 07.08.2017 08:40

Адноўлена 09.08.2017 08:35

Гародна – возера ў Бешанковіцкім раёне. Плошча 0,85 км², найбольшая глыбіня 6,5 м, даўжыня 2,04 км, найбольшая шырыня 0,69 км, даўжыня берагавой лініі 6,25 км, аб'ём вады 3,42 млн. м³, плошча вадазбору 3,3 км². Знаходзіцца ў басейне р. Астроўніца (выцякае з возера), за 26 км на паўночны ўсход ад г. п. Бешанковічы, каля в. Гародна. Схілы катлавіны вышынёй ад 12 м да 22 м, пад хмызняком, у верхняй частцы разараныя. Берагі на паўночным усходзе і паўднёвым захадзе нізкія. Ёсць 2 астравы агульнай плошчай 0,4 га. Мелкаводдзе вузкае (10–20 м), пясчанае, у цэнтры ілістае дно. Шырыня паласы надводнай расліннасці да 30 м.

ЛІТАРАТУРА

1. Гародна, возера // Блакітны скарб Беларусі : энцыклапедыя / рэдкал. Г. П. Пашкоў [і інш.] ; мастакі: Ю. А. Тарэеў, У. І. Цярэнцьеў. – Мінск : БелЭн, 2007. – С. 138.

2. Городно, озеро // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Климат и вода. – С. 136.

3. Непокойчицкий, Е. Хмурится и стонет чудесное озеро [Городно] / Е. Непокойчицкий // Віцьбічы = Витьбичи. – 2002. – 9 апр. – С. 4.