Пліса, возера. Глыбоцкі раён

Подробности

Створана 27.11.2017 09:16

Адноўлена 18.01.2018 15:58

Пліса – возера на мяжы Глыбоцкага і Пастаўскага раёнаў. Плошча 1,1 км². Найбольшая глыбіня 34 м. Даўжыня 1,41 км. Найбольшая шырыня 1,16 км. Даўжыня берагавой лініі 4,22 км. Аб’ём вады 10,22 млн.куб. м. Плошча вадазбору 8,04 км². Знаходзіцца ў басейне ракі Галбіца, за 18 км на паўночны захад ад г. Глыбокае, каля в. Луцк-Казлоўск. Схілы катлавіны вышынёй 1–5 м (на паўднёвым захадзе 12–13 м), пад хмызняком і валунамі. Берагі нізкія, месцамі завалуненыя, парослыя хмызняком, на паўночным захадзе абразійныя. Дно ўздоўж берагоў пясчана-жвіровае, глыбей – пясчанае (да глыбіні 7 м) і ілістае. Зарастае слаба. Уздоўж берагоў паласа надводнай расліннасці шырынёй да 5 м, месцамі адсутнічае. Выцякае р. Плісаўка.

ЛІТАРАТУРА

1. Пліса // Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 331–332.

2. Саулич, В. Сказка на озере Плисса [Глубокского р-на] / В. Саулич // Віцебскі рабочы. – 2008. – 24 мая. – С. 15.

3. Чумаков, Л. Малиновые закаты на Плиссе / Л. Чумаков // Родная прырода. – 2007. – № 7. – С. 22–23.