Укля, возера. Верхнядзвінскі раён

Подробности

Створана 18.10.2018 11:56

Адноўлена 15.11.2018 16:14

Возера Укля (Укла) – у басейне р. Вята, за 18 км на паўднёвы ўсход ад г. Браслаў, каля в. Укля. Плошча 9,83 км². Найбольшая глыбіня 25 м. Даўжыня 5,8 км. Найбольшая шырыня 2,8 км. Даўжыня берагавой лініі 19,9 км. Аб'ём вады 55,3 млн. м³. Плошча вадазбору 69,3 км².Уваходзіць у Абстэрнаўскую групу азёр. Схілы катлавіны на поўначы і поўдні вышынёй 10–12 м, на захадзе і ўсходзе нізкія, забалочаныя. Берагі нізкія, пясчаныя, на захадзе і ўсходзе забалочаныя, на паўднёвым усходзе ў заліве высокія, пад валунамі. Дно да глыбіні 3–3,5 м выслана пяском і апясчаненым ілам, ніжэй – сапрапелем. Зарастае да глыбіні 2–2,5 м.

Выцякае ручай у воз. Абстэрна, упадае ручай з воз. Інава і некалькі невялікіх ручаёў.

ЛІТАРАТУРА

1. Мельнікаў, А. К. Укля / А. К. Укля // Энцыклапедыя прыроды Беларусі : у 5 т. / рэдкал.: І. П. Шамякін [і інш.]. – Мінск : БелСЭ імя П. Броўкі, 1985. – Т. 5 : Страўраструм–Яшчур. – С. 160.

2. Укля// Блакітная кніга Беларусі (водныя аб’екты Беларусі) : энцыклапедыя / рэдкал.: Н. А. Дзісько [і інш.]. – Мінск : БелЭн імя П. Броўкі, 1994. – С. 373–374.

3. Укля// Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 425.

4. Укля// Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 533.

5. Укля //Республика Беларусь : энциклопедия : [в 7 т.]/ редкол. Г. П. Пашков [и др.]. – Минск : БелЭн імя П. Броўкі, 2008. – Т. 7 : Снегирь–Ящерицын. – С. 309.