Атолава, возера. Ушацкі раён

Подробности

Створана 18.10.2018 13:14

Адноўлена 28.05.2020 11:37

Возера Атолава знаходзіцца ў басейне р. Тураўлянка, у 16 км на ўсход ад г. п. Ушачы, паміж вёскамі Загор'е, Пілатаўшчына, Зарэчча; уваходзіць ва Ушацкую групу азёр.

Плошча 8,2 км². Найбольшая глыбіня 16,4 м. Даўжыня 9,4 км, максімальная шырыня 2,2 км. Плошча вадазбору 318 км^2. Аб'ём вады 27,9 млн. м³. Даўжыня берагавой лініі 38,8 км.

Катлавіна складанага тыпу, выцягнутая з захаду на ўсход, мае некалькі шырокіх плёсаў. Схілы пераважна высокія, нярэдка тэрасаваныя, на паўднёвым усходзе нізкія, забалочаныя. Берагі высокія, у паўночнай і паўночна-заходняй частках зліваюцца са схіламі, там жа і озавая града вышынёй да 35 м. Дно ўздоўж берага пясчанае (у паўночна-заходнім плёсе камяністае і пясчана-галечнікавае), глыбей выслана сапрапелем; ускладнена мелямі і западзінамі.

На возеры 7 астравоў агульнай плошчай 0,3 км.

Шырыня паласы прыбярэжнай расліннасці ў паўночна-заходнім і паўднёвым плёсах да 200 м. Водзяцца шчупак, уклея, гусцяра, лешч, карп, судак, язь, сазан, плотка, мянтуз, краснапёрка, карасі сярэбраны і залаты, ёрш, акунь, лінь і інш . Злучана пратокамі з азёрамі Ліпна і Чорная Урада; праз возера працякае р. Дзіва.

ЛІТАРАТУРА

1. Атолава // Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 51.

2. Отолово // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2009. – Т. 2 : Климат и вода. – С. 345–346.

3. Отолово // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 271.

4. Отолово // Туристская энциклопедия Беларуси / редкол.: Г. П. Пашков [и др.] ; под общ. ред. И. И. Пирожника ; сост.: Л. В. Ловчая. – Минск : БелЭн, 2007. – С. 424.

5. Отолово // Туристские регионы Беларуси / редкол.: Г. П. Пашков [и др.] ; под общ. ред. И. И. Пирожника ; сост.: Л. В. Ловчая, Т. И. Жуковская. – Минск : БелЭн імя П. Броўкі, 2008. – С. 172.

6. Ушачская группа // География озер Белоруссии / О. Ф. Якушко ; под ред. В. Г. Завриева. – Минск : Вышэйшая школа, 1967. – С. 126–136.