Вяркудскае, возера. Ушацкі раён

Подробности

Створана 18.10.2018 13:14

Адноўлена 11.05.2020 09:28

Вяркудскае (Вяркуда) – возера ва Ушацкім раёне Віцебскай вобласці, знаходзіцца ў басейне р. Тураўлянка, за 17 км на ўсход ад г. п. Ушачы, каля в. Вяркуды. Уваходзіць ва Ушацкую групу азёр.

Плошча 1,8 км². Найбольшая глыбіня 12 м. Даўжыня 2,2 км, максімальная шырыня 1,3 км, максімальная глыбіня 12 м. Аб'ём вады 10,86 млн. м³. Плошча вадазбору 9,1 км². Даўжыня берагавой лініі 9 км. Катлавіна са звілістай берагавой лініяй. Схілы вышынёй 25–30 м, пераважна пад лесам і хмызняком, на ўсходзе 5–7 м, разараныя. Берагі зліваюцца са схіламі, на поўдні нізкія, забалочаныя. Падводная частка катлавіны складаецца з 2 плёсаў. Плыткая зона пясчаная, глыбакаводная – глейкая. Адносна высокае становішча возера, прыток у яго мінералізаваных грунтавых вод, значная сярэдняя глыбіня пры невялікай плошчы перашкаджае зарастанню, глейкасці, спрыяе адкладу пясчана-глейкіх і гліністых ападкаў. Увесь год возера багата кіслародам. Паласа расліннасці шырынёй да 140 м да глыбіні 3 м.

Упадаюць тры ручаі, на паўночным захадзе злучана з воз. Павульскае.

ЛІТАРАТУРА

1. Веркудское // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 124–125.

2. Веркудское // Туристская энциклопедия Беларуси / редкол.: Г. П. Пашков [и др.] ; под общ. ред. И. И. Пирожника ; сост.: Л. В. Ловчая, Т. И. Жуковская. – Минск : БелЭн, 2007. – С. 84.

3. Веркудское // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2009. – Т. 2 : Климат и вода. – С. 76.

4. Вяркудскае возера // Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 130–131.

5. Ушачская группа // География озер Белоруссии / О. Ф. Якушко ; под ред. В. Г. Завриева. – Минск : Вышэйшая школа, 1967. – С. 126–136.