Доўжына, возера. Ушацкі раён

Подробности

Створана 18.10.2018 13:14

Адноўлена 11.05.2020 09:30

Доўжына – возера ва Ушацкім раёне Віцебскай вобласці. Знаходзіцца ў басейне р. Ушача, за 6 км на поўдзень ад г. п. Ушачы. Плошча 0,65 км². Найбольшая глыбіня 17,9 м. Даўжыня 2,01 км, максімальная шырыня 0,5 км. Аб'ём вады 4,59 млн. м³. Плошча вадазбору 14,3 км². Даўжыня берагавой лініі 5,23 км, утварае некалькі заліваў і паўастравоў. Катлавіна лагчыннага тыпу, падоўжанай формы, выцягнутая з поўначы на поўдзень. Схілы катлавіны пагорыстыя, пакрытыя хваёвым лесам, вышынёй 20–26 м (на паўднёвым захадзе 7–15 м), стромкія, параслі хваёвым лесам. Берагі пад хмызняком, месцамі забалочаныя. Дно ўскладнена западзінамі і мелямі, да глыбіні 4–7 м выслана пясчанымі адкладамі, а глыбей сапрапелем і ілам. Шырыня паласы надводнай расліннасці да 25 м, падводная пашырана да глыбіні 5 м. На поўдні ў возера ўпадае ручай з воз. Баркаўшчына, на поўначы выцякае ручай у воз. Вячэлле.

Уваходзіць у курортную зону рэспубліканскага значэння. Недалёка знаходзіцца санаторый «Лясныя азёры».

ЛІТАРАТУРА

1. Должино // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2009. – Т. 2 : Климат и вода. – С. 160.

2. Доўжына // Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 171–172.

3. Ушачская группа // География озер Белоруссии / О. Ф. Якушко ; под ред. В. Г. Завриева. – Минск : Вышэйшая школа, 1967. – С. 126–136.