Чарсцвяцкае, возера. Ушацкі раён

Подробности

Створана 18.10.2018 13:14

Адноўлена 28.05.2020 11:38

Чарсцвяцкае (Чарсцвяты) – возера ва Ушацкім раёне Віцебскай вобласці, знаходзіцца ў басейне р. Дзіва, за 15 км на ўсход ад г. п. Ушачы, паміж вёскамі Слабада, Корсакава, Карачына. Уваходзіць ва Ушацкую групу азёр.

Плошча 9,35 км². Найбольшая глыбіня 4,3 м. Даўжыня 6,85 км. Аб'ём вады 20,7 млн. м³. Даўжыня берагавой лініі 19,2 км. Плошча вадазбору 125 км². Катлавіна тэрмакарставага тыпу, выцягнутая з паўночнага захаду на паўднёвы ўсход. Схілы катлавіны вышынёй 5–10 м, на поўдні і захадзе 10–18 м стромкія, на захадзе і паўднёвым захадзе тэрасаваныя. Першая надабалонная тэраса шырынёй да 50 м, вышыня над зрэзам вады 1–1,5 м, другая – шырынёй да 100 м, вышынёй да 10 м. Берагі нізкія, паступова пераходзяць у вузкую забалочаную пойму. Дно да глыбіні 0,5–1 м, пясчанае, глыбей выслана сапрапелем. Ёсць 8 астравоў плошчай 0,8 км². Шырыня паласы надводнай расліннасці да 200 м. Водзяцца шчупак, уклея, акунь, гусцяра, карп, плотка, язь, карасі сярэбраны і залаты, краснапёрка, ёрш, лінь, мянтуз, лешч. На поўдні ўпадае р. Выдрыца, на захадзе – 3 ручаі, на поўначы выцякае ручай у воз. Павульскае.

ЛІТАРАТУРА

1. Рудаковский, И. Живая летопись Земли / И. Рудаковский // Родная прырода. – 2013. – № 6. – С. 26–43.

2. Ушачская группа // География озер Белоруссии / О. Ф. Якушко ; под ред. В. Г. Завриева. – Минск : Вышэйшая школа, 1967. – С. 126–136.

3. Чарсцвяцкае возера // Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 454.

4. Черствятское // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2009. – Т. 2 : Климат и вода. – С. 482.

5. Черствятское // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 591.