Лучай, возера. Пастаўскі раён

Подробности

Створана 08.11.2018 09:19

Адноўлена 01.09.2020 16:24

Лучай (Лучайскае) – у басейне Мядзелкі, каля в. Лучай. Плошча 2,51 км². Даўжыня 3,9 км, максімальная шырыня 1,45 км, максімальная глыбіня 3,2 м, сярэдняя 1,8 м. Вадазбор 19,1 км². Схілы вышынёй да 7–18 м. Маецца 6 астравоў плошчай 9 га. Схілы катлавіны вышынёй да 13 м, разараныя або пад лугам, на поўдні і паўднёвым захадзе нізкія, забалочаныя, парослыя лесам, на поўначы, захадзе і паўночным захадзе невысокія ўчасткі (3–5 м) чаргуюцца з забалочанымі нізінамі. У паўночна-заходняй і паўднёвай частцы возера вялікія залівы. Берагі нізкія, пераважна забалочаныя, на поўначы і поўдні месцамі тарфяністыя, участкамі сплавінныя. Вакол возера забалочаная пойма шырынёй да 70 м, пад хмызняком. Дно плоскае, 6 астравоў агульнай плошчай 0,09 км². Ложа выслана сапрапелем, уздоўж берагоў нешырокая перарывістая паласа пясчаных адкладаў. Моцна зарастае, шырыня паласы прыбярэжнай расліннасці 30–200 м, пашырана да глыбіні 1,1 м; паўночна-заходні заліў зарос цалкам. На ўсходзе ўпадае ручай з Лісіцкага возера, на захадзе выцякае р. Лучайка.

ЛІТАРАТУРА

1. Лучай // Адкуль паходзяць назвы рэк і азёр Пастаўскага раёна / І. Пракаповіч. – Наваполацк, 2000. – С. 27–28.

2. Лучай // Блакітны скарб Беларусі : энцыклапедыя / рэдкал. : Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 262.

3. Лучай // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Климат и вода. – С. 262.

4. Лучай // Туристская энциклопедия Беларуси / редкол.: Г. П. Пашков [и др.] ; под общ. ред. И. И. Пирожника ; сост.: Л. В. Ловчая, Т. И. Жуковская. – Минск : БелЭн, 2007. – С. 304.

5. Лучай // Энцыклапедыя прыроды Беларусі : ў 5 т. / рэдкал.: І. П. Шамякін [і інш.]. – Мінск : БелСЭ імя П. Броўкі, 1984. – Т. 3. : Катэнарыя–Недайка. – С. 223–224.