Гомель, возера. Полацкі раён

Подробности

Створана 06.06.2019 08:40

Адноўлена 01.09.2020 16:17

Гомель – возера ў Полацкім раёне. Плошча 3,46 км², найбольшая глыбіня 23 м, даўжыня 3,4 км, найбольшая шырыня 1,2 км, даўжыня берагавой лініі 11,7 км, плошча вадазбору 744 км^2. Уваходзіць ва Ушацкую групу азёр. Размешчана ў басейне р. Тураўлянка, за 18 км на поўдзень ад г. Полацк, каля в. Гомель. Складаецца з двух вялікіх плёсаў, злучаных паміж сабой вузкім і неглыбокім пралівам. Схілы катлавіны вышынёй 4–8 м, на паўднёвым захадзе да 18 м, пераважна разараныя, у ніжняй частцы параслі хмызняком. Берагі пясчаныя, участкамі галечныя і камяністыя. Дно паўночнага плёса плоскае, паўднёвага больш глыбокае, лейкападобнае са стромкімі схіламі. Мелкаводдзе пясчанае і пясчана-галечнае. У паўднёвым заліве востраў плошчай 0,1 га. Упадае ручай з возера Канашы, злучана пратокай з возерам Зашчаты, на якой пабудавана плаціна. Сцёк па пратоцы ў возера Суя. Шырыня паласы зарастання да 100 м. Возера зарыблялася вугром, служыць месцам адпачынку.

ЛІТАРАТУРА

1. Гомель // Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 148–149.

2. Гомель // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2009. – Т. 2 : Климат и вода. – С. 132–133.

3. Ляшук, С. «Гомельский родник» / С. Ляшук // Витебские вести. – 2014. – 23 авг. – С. 9.

4. Факеев, В. С детьми... В рюкзаках / В. Факеев // Новая газета (Наваполацк). – 2015. – 1 сент. – С. 4.

.