Суя, возера. Полацкі раён

Подробности

Створана 06.06.2019 08:40

Адноўлена 01.09.2020 16:17

Суя – возера ў Полацкім раёне. Плошча 1,54 км², найбольшая глыбіня 3,6 м, даўжыня 2,75 км, найбольшая шырыня 0,82 км, даўжыня берагавой лініі 8,1 км, плошча вадазбору 787,3 км². Размешчана ў басейне р. Тураўлянка, за 18 км на поўдзень ад г. Полацк, каля в. Плусы, на тэрыторыі зоны адпачынку Азёрная. Схілы катлавіны вышынёй 5–8 м, параслі лесам, на поўначы разараныя. Ёсць некалькі заліваў і паўастравоў. Берагі нізкія, на захадзе забалочаныя, на поўначы месцамі сплавінныя. Пойма шырынёй 10–20 м, забалочаная, пад хмызняком. Дно выслана сапрапелем, у прыбярэжнай зоне пясчанае. Уздоўж берагоў паласа надводнай расліннасці шырынёй 8–50 м, пашырана да глыбіні 0,7 м. Злучана пратокамі з азёрамі Гомель і Туроўля.

ЛІТАРАТУРА

1. Смірноў, С. А. Суя / С. А. Смірноў // Энцыклапедыя прыроды Беларусі : у 5 т. / рэдкал.: І. П. Шамякін [і інш.]. – Мінск : БелСЭ імя Петруся Броўкі, 1985. – Т. 5 : Стаўраструм–Яшчур. – С. 46–47.

2. Суя // Блакітны скарб Беларусі : энцыклапедыя / рэдкал.: Г. П. Пашкоў [і інш.] ; маст.: Ю. А. Тарэеў, У. І. Цярэнцьеў. – Мінск : БелЭн, 2007. – С. 405.

3. Суя // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2009. – Т. 2 : Климат и вода. – С. 441.