Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Езярышчанскі заказнік арніталагічны. Гарадоцкі раён

Возера Езярышча ляжыць на шляхах міграцыі вадаплаўных птушак: гусей, качак, лебедзяў, кулікоў. На працягу многіх гадоў каля цікавага ў многіх адносінах вадаёма вядуць даследванні навукоўцы з БДУ, ВДУ, НДІ рыбнай гаспадаркі. У 1979 г. выканаўчы камітэт Віцебскай вобласці абвясціў возера Езярышча, прыбярэжную паласу шырынёй у 100 метраў у межах Віцебскай вобласці, прылеглыя да возера балота, вусце ракі Дуброўка і выток ракі Обаль арніталагічным заказнікам з мэтай захавання месцаў пражывання і гнездавання рэдкіх птушак паўночнай частцы Беларусі. Арнітолагі падлічылі, што на выспах, прыбярэжнай паласе і прылеглых да берага балотах гняздуецца больш за 60 відаў птушак, агульная колькасць якіх дасягае 3000 і больш пар. Розныя віды чаек, дзікіх качак, кулікоў, вераб'іных гняздуюцца тут, ствараючы цікавыя і рэдкія паселішчы.

На самым буйным востраве Гарадзішча (на якім размешчана замчышча) гняздуюцца вялікія вераценнікі, кнігаўкі, бакасы, крыжанкі, азёрныя і малыя чайкі, вялікія паганкі і іншыя. Берагі возера служаць не толькі месцам гнездавання птушак. Штогод, падчас вясновага і восеньскага пералётаў, тут адпачываюць і кормяцца падчас доўгай дарогі тысячы птушак. Сюды ж збіраюцца яны на ліньку. У складзе арнітафаўны заказніка адзначаны віды, занесеныя ў Чырвоную кнігу Рэспублікі Беларусь. Напрыклад, тут ёсць адна з нешматлікіх у Беларусі калоній малой і шызай чаек, калонія вялікіх вераценнікаў. Гняздуецца зімародак, вялікі бугай і іншыя рэдкія птушкі.

На тэрыторыі заказніка забаронена паляванне на ўсе віды жывёл і птушак, прамысловая і аматарская лоўля рыбы ў дваццаціметровай зоне вакол выспаў і наведванне іх з 1-га красавіка па 1-га жніўня, высечка дрэў і кустоў, збор яек і знішчэнне муроў птушак, выпас жывёл і касьба на востраве Гарадзішча да 15 ліпеня.

 

ЛІТАРАТУРА

1. Дарафееў, А. Возера Езярышча – арніталагічны заказнік / А. Дарафееў // Прамень камунізму (Гарадок). – 1980. – 27 мая.– С. 3.

2. Езерище // Природа Беларуси : энциклопедия : в 3 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Климат и вода. – С. 171.

3. Езярышчанскі арніталагічны заказнік // Ахоўныя прыродныя тэрыторыі і помнікі прыроды Беларусі / рэд.-склад. В. К. Мазоўка, Н. М. Сямашка. – Мінск : БелСавЭн імя П. Броўкі, 1985. – С. 56.

4. Захаров, А. Птичий рай озерного края / А. Захаров // Гарадоцкi веснiк. – 2008. – 12 лют. – С. 4.