Калектыў заслужаны аматарскі Рэспублікі Беларусь узорны харэаграфічны ансамбль «Зорка». Віцебск, г.

Подробности

Створана 04.04.2023 09:45

Адноўлена 04.04.2023 10:59

Харэаграфічны ансамбль «Зорка» створаны ў 1962 годзе ў Віцебску пры Доме культуры ўпраўлення бытавога абслугоўвання насельніцтва, з 2007 года дзейнічае пры Цэнтры культуры «Віцебск». У 1984 годзе прысвоена званне «ўзорны», у 2006 годзе – «заслужаны аматарскі калектыў».

Асноўныя мэты дзейнасці – прапаганда і папулярызацыя беларускага народнага танца, захаванне мастацкіх традыцый калектыву.

У рэпертуары танцы беларускія народныя («Маталіха», «Прыдзвінская з капялюшамі», «Юр'я»), рускія («Барыня»), матроскія («Яблычак»), харэаграфічная кампазіцыя «Беларусь прывітальная», вакальна-харэаграфічныя кампазіцыі («Сяльцо», «Гармонік мой!», «Я вучуся танцаваць», «Гулівер і ліліпуты»), харэаграфічная балада «Лазенька» і іншыя.

У складзе ансамбля дзеці ва ўзросце ад 6 да 18 гадоў.

Калектыў – удзельнік Міжнароднага фестывалю народнага мастацтва (Польшча, 1984), Міжнароднага дзіцячага фестывалю юных талентаў «Артэк запальвае зорку» (Украіна, 1988), фестывалю-конкурсу народнага танца «Зялёны свет» (Украіна, 1996), Міжнароднага фестывалю дзіцячага харэаграфічнага мастацтва «Карагод дружбы» (Расія, 1999), Міжнароднага фестывалю «Europagarten» (Германія, 2003), Усебеларускага фестывалю народнага мастацтва «Беларусь – мая песня», фестывалю Саюзнай дзяржавы «Творчасць юных» (Расія), Міжнароднага фестывалю мастацтваў «Славянскі базар у Віцебску», Міжнароднага фестывалю «Моладзь – за Саюзную дзяржаву» (Расія), Міжнароднага фестывалю юных талентаў «Зямля пад белымі крыламі» (Мазыр), Міжнароднага фестывалю «Містэрыя Dance» (Грэцыя, 2014), абласнога агляду-конкурсу харэаграфічных калектываў «Прыдзвінскія карункі» і іншых.

Пры калектыве дзейнічаюць дзве падрыхтоўчыя групы: самадзейны харэаграфічны калектыў «Сонейка» і самадзейны харэаграфічны калектыў «Калібры».

Кіраўнікі калектыву – Іван Серыкаў (з 1962), Наталля Чарнюк (з 1981).

ЛІТАРАТУРА

1. Будкевич, М. Эта блистательная «Зорька» / М. Будкевич // Віцьбічы = Витьбичи. – 2016. – 23 янв. – С. 9.

2. Дединкина, С. «Зорька» – не только танец... / С. Дединкина // Народная газета. – 2009. – 25 крас. – С. IV.

3. Дружкова, К. Здесь учат душу трудиться / К. Дружкова // Віцебскі рабочы. – 2003. – 12 лют. – С. 2.

4. Жилинская, Е. Гран-при из Италии / Е. Жилинская // Народнае слова. – 2010. – 9 кастр. – С. 8.

5. Заслужаны аматарскі калектыў Рэспублікі Беларусь узорны харэаграфічны ансамбль «Зорка» дзяржаўнай установы «Цэнтр культуры "Віцебск"» // Заслужаныя аматарскія калектывы Рэспублікі Беларусь / склад., аўт. тэксту: І. І. Галабурда, А. І. Кавалёў. – Мінск : БелЭн імя П. Броўкі, 2017. – С. 28–29.

6. Заслужаны аматарскі калектыў Рэспублікі Беларусь узорны харэаграфічны ансамбль «Зорка» // Прыдзвінскія карункі: (народная танцавальная спадчына Віцебшчыны) / Н. В. Уліновіч [і інш.] ; рэдкал.: Ю. В. Кузьмянкова [і інш.] ; рэд. муз. твораў: Д. В. Лабука, А. П. Слінькова. – Мінск : БудМедыяПраект, 2020. – С. 186–188.

7. Казакевіч, З. Узорная «Зорка» можа стаць заслужанай / З. Казакевіч // Витебский проспект. – 2006. – 6 апр. – С. 2.

8. Крупица, Н. «Зорька» – фаворит сцены / Н. Крупица // Віцьбічы = Витьбичи. – 2010. – 24 июня. – С. 24.

9. Пастернак, Т. «Зорька» стала настоящей школой жизни / Т. Пастернак // Народная газета. – 2006. – 20 крас. – С. 2.

10. Премия Президента – хореографическому ансамблю «Зорька» // Витебский проспект. – 2012. – 12 янв. – С. 22.

11. Симонович, Д. На сцене – солнечная «Зорька»! / Д. Симонович // Віцьбічы = Витьбичи. – 2017. – 9 нояб. – С. 1.

12. Чернюк, Н. «Зорька» – моя дорогая семья... / Н. Чернюк ; беседовала Н. Крупица // Віцьбічы = Витьбичи. – 2006. – 20 апр. – С. 8.

13. Шевекова-Богорад, И. В. Витебский заслуженный любительский хореографический ансамбль «Зорька» / И. В. Шевекова-Богорад // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 212–213.

14. Шэвякова-Багарад, І. В. Віцебскі заслужаны аматарскі харэаграфічны ансамбль «Зорка» / І. В. Шэвякова-Багарад // Культура Беларусі : энцыклапедыя : [у 6 т.] / рэдкал.: Т. У. Бялова [і інш.]. – Мінск : БелЭн імя П. Броўкі, 2011. – Т. 2 : Б–Г. – С. 338.

СПАСЫЛКІ

Заслуженный любительский коллектив Республики Беларусь образцовый хореографический ансамбль «Зорька»