Студыя ўзорная эстраднай песні «Форум». Віцебск, г.
- Подробности
- Створана 04.04.2023 13:08
- Адноўлена 04.04.2023 13:08
Студыя эстраднай песні «Форум» створана ў 1999 годзе ў Віцебску пры гарадскім Цэнтры культуры (з 2007 года – Цэнтр культуры «Віцебск»). У 2002 годзе прысвоена званне «ўзорны аматарскі калектыў».
Асноўныя мэты дзейнасці – выхаванне музычнага густу ўдзельнікаў, развіццё ў іх вакальных дадзеных, акцёрскага майстэрства і навыкаў сцэнічнага руху.
У рэпертуары песні беларускіх, рускіх і замежных кампазітараў, эстрадныя песні ў сольным, дуэтным і харавым выкананні.
Калектыў – лаўрэат і дыпламант Рэспубліканскага фестывалю маладых выканаўцаў эстраднай песні «Песні юнацтва нашых бацькоў» (Віцебск, 2000), Усебеларускага тэлевізійнага фестывалю юных талентаў «Усе мы родам з дзяцінства» (Мінск, 2000), Міжнароднага маладзёжнага фестывалю мастацтваў «Сяргееўскія зарніцы» (Украіна, 2002), Беларускага нацыянальнага тэлеконкурсу юных талантаў «Сузор'е надзей» (Мінск, 2004), Усебеларускага фестывалю народнага мастацтва «Беларусь – мая песня» (Віцебск, 2005), Міжнароднага фестывалю дзіцячай творчасці «Залатая пчолка» (Клімавічы, 2006), Міжнароднага конкурсу маладых выканаўцаў эстраднай песні «Калядныя сустрэчы» (Талін, 2003, 2005, 2007), Міжнароднага фестывалю «Моладзь – за Саюзную дзяржаву» (Расія, 2008), Міжнароднага фестывалю «Talent show» (Латвія, 2014); удзельнік Міжнароднага фестывалю мастацтваў «Славянскі базар у Віцебску», фестывалю-кірмашу працаўнікоў вёскі «Дажынкі», Рэспубліканскага конкурсу маладых талентаў «Зорка ўзышла над Беларуссю» і іншых.
Пры студыі дзейнічае падрыхтоўчая група на платнай аснове для самых маленькіх пад назвай «Домісоль», кіраўніком якой з'яўляецца Дарына Гужава. Для іх праводзяцца заняткі па вакале, сцэнічнай мове і харэаграфіі.
Кіраўнік калектыву – Таццяна Кірылава.
 
|
ЛІТАРАТУРА
1. Декан, М. «20 лет как по нотам!» / М. Декан // Витебские вести. – 2019. – 20 апр. – С. 16.
2. Пастернак, Т. Из круиза с наградами / Т. Пастернак // Витебские вести. – 2014. – 13 мая. – С. 8.
3. Трубачева, А. Залы на концертах не пустуют / А. Трубачева // Народнае слова. – 2005. – 12 крас. – С. 6.
4. Трубачева, А. Музыка их связала... / А. Трубачева // Вiцебскі рабочы. – 2005. – 7 крас. – С. 16.
5. Шэвякова-Багарад, І. В. Віцебская ўзорная студыя эстраднай песні «Форум» / І. В. Шэвякова-Багарад // Культура Беларусі : энцыклапедыя : [у 6 т.] / рэдкал.: Т. У. Бялова [і інш.]. – Мінск : БелЭн імя П. Броўкі, 2011. – Т. 2 : Б–Г. – С. 331.
СПАСЫЛКІ
