Сасновы бор, аздараўленчы комплекс. Чашніцкі раён

Подробности

Створана 10.07.2017 12:23

Адноўлена 26.11.2019 15:39

Здраўніца размешчана ў 15 км ад г. Новалукомль, на беразе Лукомскага возера. Векавы сасновы бор акружае комплекс, абвяваючы прыемным іглічным водарам.

Плошча тэрыторыі 10 га. Тэрыторыя абгароджана плотам, ахоўваецца.

Комплекс дзейнічае з 1978 года. У 2009 годзе была праведзена рэканструкцыя аздараўленчага комплексу. Па выніках атэстацыі комплексу была прысвоена першая (аздараўленчая) катэгорыя. Нумарны фонд комплексу ўключае 65 ложка-месцаў, у персанала ёсць магчымасць надаваць належную ўвагу кожнаму госцю.

Да паслуг адпачывальнікаў саўна з басейнам, цырульня, касметычны кабінет, бар, бібліятэка, пракат спартыўнага інвентара.

Галоўны набытак аздараўленчага комплексу – гэта сучасная лячэбна-дыягнастычная база, якая складаецца з прафесійнага медперсаналу і якаснага медыцынскага абсталявання. Здраўніца спецыялізуецца на агульнатэрапеўтычным лячэнні сардэчна-сасудзістых, апорна-рухальных, гастраэнтэралагічных, рэспіраторных, дэрматалагічных і неўралагічных захворванняў.

Па выніках апошняй атэстацыі аздараўленчаму комплексу «Сасновы бор» прысвоены статус санаторна-курортнай установы першай (вышэйшай) катэгорыі.

На тэрыторыі аздараўленчага комплексу ёсць дзве свідравіны з мінеральнай вадой – адна для пітва, другая – з расолам для ваннаў. Мінеральная вада сульфатна-хларыдна-кальцыева-натрыевая валодае стабілізуючым уздзеяннем на стрававальную сістэму, зніжае цукар у крыві, нармалізуе абмен рэчываў. Пералік санаторна-курортных методык лячэння, якія практыкуюцца ў аздараўленчым комплексе, даволі шырокі і ўвесь час папаўняецца.

Варта вылучыць такія вядомыя працэдуры як: гідратэрапія (лячэбныя ванны ўсіх відаў, душы, гідрамасаж); гальванагразелячэнне; інгаляцыі; рефлексатэрапія; магнітатэрапія; святлолячэнне; лазерная тэрапія; электралячэнне; ігларэфлексатэрапія; крыятэрапія; УВЧ-, КВЧ-тэрапія; масаж ўсіх відаў; працэдурныя арашэнні і г. д. Вядуць кансультацыі ўрачы вышэйшай катэгорыі – тэрапеўт, фізіятэрапеўт і інш.

Госці комплексу могуць прыняць расслабляльныя спа-працэдуры – саўна, рэабілітацыйная спа-капсула, водарасцевыя і гразевыя абгортванні і г. д. У сталовай штодня здзіўляюць новымі кулінарнымі вынаходствамі. Дзейнічае пяціразавая сістэма харчавання, прадугледжана дыетычнае меню.

ЛІТАРАТУРА

1. Курорты и здравницы Беларуси : [справочник] / Ю. М. Досин [и др.] ; под ред.: Ю. М. Досина, И. И. Пирожника ; фот.: И. И. Бышнёв [и др.]. – Минск : БелЭн iмя П. Броўкi, 2008. – 344 с.

2. Лишь бы на пользу! / подгот. О. Масловская // Віцебскі рабочы. – 2012. – 31 мая. – С. 10, 15.

3. Масловская, О. За здоровьем в «Сосновый бор» и «Юность» / О. Масловская // Витебские вести. – 2015. – 9 июня. – С. 4.

4. Оздоровительный комплекс «Сосновый бор» Лукомской ГРЭС РУП «Витебскэнерго» // Оздоровительный туризм Витебщины / текст Н. Крупица. – Витебск : Типография Макарова и К, 2008. – С. 12.

5. Оздоровительный туризм Витебщины : [буклет] / отв. за вып. Д. В. Мацкевич. – Витебск : Витебская областная типография, 2015. – 17 с.

6. Телятко, Е. За здоровьем – в «Сосновый бор» / Е. Телятко // Витебские вести. – 2017. – 7 сент. – С. 20.

7. Торбина, И. Вместо Египта – «Сосновый бор» / И. Торбина // Белорусская нива. – 2009. – 18 февр. – С. 3.

8. Торбина, И. Лето в «Сосновом бору» / И. Торбина // Чырвоны прамень (Чашнікі). – 2013. – 8 чэрв. – С. 4.

9. Торбина, И. Местная здравница пользуется популярностью / И. Торбина // Чырвоны прамень (Чашнікі). – 2009. – 18 ліп. – С. 5.

10. Торбина, И. «Сосновый бор» дарит бодрость и силу / И. Торбина // Чырвоны прамень (Чашнiкi). – 2006. – 11 мая. – С. 2.

11. Ширко, Н. Добро пожаловать в «Сосновый Бор» / Н. Ширко // Чырвоны прамень (Чашнікі). – 2018. – 2 чэрв. – С. 4–5.