Віцебскі абласны клінічны цэнтр медыцынскай рэабілітацыі для інвалідаў і ветэранаў баявых дзеянняў на тэрыторыі іншых дзяржаў, ДУАЗ. г. Віцебск
- Подробности
- Створана 30.11.2020 08:40
- Адноўлена 30.11.2020 16:20
Афіцыйная назва | Віцебскі абласны клінічны цэнтр медыцынскай рэабілітацыі для інвалідаў і ветэранаў баявых дзеянняў на тэрыторыі іншых дзяржаў
|
Тып | дзяржаўная ўстанова аховы здароўя |
Дата заснавання | 1994 |
Месца знаходжання | Віцебская вобласць, г. Віцебск |
Афіцыйны сайт | http://vokcmri.by/ |
У 1994 годзе ў г. Віцебску была адкрыта дзяржаўная ўстанова «Рэспубліканскі цэнтр медыцынскай рэабілітацыі воінаў-інтэрнацыяналістаў». У 2010 годзе ўстанова была перайменавана ў ДУ «Рэспубліканскі цэнтр медыцынскай рэабілітацыі ветэранаў і інвалідаў баявых дзеянняў на тэрыторыі іншых дзяржаў», у 2013 годзе – у ДУАЗ «Віцебскі абласны клінічны цэнтр медыцынскай рэабілітацыі для інвалідаў», а з 2015 года мае сучасную назву. У народзе ён мае назву – «Афганскі цэнтр».
У структуру ўстановы ўваходзяць аддзяленні: медыцынскай рэабілітацыі № 1 (тэрапеўтычны профіль) і № 2 (неўралагічны профіль) на 100 ложкаў, функцыянальнай дыягностыкі, фізіятэрапеўтычнае, кабінеты рэфлексатэрапіі, псіхатэрапіі і лячэбнай фізкультуры, клініка-дыягнастычная лабараторыя.
Цэнтр аснашчаны сучасным медыцынскім абсталяваннем. Арганізаваны электра- і водалячэнне (гідрамасажныя і сухія вуглякіслыя ванны, падводны душ-масаж). Закуплены эфектыўныя трэнажоры. У 2017 годзе адкрыты цэнтр традыцыйнай кітайскай медыцыны.
Цэнтр аказвае платныя паслугі, у тым ліку для грамадзян з блізкага і далёкага замежжа (Расія, Украіна, Літва, Ізраіль, Іспанія, Германія, ЗША і інш).
За год установа абслугоўвае больш за 2,5 тыс. пацыентаў з усёй Беларусі. Курс лячэння разлічаны на 2 тыдні. Умовы знаходжання: двухмесныя нумары з санвузлом і тэлевізарам. Адзін нумар прызначаны для рэабілітацыі інвалідаў-калясачнікаў.
За арганізацыю рэабілітацыйнага і лячэбна-дыягнастычнага працэсу ў аднаўленні здароўя воінаў-інтэрнацыяналістаў Беларусі калектыў быў адзначаны граматай Камітэта воінаў-інтэрнацыяналістаў СНД, дыпломамі Міжнароднага конкурсу «За лепшыя практычныя вынікі цэнтраў рэабілітацыі ветэранаў вайны і ўдзельнікаў лакальных канфліктаў, членаў іх сем'яў і сем'яў загінуўшых» (г. Самара, 2003) і Міжнароднага конкурсу на лепшую ўстанову па прафілактыцы захворванняў, умацаванні здароўя і рэабілітацыі ўдзельнікаў лакальных канфліктаў у намінацыі «За медыка-сацыяльную і псіхалагічную рэабілітацыю сям'і» (г. Масква, 2006). Двойчы быў занесены на Дошку Гонару Кастрычніцкага раёна г. Віцебска.
У 2019 годзе цэнтр уключылі ў рэспубліканскую інвестыцыйную праграму, што дазволіць дабудаваць запланаваныя блокі. У новых памяшканнях плануецца адкрыць шматпрофільнае аддзяленне на 60 ложкаў, дзе будуць праходзіць рэабілітацыю, акрамя ветэранаў баявых дзеянняў, жыхары Віцебшчыны. Дадаткова плануецца адкрыць кабінеты дэфектолага і лагапеда.
Узначальвае Віцебскі абласны клінічны цэнтр медыцынскай рэабілітацыі для інвалідаў і ветэранаў баявых дзеянняў на тэрыторыі іншых дзяржаў Выдатнік аховы здароўя Рэспублікі Беларусь, галоўны ўрач Мішчук Ігар Фёдаравіч.
Адрас: Віцебская вобласць, г. Віцебск, праспект Фрунзэ, 104.
E-mail: Этот адрес электронной почты защищен от спам-ботов. У вас должен быть включен JavaScript для просмотра. .
ЛІТАРАТУРА
1. Ляшук, С. Служат тем, кто служил / С. Ляшук // Витебские вести. – 2014. – 3 мая. – С. 2.
2. Матеюн, А. Изменилось название, а суть – нет / А. Матеюн // Народнае слова. – 2013. – 28 чэрв. – С. 2.
3. Матеюн, А. Коллектив единомышленников: Витебскому областному клиническому центру медицинской реабилитации для инвалидов, в народе больше известному как «афганский», исполнилось 20 лет / А. Матеюн // Витебские вести. – 2014. – 26 апр. – С. 6.
4. Матеюн, А. Служат тем, кто служил / А. Матеюн // Витебские вести. – 2016. – 28 апр. – С. 6.
5. Мурашкина, В. Максимум для восстановления здоровья / В. Мурашкина // Віцьбічы = Витьбичи. – 2020. – 10 сент. – С. 1–2.
6. Пастернак, Т. С. Улучшить качество реабилитации / Т. Пастернак // Витебские вести. – 2020. – 10 сент. – С. 2.
7. Шпаковская, Г. От всего сердца спасибо! / Г. Шпаковская // Витебские вести. – 2019. – 25 апр. – С. 6.
СПАСЫЛКІ
Афганистан: без права на забвение. Витебская областная библиотека имени В. И. Ленина