Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Музей-сядзіба І. Я. Рэпіна «Здраўнева», філіял Віцебскага абласнога краязнаўчага музея. Віцебскі раён

 

Сучасная назва Музей-сядзіба І. Я. Рэпіна «Здраўнёва»
Дата заснавання 11.08.1988
Месца знаходжання  Віцебская вобласць, Віцебскі раён

 

Музей-сядзіба І. Я. Рэпіна «Здраўнева» створаны 11 жніўня 1988 года па загаду Міністэрства культуры Беларусі як філіял Віцебскага абласнога краязнаўчага музея. Знаходзіцца за 16 км на поўнач ад г. Віцебск на месцы былой сядзібы расійскага мастака І. Я. Рэпіна, якую ён набыў у 1892 г.

Плошча экспазіцыі музея 242 м2. Комплекс музея-сядзібы ўключае: галоўны сядзібны дом, у якім працуе мемарыяльная экспазіцыя; дом аканома (размясцілася адміністрацыя музея і выставачная зала), склеп, сажалку, частку ліпавай алеі. Мемарыяльная экспазіцыя складаецца з 6 залаў. У 1-й зале апавядаецца пра творчы і жыццёвы шлях І. Я. Рэпіна да набыцця Здраўнёва, пра гісторыю куплі і перабудовы маёнтка. У 2 наступных – пра знаходжанне мастака і яго блізкіх на Віцебшчыне ў 1892–1904 гг.: знаёмства з прадстаўнікамі мясцовай інтэлігенцыі, духавенства, сялянамі, пра гасцей сядзібы і адлюстраванне гэтага ў працах І. Я. Рэпіна. У 4-й зале адноўлены інтэр'ер гасцінай і прадстаўлены матэрыялы аб сям'і мастака. Экспазіцыя 5-й залы размешчана ў майстэрні І. Я. Рэпіна і расказвае аб творчых пошуках і яго працах здраўнёўскага перыяду. Экспазіцыя 6-й залы прысвечана знаходжанню ў Здраўнёве ў 1918–1930 гг. сям'і малодшай дачкі мастака Т. І. Рэпінай-Язевай і далейшую гісторыю сядзібы. На працягу 1892–1904 гг. І. Я. Рэпін перыядычна працаваў у маёнтку. Тут створаны карціны «Асенні букет», «Паляўнічы з ружжом», «Беларус» (усе 1892 г.), «Касец-ліцвін» (1894 г.), «Дуэль», «Месячная ноч. Здраўнёва», «Партрэт сына Юрыя на тэрасе здраўнёўскага дома» (усе 1896 г.) і інш., шэраг эцюдаў, эскізаў («На Заходняй Дзвіне. Усход сонца», 1892 г.; «Казанне Іасафата Кунцэвіча», 1893 г., і інш.). У экспазіцыях музея прадстаўлены копіі фатаграфій, дакументаў, твораў І. Я. Рэпіна, кнігі, асабістыя рэчы мастака, прадметы побыту канца XIX – пачатку XX ст., знойдзеныя ў час раскопак на тэрыторыі сядзібы.

Музей вядзе збіральніцкую, даследчую, выставачную дзейнасць, арганізуе этнаграфічныя святы, музычныя вечары, супрацоўнічае з музеямі і арганізацыямі Беларусі і Расіі.

Адрас: Віцебская вобласць, Віцебскі раён.

Музей-сядзіба І. Я. Рэпіна. Фотаздымак з сайта https://www.belarus.byМузей-сядзіба І. Я. Рэпіна. Фотаздымак з сайта https://www.holiday.byПомнік І. Я. Рэпіну. Фотаздымак з сайта https://acvarelll.livejournal.com

ЛІТАРАТУРА

1. Абновы Здраўнёва // Культура. – 2013. – 20 ліп. – С. 3.

2. Барабаншчыкава, В. Душа мая, Здраўнёва: мінулае і сучаснае музея–сядзібы мастака Ільі Рэпіна / В. Барабаншчыкава // Настаўніцкая газета. – 2004. – 12 жн. – С. 4.

3. Блищ, Д. Великий Илья Репин... из-под Витебска. Четыре жизни Музея-усадьбы Здравнево / Д. Блищ // BY. Вокруг света в Беларусь. – 2008. – № 6. – С. 38–43.

4. Владимиров, В. «Зеркало времени» / В. Владимиров // Жыццё Прыдзвіння (Віцебск). – 2014. – 21 студз. – С. 2.

5. Газин, Д. Р. По репинским местам Придвинья / Д. Р. Газин. – Витебск : Витебская обл. тип., 2003. – 80 с.

6. Голесник, С. Его вдохновляла Западная Двина / С. Голесник // Советская Белоруссия. – 2008. – 14 авг. – С. 8.

7. Дружкова, К. «Свое государство» Ильи Репина / К. Дружкова // Витебский проспект. – 2005. – 25 авг. – С. 3.

8. Карнялюк, К. Здраўнёва – мясціна турыстычная / К. Карнялюк // Літаратура і мастацтва. – 2009. – 17 крас. – С. 15.

9. Крупица, Н. Вуаль французской грусти над Здравнево / Н. Крупица // Віцьбічы = Витьбичи. – 2011. – 28 июля. – С. III, VI.

10. Крупица, О. Пейзаж Репина в сумрачных тонах / О. Крупица // Комсомольская правда. – 2000. – 15 дек. – С. 13.