Музей мастацкі, Віцебск, г.

Подробности

Створана 08.04.2019 12:23

Адноўлена 17.04.2023 09:46

На працягу сваёй тысячагадовай гісторыі Віцебск і Віцебшчына былі цесна звязаны з многімі значнымі мастацкімі з'явамі, імёнамі сусветна вядомых мастакоў: Ю. Пэна, М. Шагала, К. Малевіча, Л. Лісіцкага, В. Ермалаевай, М. Дабужынскага, С. Юдовіна, Д. Якерсона і інш. На пачатку XX ст. у Віцебску дзейнічалі мастацкая школа і музей сучаснага мастацтва, мастацкая галерэя Ю. Пэна. Сучасны мастацкі музей у Віцебску заснаваны ў 1992 годзе і знаходзіцца ў будынку былога Акруговага суда на плошчы Свабоды. Асноўная экспазіцыя адлюстроўвае развіццё жывапісу і дэкаратыўна-прыкладнога мастацтва ад XVIII да XX стст. Прадстаўлены калекцыі рускага і еўрапейскага фарфору і фаянсу XVIII – пачатку XX стст., вышыўкі беларускіх майстроў XIX ст., посуд Налібоцкай і Урэцкай мануфактур XVIII ст. Экспануюцца творы вядомых рускіх мастакоў: І. Айвазоўскага, І. Крамскога, А. Куінджы, І. Левітана, І. Шышкіна і іншых; карціны беларускіх мастакоў і тых, хто працаваў у Беларусі: В. Бялыніцкага-Бірулі, І. Хруцкага; прадстаўнікоў віцебскай мастацкай школы: Ю. Пэна, З. Азгура, Я. Мініна, С. Юдовіна, Д. Якерсона; сучасных мастакоў Беларусі, Расіі і інш. Асаблівы гонар калекцыі – некалькі прац І. Рэпіна, які некаторы час жыў у сваім маёнтку «Здраўнёва», непадалёк ад Віцебска. Таксама ў фондах музея захоўваюцца калекцыі ікон, скульптуры (працы З. Азгура, А. Бембеля, В. Магучага, А Слепава, Г. Рыдэра, М. Андрэева і інш., дэкаратыўна-прыкладнога мастацтва (габелены і вышыўка XVIII ст.).

Экспазіцыйная плошча музея – 700 м2. У музеі працуюць наступныя пастаянныя экспазіцыі: беларускага мастацтва XVIII – сярэдзіны XIX стст.; рускага жывапісу і дэкаратыўна-прыкладнога мастацтва XVIII – пачатку XIX стст.; работ Ю. Пэна; работ выкладчыкаў і выпускнікоў Віцебскага мастацкага тэхнікума; работ віцебскіх мастакоў 60–80-х гг. XX (жывапіс); работ віцебскіх мастакоў П. М. Явіча і Ф. Ф. Гумена. Музей арганізоўвае выстаўкі, сустрэчы з мастакамі, скульптарамі, майстрамі дэкаратыўна-прыкладнога мастацтва. Пры ім працуе дзіцячая мастацкая студыя і рэстаўрацыйная майстэрня.

Дырэктар – Аляксандр Багацёнак.

Адрас: г. Віцебск, вуліца Леніна, 32.

E-mail: Этот адрес электронной почты защищен от спам-ботов. У вас должен быть включен JavaScript для просмотра.

ЛІТАРАТУРА

1. Акуневіч, В. І. Віцебскі мастацкі музей / В. І. Акуневіч // Музеі Беларусі = Музеи Беларуси / рэд. сав.: Г. П. Пашкоў, Л. В. Календа, М. Г. Нікіцін ; маст.: В. В. Катовіч, М. У. Чуднікаў. – Мінск : БелЭн імя П. Броўкі, 2008. – С. 178–180.

2. Акуневіч, В. Збор твораў Юдэля Пэна ў Віцебскім мастацкім музеі / В. Акуневіч // Мастацтва. – 2016. – № 8. – С. 48.

3. Акуневич, О. И. Художественные произведения в коллекции А. Р. Бродовского / О. И. Акуневич // Віцебскія старажытнасці : матэрыялы навуковай канферэнцыі, прысвечанай 50-годдзю знаходкі берасцяной граматы ў Віцебску і 150-годдзю з дня нараджэння А. Р. Брадоўскага, 22–23 кастр. 2009 г., Віцебск / рэдкал.: Г. У. Савіцкі [і інш.]. – Мінск : Медысонт, 2010. – С. 252–258.

4. Витебский художественный музей // Витебск : путеводитель / текст Л. Хмельницкой ; фото: В. Базан, С. Плыткевич. – Витебск : Рифтур, 2003. – С. 51.

5. Витебский художественный музей // Витебск за один день : путеводитель / Л. Хмельницкая ; фото С. Плыткевич. – Витебск : Рифтур, 2013. – 76–77.

6. Витебский художественный музей // 50 музеев Витебска : путеводитель / Н. Пивовар ; худож. А. Гайтюкевич. – Витебск : Витебская областная типография, 2016. – С. 11–13.

7. Віцебскі Мастацкі музей (філіял ВАКМ) // Музеі Віцебска на пачатку XXI cт. / М. В. Півавар. – Віцебск : ВДУ імя П. М. Машэрава, 2012. – С. 55–56.

8. Дюхова, К. А. История формирования довоенной художественной коллекции живописи УК «ВОКМ» / К. А. Дюхова // Наука – образованию, производству, экономике : материалы XV (62) Региональной научно-практической конференции преподавателей, научных сотрудников и аспирантов, посвященной 100-летию со дня основания УО «ВГУ им. П. М. Машерова», 3–5 марта 2010 г. // редкол.: А. П. Солодков [и др.]. – Витебск : ВГУ им. П. М. Машерова, 2010. – С. 331–333.

9. Крупица, Н. Искусство общения через искусство / Н. Крупица // Віцьбічы = Витьбичи. – 2018. – 14 апр. – С. 4.

10. Овчинникова, А. О. Редкие издания художников и о художниках из фондов Витебского областного краеведческого музея / А. О. Овчинникова // Віцебскі край : матэрыялы ІІІ Міжнароднай навукова-практычнай канферэнцыі, прысвечанай 500-годдзю беларускага кнігадрукавання, 23 лістапада 2017 г., Віцебск / рэдкал.: Т. М. Адамян [і інш.]. – Мінск : НББ, 2018. – Т. 3. – С. 317–321.

11. Филиал «Витебский художественный музей» // Музеи Беларуси = Музеі Беларусі = Museums of Belarus : фотоальбом / ред. сов.: В. В. Андриевич [и др.] ; пер. на англ. яз.: А. В. Титова, Ю. В. Баженов ; фото : А. П. Дрибас, С. М. Слепцов. – Минск : БелЭн імя П. Броўкі, 2018. – C. 141.

СПАСЫЛКІ

 Официальный сайт художественного музея

 Художественный музей в Витебске. Витебский городской портал

 Художественный музей, группа ВКонтакте

 Художественный музей, группа в Инстаграм