Гімназія № 2, ДУА. Аршанскі раён, г. Орша

Подробности

Створана 18.04.2017 08:40

Адноўлена 15.11.2018 08:37

Гэта найстарэйшая ў горадзе навучальная ўстанова, заснаваная 13 жніўня 1906 года як рэальнае вучылішча.

З 16 верасня 1918 года яна пачынае функцыянаваць як школа 2-ой ступені (з 1 па 8 клас).

У 1921 г. у будынку школы змяшчалася доследча-практычная сямігодка і агульнаадукацыйныя курсы.

У 1935 г. была ўтворана беларуская дзесяцігодка, якая існавала да пачатку Вялікай Айчыннай вайны.

Падчас Вялікай Айчыннай вайны школа была ператворана ў казарму для салдат, а першы паверх будынка ператварылі ў стайню. Толькі 1 верасня 1944 года школа зноў адчыніла свае дзверы для заняткаў.

У 1948 г. школе надаецца імя Міхаіла Іванавіча Калініна. У 1957 г. школа ў ліку адных з першых была рэарганізавана ў адзінаццацігадовую палітэхнічную школу з вытворчым навучаннем.

З 1972 па 2008 гг. установа адукацыі з'яўлялася сярэдняй школай № 1 з паглыбленым вывучэннем англійскай мовы.

1 верасня 2009 года школа пераўтворана ва ўстанову адукацыі «Аршанская дзяржаўная агульнаадукацыйная гімназія № 2».

Усе гады існавання ўстанова працавала і развівалася як адукацыйная ўстанова, змяняючы толькі статус у адпаведнасці з патрабаваннем часу. Нязменнымі заставаліся актыўная запатрабаванасць і высокая якасць адукацыі.

Адрас: Віцебская вобласць, Аршанскі раен, г. Орша, вуліца Ул. Леніна, д. 41.

ЛІТАРАТУРА

1. Войтеховская, С. О школе с вековой историей / С. Войтеховская // Аршанская газета. – 2006. – 11 лістап. – С. 1.

2. Слепцов, С. Заслужить звание гимназиста / С. Слепцов // Телеком-экспресс (Орша). – 2009. – 1 окт. – С. 2.

3. Шкрабо, Е. Школа № 1: 100 лет. Продолжение следует... / Е. Шкрабо // Телеком-экспресс (Орша). – 2008. – 6 нояб. – С. 2–4.

4. Шутава, В. У старых сценах – дух асветы / В. Шутава // Народнае слова. – 2008. – 2 верас. – С. 1.