Школа сярэдняя № 3, ДУА. Полацкі раён, г. Наваполацк
- Подробности
- Створана 15.11.2018 08:40
- Адноўлена 15.11.2018 09:49
| Сучасная назва | ДУА «Сярэдняя школа № 3 г. Наваполацка» |
| Тып | дзяржаўная ўстанова адукацыі |
| Дата заснавання | 1966 |
| Месца знаходжання | Віцебская вобласць, Полацкі раён, г. Наваполацк |
| Сайт | http://www.novedu.by/school3 |
Школа была адкрыта ў 1966 г.
У 1971 г. на тэрыторыі СШ №3 быў узведзены помнік гераіні полацкага падполля Ліліі Паўлаўне Касцецкай (скульптар А. Дунін), а школьнай піянерскай дружыне прысвоена яе імя.
У 1972 г. дырэктарам СШ №3 стала Джэма Іванаўна Пугачэўская.
У 1973 г. загадам Міністэрства асветы БССР з мэтай развіцця дзіцячай творчасці адной з першых у рэспубліцы навучальная ўстанова рэарганізавана ў школу з музычна-харавым ухілам.
Знакавай у гісторыі СШ №3 стала другая палова 70-х гадоў. Установа займае першыя месцы ў сацспаборніцтвах сярод школ горада, лідзіруе ў турысцка-краязнаўчай працы, ваенна-спартыўных гульнях, тэхнічнай творчасці, мастацкай самадзейнасці і нават прымае ўдзел у ВДНГ СССР у Маскве.
З мэтай пашырэння і паглыблення прафілізацыі былі адкрыты профільныя, а затым і ліцэйскія класы, у якіх матэматыка, фізіка, інфарматыка, замежныя мовы, руская і беларуская мовы, гісторыя Беларусі, «Чалавек. Грамадства. Дзяржава» вывучаюцца на выбар вучняў на павышаным узроўні.
Педагогі школы ўкараняюць у практыку сучасныя педагагічныя тэхналогіі: развіваюць навучанне, модульнае і мульціпрофільнае навучанне. Пачатковая школа асвоіла тэхналогію ранняга і інтэнсіўнага навучання пісьму, чытанню і матэматыцы па методыцы Н. А. Зайцава. Было створана і пачало плённую дзейнасць школьнае навуковае таварыства. У грамадскім самакіраванні актыўна працуюць савет школы і апякунскі савет, піянерская арганізацыя і «пярвічка» БРСМ.
У 1970 г. пад кіраўніцтвам таленавітага педагога І. С. Зінкевіча ствараецца і пачынае паспяхова функцыянаваць першы ў горадзе метадычны кабінет. На базе кабінета Міністэрствам асветы БССР праводзіліся семінары загадчыкаў аблана, прадстаўнікоў аблпрафсаюзаў, супрацоўнікаў Віцебскага інстытута ўдасканалення настаўнікаў.
На дадзеным этапе школа працягвае работу па ўдасканаленню адукацыйнага працэсу з улікам абнаўлення навучальных праграм, змяненнем зместу адукацыі і ўкараненнем навучальных дапаможнікаў новага пакалення. Навучальная ўстанова імкнецца садзейнічаць павышэнню якасці адукацыі праз рэалізацыю кампетэнтнага падыходу ў навучальным працэсе.
Школа № 3 працягвае работу па рэалізацыі праграмы«Адораныя деці ва ўмовах агульнаадукацыйнай школы».
Адміністрацыя школы робіць усё для таго, каб стварыць умовы для росту прафесійнай кампетэнцыі настаўнікаў і іх паспяховай атэстацыі.
Установа адукацыі імкнецца стварыць умовы для развіцця здольнасцей і творчых магчымасцей асобы кожнага дзіцяці, для паспяховай адаптацыі вучняў і выпускнікоў у грамадстве, для выхавання паўнацэннага члена сучаснага грамадства, які валодае ведамі, навыкамі і кампетэнцыямі.
Адрас: Віцебская вобласць, Полацкі раён, г. Наваполацк, вуліца Блахіна, д. 41.
|
ЛІТАРАТУРА
1. Добровольская, И. Школа милосердия / И. Добровольская // Новая газета (Наваполацк). – 2006. – 19 снеж. – С. 3.
2. Средняя школа № 3 // Новополоцкая азбука : информационный бюллетень / сост.: Е. В. Молодцова. – Новополоцк : Детская библиотека С. Я. Маршака, 2013. – С. 35.
3. Ходыко, В. 40 лет достижений / В. Ходыко // Новая газета (Наваполацк). – 2006. – 19 снеж. – С. 3.
4. Ходыко, В. Музыка в сентябре / В. Ходыко // Новая газета (Наваполацк). – 2005. – 30 жн. – С. 4.
СПАСЫЛКІ
