Школа сярэдняя № 14, ДУА. Полацкі раён, г. Наваполацк
- Подробности
- Створана 15.11.2018 08:40
- Адноўлена 15.11.2018 10:31
| Сучасная назва | ДУА «Сярэдняя школа № 14 г. Наваполацка» |
| Тып | дзяржаўная ўстанова адукацыі |
| Дата заснавання | 1999 |
| Месца знаходжання | Віцебская вобласць, Полацкі раён, г. Наваполацк |
| Сайт | https://14novopolotsk.schools.by/ |
1 верасня 1999 года гасцінна расчыніла дзверы СШ № 14 г. Наваполацка. Каля 1200 вучняў прыняла новая школа.
Малады, поўны энергіі і аптымізму калектыў узначаліла Н. В. Валынец, чалавек добрых арганізатарскіх здольнасцяў, справядлівы, энергічны і мэтанакіраваны. Разам з намеснікамі па вучэбнай, выхаваўчай, працы і адміністрацыйна-гаспадарчай частцы яна здолела так пабудаваць дзейнасць, што на працу ў чатырнаццатую школу ішлі з задавальненнем і з радасцю.
Навучальны комплекс уключае будынак школы, спартыўны комплекс з 2 гульнявымі пляцоўкамі, гімнастычным гарадком і 250-метровай бегавой дарожкай. У асноўным корпусе размяшчаецца 70 вучэбных кабінетаў, сталярная і слясарная майстэрні, кабінет дамаводства з вучэбнай кухняй, спартыўная і актавая залы, бібліятэка, сталовая, медыцынскі і стаматалагічны кабінеты з новым абсталяваннем. Дзейнічаюць чатыры сучасныя кабінеты для індывідуальнага навучання гульні на інструменце, гуртковай працы і два камп'ютарныя класы на 26 працоўных месцаў. Школьная актавая зала на 250 пасадачных месцаў спраектавана па тыпу кінатэатра з кінапраекцыйнай.
З 1999 г. у школе актыўную дзейнасць пачала група падоўжанага дня. Дзеці з задавальненнем праводзяць пазаўрочны час, удзельнічаюць у конкурсах і гульнях, выконваюць хатнія заданні.
Адрас: Віцебская вобласць, Полацкі раён, г. Наваполацк, вуліца Я. Коласа, д. 68.
ЛІТАРАТУРА
1. Батуревич, Е. Любить, понимать, принимать... / Е. Батуревич // Новая газета (Наваполацк). – 2002. – 29 кастр. – С. 2.
2. Кобяк, Л. Время творчества и побед / Л. Кобяк // Новая газета (Наваполацк). – 2009. – 1 снеж. – С. 2.
3. Кобяк, Л. Школа здоровья и комфорта / Л. Кобяк // Новая газета (Наваполацк). – 2005. – 30 жн. – С. 3.
4. Матвеенко, Ж. Учитель, коллекционер... и поэт / Ж. Матвеенко // Новая газета (Наваполацк). – 2002. – 12 лістап. – С. 3.
5. Средняя школа № 14 // Новополоцкая азбука : информационный бюллетень / сост.: Е. В. Молодцова. – Новополоцк : Детская библиотека С. Я. Маршака, 2013. – С. 37.
