Школа сярэдняя Ноўкінская, ДУА. Віцебскі раён, аг. Ноўка
- Подробности
- Створана 02.04.2019 08:40
- Адноўлена 02.04.2019 13:42
| Сучасная назва | Ноўкінская сярэдняя школа Віцебскага раёна |
| Былая назва | Ноўкінская пачатковая школа Віцебскага раёна |
|
Тып |
дзяржаўная ўстанова адукацыі |
| Дата заснавання | 1894 |
| Месца знаходжання | Віцебская вобласць, Віцебскі раён, аг. Ноўка |
| Сайт | https://novka.schools.by/ |
Гісторыю Ноўкінская сярэдняя школа бярэ з 1894 г. Спачатку была адкрыта царкоўна-прыходская чатырохкласная школа ў будынку абласной управы.
У 1906 г. быў пабудаваны цагляны будынак пачатковай школы.
У гады Вялікай Айчыннай вайны школа не працавала, і толькі ў 1944 г. школа адчыніла свае дзверы пасля вызвалення ад нямецка-фашысцкіх захопнікаў.
У 1992 г. быў уведзены ў эксплуатацыю новы будынак школы на 600 месцаў. Установа адукацыі была рэарганізавана ў сярэднюю агульнаадукацыйную школу.
У 2009 г. у школе з'явіўся фітабар, а ў 2010 г. адкрыўся планетарый. Ён уключае ў сябе сучасны астранамічны комплекс. У яго ўваходзяць вулічная пляцоўка з тэлескопам, які самастойна сочыць за зоркамі, сферычны і лікавы планетарый, мультымедыйная тэхніка. Вучні займаюцца навукова-практычнай работай па астраноміі і фізіцы, удзельнічаюць і займаюць прызавыя месцы на конкурсах, алімпіядах, навуковых канферэнцыях.
З 2012 г. Ноўкінская школа пачала рэалізоўваць інвестыцыйны праект.
У школе працуюць сучасныя навучальныя кабінеты, камп'ютарны клас, абсталяваны ПК, аб'яднанымі ў лакальную сетку і далучанымі да сеткі Internet, сталярная і слясарная майстэрні, абсталяваныя станкамі і неабходнымі інструментамі, кабінет абслугоўваючай працы, экалагічны клас, бібліятэка, чытальная зала, актавая зала, сталовая, спартыўная зала, трэнажорная зала, кабінет рытмікі, канферэнц-зала.
Экалагічнае выханенне – значны напрамак у рабоце школы. Вучні вывучаюць птушак і клапоцяцца пра іх, высаджваюць пакаёвыя расліны і азеляняюць свае класы, вучацца берагчы прыроду, аналізуючы старонкі Чырвонай кнігі.
Адрас: Віцебская вобласць, Віцебскі раён, аг. Ноўка, вул. Цэнтральная, д. 3.
|
ЛІТАРАТУРА
1. Большая перемена / отв. за вып. А. Быньков // Віцьбічы = Витьбичи. – 2018. – 17 июля. – С. 4–5.
2. Ільінова, Т. Нядоўгачасовае і вечнае... / Т. Ільінова // Настаўніцкая газета. – 2018. – 6 студз. – С. 16.
3. Обухава, В. Школьны маршрут для замежных гасцей / В. Обухава // Настаўніцкая газета. – 2017. – 14 лістап. – С. 3.
4. Ради тебя / подгот. А. Самотой // Віцьбічы = Витьбичи. – 2018. – 9 июня. – С. 6, 11.
