Школа сярэдняя Бачэйкаўская, ДУА. Бешанковіцкі раён, аг. Бачэйкава

Подробности

Створана 25.04.2019 08:40

Адноўлена 25.04.2019 09:51

«Лепельскі мешчанін Ізраіль Нахамовіч здае ў арэнднае карыстанне народнаму вучылішчу ў Бачэйкаве драўляную хату на тэрмін з 1 лютага 1864 года па 1 лютага 1865 года. Памяшканне мае шэсць пакояў і маленькія прыбудовы. Аплата за арэнду – 40 рублёў серабром...». Прайшло больш як сто гадоў, калі было падпісана гэта пагадненне. З яго і пачалася гісторыя Бачэйкаўскай сярэдняй школы, адной са старэйшых школ у раёне. Аб афіцыйным адкрыцці народнага вучылішча ў Бачэйкаве ў 1864 годзе засведчана таксама ў «Памятнай кнізе Віленскай вучэбнай акругі» за 1872 год.

У 20–30-я гг. на левым беразе р. Ула ў цэнтры в. Бачэйкава ў вялікім прасторным доме працавала пачатковая школа, ёю кіраваў вялікі энтузіяст сваёй справы – Н. Г. Васільеў. Ён вёў значную грамадскую працу, арганізоўваў вячэрнюю школу для дарослага насельніцтва. З 1935 года школа стала сямігадовай, а з 1940 года – сярэдняй. Першы выпуск адбыўся ў чэрвені 1944 года.

Бачэйкава было вызвалена ад нямецка-фашысцкай акупацыі 26 чэрвеня 1944 года i ўжо 1 верасня пачала працаваць пачатковая школа, якая перарасла ў сямігадовую, а ў 1955 годзе стала сярэдняй. Размяшчалася школа ў прыстасаваных памяшканнях на тэрыторыі былога маёнтка.

У 1952–1953 гг. да панскага флігеля былі прыбудаваны 3 класныя пакоі і кабінет дырэктара.

У верасні 1944 года быў адчынены дзіцячы дом для беспрытульных дзяцей, якія сталі сіротамі пасля вайны. Ён працаваў да 1958 года, пакуль на яго базе не адчынілася дапаможная школа для дзяцей з недахопамі ў псіхафізічным развіцці. У далейшым для іх былі пабудаваны новыя памяшканні, а ў 1973 годзе ўстанова адукацыі была пераведзена ў Бешанковічы.

З канца 50-х і ў наступныя гады ўсе навучэнцы школьнага ўзросту былі ахоплены навучаннем. У гэтыя гады мікрараён быў вельмі вялікім. У школу хадзілі хлопцы са Свечанскага сельсавета, з Чашніцкага і Лепельскага раёнаў.

У 60-я гг. выпускнікі і іх бацькі пры падтрымцы настаўніцкага калектыву атрымлівалі вышэйшую адукацыю. Усе ВНУ рэспублікі сталі даступныя ўсім навучэнцам. Бачэйкаўская сярэдняя школа жыла шматграннай жыццём. Юнакі авалодвалі навыкамі язды на матацыкле і аўтамашыне. З 1958 па 1970 гг. 6 настаўнікаў былі ўзнагароджаны значком «Выдатнік асветы» адукацыі, а двое з іх атрымалі званне «Заслужаны настаўнік школ БССР».

На сённяшні дзень у школе выкладаюць 25 педагогаў.

На базе школы таксама працуюць філіялы дзіцяча-юнацкай спартыўнай школы і Бешанковіцкай дзіцячай школы мастацтваў.

У 11-м класе арганізавана работа профільнай групы з вывучэннем на павышаным узроўні матэматыкі і беларускай мовы. Навучэнцы 10-га класа займаюцца па праграме прафесійнай падрыхтоўкі: юнакі – па прафесіі столяра, дзяўчыны – швачкі. Штогод вывучаецца ступень задаволенасці бацькоў якасцю адукацыі шляхам анкетавання.

Адрас: Віцебская вобласць, Бешанковіцкі раён, в. Бачэйкава, вул. Зарэчная, д. 126а.

ЛІТАРАТУРА

1. Ворошко, С. «С любовью о школе» / С. Ворошко // Зара (Бешанковічы). – 2014. – 19 снеж. – С. 5.

2. Екель, Л. Один день Ольги Александровны / Л. Екель // Советская Белоруссия. – 2006. – 28 июля. – С. 8.

3. Морозова, Е. Быть руководителем – сложно и ответственно / Е. Морозова // Зара (Бешанковічы). – 2019. – 29 студз. – С. 3.

4. Петроченко, М. Выпускниками школа славится / М. Петроченко // Зара (Бешанковічы). – 2014. – 28 студз. – С. 3.

5. Пригожий, М. Звенит звонок 140 лет... / М. Пригожий // Вiцебскі рабочы. – 2004. – 10 сак. – С. 3.

6. Пугачева, А. Остров знаний / А. Пугачева // Віцебскі рабочы. – 2012. – 6 сак. – С. 3.

7. Терещенко, О. Всё для будущих Ломоносовых / О. Терещенко // Зара (Бешанковічы). – 2013. – 24 мая. – С. 4.

8. Серебрякова, Т. Трижды золотой юбилей / Т. Серебрякова // Витебские вести. – 2015. – 13 янв. – С. 6.

9. Чекушко, В. С днем рождения, школа! / В. Чекушко // Витебские вести. – 2014. – 18 февр. – С. 5.

СПАСЫЛКІ

 Бочейковская средняя школа отмечает своё 155-летие