Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Школа сярэдняя Ульская, ДУА. Бешанковіцкі раён, г. п. Ула

 

Сучасная назва ДУА «Ульская сярэдняя школа»

Тып

дзяржаўная ўстанова адукацыі
Месца знаходжання Віцебская вобласць, Бешанковіцкі раён, г. п. Ула
Сайт https://ulla.schools.by/

 

Яшчэ да Кастрычніцкай рэвалюцыі ў в. Ула было 2-х класнае вучылішча, пасля была адкрыта навучальная сярэдняя школа. Спачатку яна называлася «ШКМ» – школа калгаснай моладзі, а пазней стала называцца Ульская няпоўная сярэдняя школа з сямігадовым тэрмінам навучання. У 1935 годзе Ульская школа была пераўтворана ў сярэднюю, з 10-ці гадовым тэрмінам навучання.

Да 1934 года дырэктарам школы працаваў Гайсёнак Міхаіл Іванавіч, які загінуў, будучы партызанам. Потым дырэктарам школы быў прызначаны Кароткі Аляксей Міканоравіч.

У чэрвені 1944 года Ула была вызвалена ад нямецка-фашысцкіх захопнікаў. 1 верасня 1944 года ўпершыню пачаліся заняткі ў школе пасля вызвалення. Да пачатку заняткаў не было падрыхтавана ні аднаго класнага памяшкання і таму першыя заняткі праводзіліся не ў школе.

Затым агульнымі намаганнямі было адрамантавана некалькі класаў. У гэтых памяшканнях пачалі праводзіць заняткі ў дзве змены. Але гэтых класных пакояў было недастаткова для навучэнцаў, вучняў у кожным класе было вельмі шмат. Дзяленне класаў было немагчыма, бо не было памяшканняў. У цяперашні час нават нельга ўявіць, якія цяжкасці ўзнікалі на шляху школьнікаў. Яны разам з дарослымі нарыхтоўвалі дровы, самі рамантавалі школьны будынак, даставалі неабходныя матэрыялы для рамонту.

У школе ў 1947 годзе ўсе навучэнцы пачалі займацца на першую змену. У гэты час дырэктарам школы працаваў Сямёнаў Усевалад Антонавіч.

Да канца 1949 года амаль цалкам ўжо былі абсталяваны класы. У сярэдзіне 50-х гадоў пачалося абсталяванне кабінетаў па хіміі і фізіцы. Былі набыты новыя школьныя прыналежнасці.

У 1951 годзе дырэктарам школы быў прызначаны Кайрыш Мікалай Аляксандравіч.

У 1979 годзе быў пабудаваны новы будынак школы. На ўрачыстым адкрыцці прысутнічалі ветэраны працы і Вялікай Айчыннай вайны.

У 1980 годзе дырэктарам стала Прыпутнёва Іраіда Уладзіміраўна. У той час працавалі вопытныя педагогі, на змену якім прыходзілі ўжо маладыя. Педагогі дзяліліся метадычнымі напрацоўкамі, з практычнай дзейнасцю настаўніка.

З 2007 года дырэктарам школы працуе Старавойтаў Анатоль Сямёнавіч.

Адрас: Віцебская вобласць, Бешанковіцкі раён, г. п. Ула, вул. Раманава, д. 50.

 

Ульская сярэдняя школа. Фотаздымак з сайта https://ulla.schools.by

ЛІТАРАТУРА

1. Акулёнак, Л. Са спортам па жыцці / Л. Акулёнак // Зара (Бешанковічы). – 2010. – 26 сак. – С. 7.

2. Галкоўскі, Р. Толькі наперад / Р. Галкоўскі // Зара (Бешанковічы). – 1999. – 4 снеж. – С. 2.

3. Дубро, Ю. Дзеці будуць вучыцца ў добрых умовах! / Ю. Дубро // Зара (Бешанковічы). – 2009. – 11 жн. – С. 3.

4. Паўлоўская, Л. І стала роднай ульская зямля / Л. Паўлоўская // Зара (Бешанковiчы). – 2007. – 5 кастр. – С. 3.