Гімназія дзяржаўная № 2, УА. Полацкі раён, г. Полацк

Подробности

Створана 24.06.2019 08:40

Адноўлена 24.06.2019 10:46

Установа адукацыі «Полацкая дзяржаўная школа-інтэрнат-гімназія для здольных і таленавітых дзяцей» была створана 1 верасня 2003 года рашэннем Віцебскага абласнога выканаўчага камітэта як установа новага тыпу. Новага таму, што ў гімназіі навучаліся сельскія і гарадскія дзеці, прынятыя на конкурснай аснове. Для пражывання навучэнцаў прадастаўляўся інтэрнат.

У 2004 годзе ў выніку рэалізацыі агульнагімназічнага праекта быў распрацаваны герб, сцяг і гімн гімназіі.

26 красавіка 2007 года Полацкая дзяржаўная школа-інтэрнат-гімназія для здольных і таленавітых дзяцей Віцебскай вобласці была перайменавана ва УА «Полацкая дзяржаўная агульнаадукацыйная школа-інтэрнат для здольных і таленавітых дзяцей».

Дзякуючы высокай выніковасці творчага супрацоўніцтва вопытных педагогаў і здольных вучняў 1 верасня 2008 года ўстанова адукацыі атрымала статус гімназіі і стала называцца «Полацкая дзяржаўная гімназія № 2».

Навучэнцам прадастаўлена магчымасць выбару напрамкаў навучання ў адпаведнасці са сваімі схільнасцямі, здольнасцямі і інтарэсамі, шырокі спектр дадатковых адукацыйных паслуг. А для таго, хто яшчэ не паспеў стаць гімназістам, працуе ўнутрыгімназічная школа «Рэпетытар»: дасведчаныя педагогі рыхтуюць да паступлення ў гімназію, дапамагаюць пры падрыхтоўцы да паступлення ў вышэйшыя навучальныя ўстановы навучэнцам з іншых школ горада.

У гімназіі налічваецца 31 навучальны кабінет, актавая зала, спартыўная зала, сталовая, метадычны кабінет, бібліятэка, сталярна-слясарная майстэрня, кабінет дамаводства, кабінеты медыцынскай, псіхалагічнай служб, зала харэаграфіі.

У цяперашні час у школе навучаецца 450 вучняў (19 класаў). У гімназіі працуе 56 педагогаў.

Дзеючыя праекты:

– раённы праект «Школа – тэрыторыя здароўя»;

– рэспубліканскі праект «Укараненне мадэлі фарміравання прадметных кампетэнцый у навучэнцаў на другой ступені агульнай сярэдняй адукацыі і ва ўмовах устаноў дадатковай адукацыі дзяцей і моладзі».

Адрас: Віцебская вобласць, Полацкі раён, г. Полацк, пр-т Ф. Скарыны, 33.

ЛІТАРАТУРА

1. Драгун, В. Віртуальны кабінет фізікі / В. Драгун // Настаўніцкая газета. – 2012. – 28 лют. – С. 8.

2. Каленик, Е. Все начинается сначала / Е. Каленик // Полацкi веснік. – 2005. – 4 лістап. – С. 7.

3. Колядко, В. П. Ответственность, профессионализм, преданность делу / В. П. Колядко // Народная асвета. – 2010. – № 1. – C. 38–41.

4. Кутынко, А. Из Новосибирска с победой / А. Кутынко // Витебские вести. – 2018. – 15 нояб. – С. 20.

5. Лапарэвіч, Ж. Полацкія пасады / Ж. Лапарэвіч // Настаўніцкая газета. – 2015. – 14 лістап. – С. 13.

6. Липко, В. Как дружная семья / В. Липко // Полацкі веснік. – 2017. – 27 снеж. – С. 7.

7. Малашеня, Л. Легенды рядом с нами / Л. Малашеня // Витебские вести. – 2016. – 30 апр. – С. 8.

8. Малашэня, Л. Вераніка і яе мары / Л. Малашэня // Народнае слова. – 2007. – 20 лют. – С. 5.

9. Малашэня, Л. Полацк развівае элітарную адукацыю / Л. Малашэня // Народнае слова. – 2003. – 21 чэрв. – С. 5.

10. Морозова, В. Зажигая информационные «звёзды» / В. Морозова // Полацкі веснік. – 2016. – 18 кастр. – С. 3.

11. Мягких, Н. Д. Кружок «Юнкор»: расширение социального опыта и мотивация на творчество: формирование информационной культуры и развитие коммуникативных способностей школьников / Н. Д. Мягких, Ж. Г. Хомиченок // Народная асвета. – 2014. – № 3. – С. 44–47.

12. Семинар-рефлекция «Метод проектов в совершенствовании профессиональной культуры педагогов» // Народная асвета. – 2011. – № 10. – С. 22–39.

13. Щербакова, Т. А. От успеха гимназии – к успеху в жизни / Т. А. Щербакова // Полацкі веснік. – 2017. – 15 снеж. – С. 17.