Школа базавая Барсукоўская, ДУА. Докшыцкі раён, аг. Барсукі
- Подробности
- Створана 18.04.2017 08:40
- Адноўлена 30.07.2019 11:16
| Сучасная назва | ДУА «Барсукоўская базавая школа Докшыцкага раёна» |
| Тып | дзяржаўная ўстанова адукацыі |
| Дата заснавання | 1938 |
| Месца знаходжання | Віцебская вобласць, Докшыцкі раён, аг. Барсукі |
Першая дзяржаўная школа ў в. Барсукі пачала работу ў 1922 годзе ў наёмным памяшканні і гэта было вялікай уступкай з боку польскіх улад. Пасля смерці ў 1935 годзе кіраўніка польскай дзяржавы Юзэфа Пілсудскага, у яго гонар на тэрыторыі Віленскага краю было прынята рашэнне аб будаўніцтве 100 школ. Сярод вёсак, у якіх павінен быў з'явіцца новы школьны будынак, была в. Барсукі. У 1938 годзе адбылося адкрыццё пачатковай школы. Знешні выгляд гэтага будынка захаваўся да нашых часоў, але ж выкарыстоўваецца ён для іншых патрэб.
Школа ў в. Барсукі некалькі разоў была рэарганізавана. У 1973 годзе васьмігадовая школа стала пачатковай, а ў 1982 годзе – наадварот, пачатковая школа рэарганізавана ў васьмігадоваю. У 1991 годзе быў пабудаваны новы будынак і васьмігадовая школа рэарганізавана ў сярэднюю. У 2017 годзе школа зноў стала базавай.
Навучэнцы школы – актыўныя ўдзельнікі абласных конкурсаў, акцый, фестываляў. Сярод узнагарод – дыпломы 1 ступені абласной акцыі «Дзень зямлі», абласных конкурсаў агітбрыгад на фестывалі прававых ведаў і «Зялёны ўбор школы» і інш.
Школа сёння гэта 36 навучэнцаў і 18 педагагічных работнікаў, з якіх 17 супрацоўнікаў (94 %) маюць вышэйшую і першую кваліфікацыйныя катэгорыі.
Адрас: Віцебская вобласць, Докшыцкі раён, аг. Барсукі, вул. Інтэрнацыянальная, 1а.
|
ЛІТАРАТУРА
1. Альшэўская, Т. Утульны дом пад назвай «Школа» / Т. Альшэўская // Родныя вытокі (Докшыцы). – 2016. – 20 студз. – С. 3.
2. Балышева, С. Настоящие мужчины из Докшиц / С. Балышева // Рэспубліка. – 2001. – 17 жн. – С. 2.
3. Грабоўскі, Д. Пра школу ў Барсуках / Д. Грабоўскі // Родныя вытокі (Докшыцы). – 2015. – 17 кастр. – С. 2.
4. Лук'яненка, М. Надзейны рэзерв / М. Лук'яненка // Родныя вытокi (Докшыцы). – 2007. – 4 крас. – С. 2.
5. Лук'яненка, М. Шлях пошуку і чалавечнасці // Родныя вытокi (Докшыцы). – 2005. – 15 чэрв. – С. 3.
6. Палачанін, Ф. У атмасферы творчасці / Ф. Палачанін // Віцебскі рабочы. – 1999. – 25 сак. – С. 2.
7. Чувахова, Т. З кветкамі па жыцці / Т. Чувахова // Родныя вытокі (Докшыцы). – 2001. – 6 кастр. – С. 2.
