Школа базавая Валкалацкая, ДУА. Докшыцкі раён, аг. Валкалата
- Подробности
- Створана 18.04.2017 08:40
- Адноўлена 08.08.2019 08:36
| Сучасная назва | ДУА «Валкалацкая базавая школа Докшыцкага раёна» |
| Тып | дзяржаўная ўстанова адукацыі |
| Дата заснавання | 1857 |
| Месца знаходжання | Віцебская вобласць, Докшыцкі раён, аг. Валкалата |
Свой адлік школа ў Валкалаце бярэ з 1859 года з адкрыцця народнага вучылішча, якое ўтрымлівалася на сродкі сялян. У 1875 годзе пачала работу царкоўна-прыходская школа, якую за польскім часам змяніла 4-класная пачатковая. Пасля Вялікай Айчыннай вайны ў 1944 годзе яна зноў адчыніла дзверы для вучняў. У 1949 годзе – школа стала сямігодкай, а ўжо ў 1955 годзе адбыўся першы выпуск дзясятага класа. Школа месцілася ў розных прыстасаваных будынках. У 60-я гады з'явілася магчымасць пабудаваць для школы тыповае памяшканне, якое ўведзена ў эксплуатацыю ў 1966 годзе. У 1998 годзе сярэдняя школа перайшла на дванаццацігадовы тэрмін навучання, а праз дзесяць год – на адзінаццацігадовы.
Важнай падзеяй для Валкалацкай сярэдняй школы на пачатку XXI стагоддзя стаў удзел у рэспубліканскім конкурсе, дзе яна атрымала дыплом 3-й ступені як лепшая беларуская сельская школа (2000).
У 2017 годзе сярэдняя школа рэарганізавана ў базавую. На 2018/2019 навучальны год у школе навучаюцца 26 вучняў і працуюць 12 педагагічных работнікаў.
Адрас: Віцебская вобласць, Докшыцкі раён, аг. Валкалата, вул. Школьная, 6.
ЛІТАРАТУРА
1. Альшэўская, Т. Вучоба, як і праца, павінны быць толькі ў радасць / Т. Альшэўская // Родныя вытокi (Докшыцы). – 2005. – 1 кастр. – С. 5.
2. Альшэўская, Т. На аснове нацыянальнай культуры / Т. Альшэўская // Родныя вытокi (Докшыцы). – 2005. – 23 сак.– С. 3.
3. Альшэўская, Т. Школа – гэта веды / Т. Альшэўская // Родныя вытокi (Докшыцы). – 2012. – 26 снеж.– С. 4.
4. Выпускники не подвели / подгот.: А. Рудковский, Д. Синенко, О. Чичилова // Народная газета. – 2010. – 21 крас. – С. 13.
5. Мацюшонак, З. М. «Умею раздзяляць радасць іншых людзей» / З. М. Мацюшонак ; гутарыла А. Несцяронак // Родныя вытокі (Докшыцы). – 2015. – 11 ліп. – С. 2.
6. Несцяронак, А. «...І я паэзію збіраць іду па наваколлі» / А. Несцяронак ; гутарыла Н. Навіцкая // Родныя вытокі (Докшыцы). – 2015. – 25 лют. – С. 6.
7. Стаднюк, В. Валкалацкай школе – 35 гадоў / В. Стаднюк // Родныя вытокі (Докшыцы). – 2001. – 21 лістап. – С. 3.
